ABEFESO 3

1NANYOWE Paulo, omunyankomo wa Kristo Yesu habwanyu Abamahanga, -- 2muraba muhulire obuketo obwembabazi za Ruhabga obwamopairwe halinywe: 3okunamanyisibwe ekyensita omu kusuku’rwa, nkokunahandikire kara omu bigambo bike, 4ebirukusobora okubamanyisa, obumubisomamu, okumanya kwange omu kyensita kya Kristo:

5Ekitaramanyisibwa omu businge obwaira hali abana babantu, nka hati bunu okukisukulirwe hali abakwendabe abarukwera nabanabi omu Mwoyo: 6ngu Abamahanga okuba abagwetwa hamu,kandi abomubiri gumu, kandi abateraine ha bwomurago omu Kristo Yesu obwenjiri, 7eyinafokere omuhereza wayo, nkekisembo kyembabazi ekya Ruhanga ekyampairwe okukiri, omu busobozi obwamanige. 8Nyowe anyakuli omuto mali okukira abato abomu barukwera bona, ninyowe nahairwe embabazi zinu, okutebezaga Abamahanga obuguda obutarukulengwa obwa Kristo, 9nokuroza bona obuketo obwekyensita, ekyaserekerwe okuruga karanakara omu Ruhanga ayahangire byona: 10nukwo hati bunu ababito nabobusobozi abomu biikaro ebyomu iguru bamanyisibwe omu kanisa amagezi amaingi aga Ruhanga, 11nkokuhanura kwebiro nebiro okukuli, okuyahanuire omu Kristo Yesu Mukama waitu: 12nambere tuihire obumanzi bwaitu, nokui’ra nobumanzi obwokumuikiriza uwe.

13Nukwo nsabire inywe, mutagwa ensazi obwomuhito gwange habwanyu, nikyo kitinisa kyanyu.

14Nikyo nterize amaju gange hali Isitwe, 15enganda zona ouzirukirwamu amabara, ezomu iguru neza hansi, 16nukwo abahe inywe nkobuguda obwekitinisakye okubuli, okugumibwa namani omu Mwoyogwe omu muntu owomunda:

17Krito aikalege omu mitima yanyu obwokuikiriza: inywe obumunyina emihama yanyu, kandi obumugumibwa muno omu kugonza, 18muikalege namani okwetegereza hamu nabarukwera bona okugaliha, nobuhango, nokuraiha, nokuhama okubiri, 19nokumanya okugonza kwa Kristo okutarukumanywa. Nukwo muijule okuijura kwona okwa Ruhanga.

20Kandi hali ogu arukusobora okukora okukira byona ebitusobora okusaba nokutekereza, nkamani agarukukora omulitwe, 21ekitinisa kibe haluwe omu kanisa nomu Kristo Yesu, okkuhikya obusinge bwona obwebiro nebiro. Amina.

Currently Selected:

ABEFESO 3: BRR64

Highlight

Copy