ABEFESO 2

1KANDI nainywe akabomeza obumukaba muli bafu omu byokusisa nebibi byanyu, 2ebimwagenderamuga ira nkobusinge obwensi enu okubuli, okukuratira wobusobozi omu mwanya, omwoyo ogukoza hati bunu omu bana abatarukuhu’ra: 3kandi naitwe itwena twabagenderamuga ira omu kwegomba kwomubiiri gwaitu, ntukora omubiri nebitekerezo ebigonza, ntuikara obwokuzarwa kwaitu abana bekiniga, kandi nkabandi: - 4baitu Ruhanga anyakuli owobuguda omu mbabazi, obwokugonzakwe kwingi okuyatugondeze itwe, 5nobutukaba tuli bafu omu byokusisa byaitu, akatwomeza hamu na Kristo (mukajunwa obwembabazi), 6yatuhumbura hamu nauwe, yatuikaliza hamu omu biikaro ebyomu iguru omu Kristo Yesu: 7nukwo omu businge oburukugenda okuija, ayoleke obuguda oburukukira muno obwembabazize omu burungi halitwe omu Kristo Yesu, 8baitu mukajunwa omu mbabazi obwokuikiriza: kunu tibuli obwanyu inywenka: 9nikyo kisembo kya Ruhanga ekitaruga omu mirimo, omuntu wena aleke okwenyumiza. 10Baitu itwe tuli mulimogwe, abahangirwe omu Kristo Yesu engeso enungi, Ruhanga eziyatekanize kara itwe tuzigenderemu.

11Nukwo muijukege ngu ira inywe Abamahanga omu mubiri, abayetwaga Abokutasarwa abo Abokusarwa, nukwo kukozirwe nemikono omu mubiri, 12inywe omu biro ebi ebyaira mukaba muli hara na Kristo, mukaba muli basuhuki hali oruganda rwa Isareri, kandi na banyaihanga hali ekiragano ekyomurago, kandi mutanyina okunihira, kandi mutanyina okunihira, kandi mutanyina Ruhanga omu nsi. 13Baitu hati bunu omu Kristo Yesu, inywe abakaba bali hara ira muirizibwe haihi omu sagama ya Kristo. 14Baitu ogu nubwo businge bwaitu ayofoire bombi kimu, kandi yasesa ekisika ekyahagati ekirukubaganizamu, 15obuyamazireho omu mubirigwe obunyanzigwa, nibyo biragiro ebyaragirwe nebyatairweho: nukwo ahangire omuluwe wenka abo bombi okuba omuntu omu omuhyaka, okuleta obusinge: 16kandi ateranize bombi omu mubiri gumu hamu na Ruhanga obwomutimagwe, oguyaisize obunyanzigwa: 17kandi obuyaizire yatebeza obusinge inywe abakaba bali hara, nobusinge hali abo abali haihi: 18baitu habwogu itwe itwembi tunyina okui’ar kwaitu hali Isitwe omu Mwoyo omu. 19Nukwo timukyali banyaihanga nabahinguzi, baitu muli boruganda rumu babarukwera, kandi muli bomungu ya Ruhanga, 20mwombekerwe ha miganda yabakwenda nabanabi, Kristo Yesu wenka niryo ibale erikuru eryaha karugu: 21omuluwe enju yona yona, obwesumikanizibwa kurungi, ekura okuba yekaru erukwera omu Mukama waitu, 22nainywe omuluwe mwombekerwe hamu okkuba ekiikaro ekyokuikaramu ekya Ruhanga omu Mwoyo.

Currently Selected:

ABEFESO 2: BRR64

Highlight

Copy