ABAHEBURANIYA 11

1BAITU okuikiriza nukwo kurukugumya ebinihizibwa, nukwo kurukumanyisa ebitarukurorwa. 2Baitu omuli oku abakuru bakamanyisibwamu. 3Obwokuikiriza tumanyire ngu ebintu byona bikakorwa ekigambo kya Ruhanga, nukwo ebirukurorwa bitakorwe okuruga omwebi ebirukwolekwa. 4Obwokuikiriza Aberi akahongera Ruhanga ekyonzira ekirungi okukira Kaini, kandi nikyo kyamumanyisize ahikirire, Ruhanga namanyisa ha bisembobye: kandi obwoku nobwaba afire nakigamba. 5Obwokuikiriza Enoka akatwarwa okutabona okufa: kandi akaba ataloho, baitu Ruhana akamutwara: baitu obwakaba atakatwairwe, akamanyisibwa kinu ngu Ruhanga amusimire: 6kandi hataloho okuikiriza tikisoboka okumusimwa: baitu anyakuija hali Ruhanga, kimuhikirire okuikiriza ati Aloho, kandi ati Ahera abo abanyakumuse'ra. 7Obwokuikiriza Nuha, obuyahabuirwe Ruhanga ebigambo ebikaba bitakabonekere, obuyatinire kurungi, akabaija obwato obwokujuna, enjuye; kandi nukwo yacwerire ati ensi omusango, nafoka omugwetwa owokuhiki'ra okuli omu kuikiriza. 8Obwokuikiriza Iburahimu obuyayeserwe akahu'ra okurugayo, nokugenda omu kiikaro ekyakaba nagenda okuhabwa okuba obugwetwa; kandi yarugayo atamanyire nambere arukugenda. 9Obwokuikiriza akagonya omu nsi eyiyaraganizibwe, nketali ye wenka, narara omu hema,na Isaka, na Yakobo,abagwetea hamu nauwe abomurago ogumu: 10baitu akanihira orubuga oru orunyakuyina emiganda Ruhanga oruyarangaine narwombeka. 11Obwokuikiriza na Sara wenka, akahabwa amani okuba nenda, nobwakaba ahinguraine okuzara, baitu akatekereza ogu ayamuraganize okuba wokwesiga: 12kandi habwa kinu hakazarwa okuruga omu muntu omu, kandi ogu akabali nkafire, abaijukuru baingi, nkenyunyuzi ezahaiguru okuziri nyingi, kandi nkomusenyi oguli ha musa gwenyanja ogutarukubarwa.

13Abo bona bakafera omu kuikiriza, batakahairwe ebyaraganizibwe, baitu bakabirora hara nibabiramukya, nibegamba okuba abasuhuki nabagenzi omunsi. 14Baitu abarukugamba bati buli bamanyisa ngu nibase'ra ensi yowabu bonka. 15Kandi kakuba babaire nibaijuka ensi egi nambere barugire, bakubaire nomwanya okugarukayo. 16Baitu hati bunu nibegomba erukukira oburungi, niyo yomuiguru: nikyo Ruhanga alekera okubakwatirwa ensoni okwetwa Ruhanga wabu: baitu akabatekaniriza orubuga.

17Obwokuikiriza Iburahimu, obuyalengerwe akahongaa Isaka: ego, ogu ayahairwe emiringo nokusemererwa, akaba nahonga omwanawe ayzairwe omu wenka; 18kandi nuwe ogu ayagambirwe ogu Omu Isaka abaijukuru bawe numwo balyeterwa: 19obuyatekerize ati Ruhanga nasobora okuhumbura nomu bafu; kandi numwo yamuherirwemu omu kisisani. 20Obwokuikiriza Isaka akasabira omugisa Yakobo na Esau, kandi omu bigambo ebikaba nibigenda okuija. 21Obwokuikiriza Yakobo obwakaba amalize okufa, akasabira omugisa abana bombi aba Yusufu, kandi yaramya ainamire na ntuli yomuigogwe. 22Obwokuikiriza Yusufu, okufa obukukaba kuli haihi, akagamba ha kurugayo kwabana ba Isareri: kandi yaragira ebyamagufage. 23Obwokuikiriza Musa, obuyazairwe akaserekwa abamuzaire amezi asatu, baitu bakamurora okuba omwana omurungi; kunu batatine ekiragiro kyomukama. 24Obwokuikiriza Musa obuyakuzire akanga okwetwa omwana womuhara wa Faraho; 25nayegomboza okukorwa kubi hamu nabantu ba Ruhanga, okukira okuba nokwesemeza okwebibi okurukuhwaho bwango; 26natekereza ekijumu kya Kristo okuba obuguda bwingi okukira ebiitungo byomu Misiri: baitu akanihira empera egi. 27Obwokuikiriza akaleka Misiri, atarukutina ekiniga kyomukama: baitu akagumisiriza narora ogu atarukuboneka. 28Obwokuikiriza akataho Okuhingurwaho, nokumisiri esagama, ogu ayahwerekerize emizigaijo aleke okubakoraho. 29Obwokuikiriza bakaraba omu Nyanja Erukutukura nkobwe're: baitu Abamisiri obubarolezeho okukora bati bami'rwa kimu. 30Obwokuikiriza muhuruzi ya Yeriko yagwa hansi, obuyamazire okwehingulirizibwa emirundi musanju. 31Obwokuikiriza Rahabu omusihani ogu atahwereke're hamu nabo abatarahulire, obuyakunire entasi nobusinge. 32Kandi ninkigambaki? Baitu omwanya guramburaho obundagamba ha Gideoni, na Baraka, na Samusoni, na Yafesi, na Daudi, na Samuiri, nabanabi: 33abasinguire obukama obwokuikiriza, nibakora ebyokuhiki'ra, nibatunga ebyaraganizibwe, nibabumba eminwa yentale: 34nibaraza amani gomu'ro, nibakira obwogi bwempirima, nibatunga amani okuruga omu bugara, nibafoka emanzi omu kurwana, nibasinga amahe gabamahanga. 35Abakazi bakahabwa abafu babu omu kuhumbuka: nabandi bakaterwa emiigo, kunu bataikirize okucungurwa; batunge okuhumbuka okurukukira abarungi: 36nabandi bakalengwa nibate'rwa enaku, nibaterwa enkoba, kandi nokubohebwa nokutebwa omu nkomo: 37bakahungu'rwa amabale, bakasasurwamu nemisumeno bakahebwa, bakaitwa nempirima: bagendaga bajwaire ebisato byentama nembuzi: balekerwe, nibabonabonesebwa, nibakorwa kubi, 38(ensi abeterasemerire) nibahambara omu irungu, nensozi nobuingira, nomu biina biitaka. 39Kandi nabo bona obubamanyisibwe obwokuikiriza kwabu batahabwe ekyaraganizibwe, 40Ruhanga obuyatubonire hara ekigambo ekirukukira oburungi, bo baleke okuhikirizibwa hatali itwe.

Currently Selected:

ABAHEBURANIYA 11: BRR64

Highlight

Copy