ABAHEBURANIYA 10
10
1BAITU ebiragiro obubiyina ekiituru ekyebirungi ebikaba nibigenda okuija, kunu tikiri kisisani mali mali kyebigambo, tibisobora ebiro byona okuhikiriza abo abanyakui'ra haihi nebyonzira ebitarukuhindurwa, ebibahonga obutosa omwaka nomwaka. 2Kuba kitalikyo tibyakulekereyo okuhongwa? baitu abaramya obubamaire okwogibwa mali omurundi gumu, tibakubaire nokwemanyaho ebibi. 3Baitu omubyo harumu okuijukya ebibi omwaka nomwaka.
4Baitu tikisoboka esagama eyente enimi nembuzi okuihaho ebibi.] 5Nukwo obwakaba naija omu nsi yagamba ati
Ekyonzira nekihongwa otabigonze,
Baitu omubiri nugwo wantegekire;
6Ebihongwa ebyokeze ebihikirire, nebyonzira obwebibi otabisime:
7Nubwo nagamba nti Dora, ninyija,
(Omu muzingo ogwekitabu nuho kyampandikirwemu)
Okukura ebyogonza, ai Ruhanga.
8Obwagamba eruguru ati Ebyonzira nebihongwa ebyokeze ebihikirire nebyonzira obwebibi otabigonze, kunu otabisime (nibyo bahonga nkebiragiro okubigamba,) 9nubwo yagamba ati Dora, nyizire okukora ebyogonza. Aihaho ekyokubanza, agumye ekyakabiri. 10Obwebi ebiyagondeze itwe tukezebwa,obwokuhongwa kwomubiri gwa Yesu Kristo omurundi gumu gwonka. 11Kandi nyakatagara wena ayeme're obukyabukya,nahereza kandi nahonga emirundi mingi ebyonzira ebitarukuhindurwa, bimu na biri ebitasobora ebiro byona okuihaho ebibi: 12baitu ogu obuyamazire okuhonga ebyonzira kimu obwebibi okumara ebiro byona, yaika'ra ha mukono gwobulyo ogwa Ruhanga: 13kandi okuruga obunategereza, okuhikya abanyanzigwabe obubaliforwa akatebe akebigerebye. 14Baitu obwekihongwa ekimu akahikiriza abanyakwezebwa okumara ebiro byona. 15Kandi Nomwoyo Ogurukwera nuwe kaiso namberetuli: baitu obuyamazire okugamba ati
16Kinu nikyo kiragano ekindiragana nabo,
Hanyuma yebiro biri, nukwo Mukama agambire;
Ndita ebiragiro byange omu mitima yabu,
Kandi omu magezi gabu numwo ndibihandikira
Nubwo yagamba ati
17Ebibi byabu nebyokutahiki'ra byabu tindibiijuka obundi.
18Kandi nambere ebi biihibwaho, tihakyali okuhonga ebyonzira obwebibi.
19Nukwo bene baitu, obutunyina obumanzi okutaha omu kiikaro ekirukwera obwesagama ya Yesu, 20omu muhanda oguyatucwerire, oguhingura omu nyigamo, nugwo mubirigwe; 21obutanyina nyakatagara omukuru arukulema enju ya Ruhanga; 22tui're haihi nomutima ogwamazima, omu kuikiriza kwona, tuyina emitima yaitu emisirweho okuihamu omwoyo omubi, kandi nomubiri gwaitu gwogibwe amaizi amarungi: 23katukwatire kimu okwatura okunihira kwaitu, kuleke okutengetatengeta; baitu ayaraganize nuwe wokwesiga: 24kandi tutekerezege okwakambi okwehambisangana okugonzangana, nokukora engeso ezisemire; 25okutaleka okwesorozaga hamu, nkabandi okubagira, baitu ntugambi'rangana itwenka, kandi okweyongera tweyongere tuti nkokumurora ekiro kiri haihi nokuhika.
26Baitu obutugende'ra okusisa, tumazire okuhabwa okumanyira kimu amazima, tihakyasigaireho ekyonzira obwebibi, 27baitu okutegereza omusango, hamu nokutina nekiniga ekyomu'ro ekirugenda okwokeza kimu abanyanzigwa. 28Anyakugaya ebiragiro bya Musa, afa hataloho okuganyirwa obwekigambo kyakaiso babiri, rundi basatu: 29nimutekereza muta? okubonanabonesebwa okulimutekererezebwa, ogu ayalibasire nebigerebye Omwana wa Ruhanga, natekereza esagama eyekiragano eyiyayezibwe nayo okutaba erukwera, nayekunikira muno? 30Baitu tumanyire ogu ayagambire ati Okuhora enzigu kwange, ninyowe ndihora. Kandi ati Mukama alicwera abantube omusango. 31Kiba kigambo kyokutina muno okugwa omu mikono ya Ruhanga omwomezi.
32Baitu muijuke ebiro bya kara, obumwamazire okumulikirwa, ebimwabonabiniremu obulemu bwingi obwobujune: 33obundi obumwafokere ekyokusunga obwebijumu nemihito; obundi abumwateraine hamu nabo abakozirwe ebi. 34Baitu mukaganyira abo abakaba bali omu nkomo, kandi mukagumisiriza nokusemererwa okunyagwaho ebiitungo lyanyu, mumanyire ngu inywe munyina itungo erirukukira oburungi, kandi erirukuikaraho. 35Nukwo mutalinaga obumanzi bwanyu obunyakuloho empera enkoto. 36Baitu nimutaga okugumisiriza, nukwo obumulikamara okukora Ruhanga ebyagonza, mugaruke muhabwe ebimwaraganizibwe. 37Baitu hasigaireho akacu kake muno,
Arujuija aliija, kunu taliikara,
38Baitu owange anyakuhikirire aliba mwomezi obwokuikiriza:
Kandi obwayehinya enyuma, omutima gwange tigurukusemererwa omuluwe.
39Baitu tituli bokwehinya enyuma omu kuhwereke'ra; baitu tuli bokuikiriza obwokujuna obwomezi.
Currently Selected:
ABAHEBURANIYA 10: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
