ABAKOLOSAI 3

1NUKWO obumuraba mwahumbuirwe hamu na Kristo, muse’re ebi ebyahaiguru, nambere Kristo ali, aikalire ha Mukono ogwobulyo gwa Ruhanga. 2Mutekerezege ebyagaiguru, kunu tibiri bya hansi. 3Baitu mukafa, kandi obwomezi bwanyu buserekerwe hamu na Kristo omu Ruhanga. 4Kristo, obwomezi bwaitu, obwalimanyisibwa, nubwo nainywe hamu nauwe mulimanyisibwa omu kitinisa..

5Nukwo mufese ebicweka byanyu ebyahansi, obusihani, nobugwagwa, nokwegomba, nokwegomba okwensoni, nomukoijo omubi, nokwegomba okuli okuramya ebisisani; 6habwebi ekiniga kya Ruhanga nikiija ha bana bokutahiki’ra; 7kandi nainywe mwagenderaga omwebi kara obumukaba muli bomezi omubyo. 8Baitu hati bunu nainywe muiheho byona, okubihirwa, nekiniga, nobubi, nokujuma, nokubanza ebyensoni omu kanwa kanyu: 9mutabihangana inywenka; baitu mukajura omuntu owaira nengesoze, 10kandi mujwaire omuhyaka arukuforwa omuhyaka obwokumanya omu kisisani kyogu ayamuhangire: 11Nuho hataloho Muyonani Nomuyudaya, nobwakuba owokusarwa nowokutasarwa nowokutasarwa, nobwakuba Omunyaihanga, nobwakuba Omusikuzi, nobwakuba Omuiru rubale, nobwakuba owobugabe, baitu Kristo nibyo byona nomu byona.

12Nukwo mujwale, nkabakome ba Ruhanga, abarukwera mutima gwembabazi, noburungi, nobuculezi, nokwebundaza, nokugumisiriza: 13nimucule’rangana, kandi nimuganyirangana inywenka, rundi haroho wena anyina ekigambo hali mutahiwe: nka Kristo nauwe okuyaganyire inywe nukwo nainywe mukole muti: 14hali ebi byona mujwale nokugonzangana, baitu nukwo kurukugumya okuhiki’ra. 15Kandi obusinge bwa Ruhanga buramulege omu mitima yanyu, obumwayetirwe omu mubiri gumu; kandi musimege. 16Ekigambo kya Kristo kiikalege omulinywe nobuguda omu magezi gona; nimwegesangana nimugambi’rangana Inywenka omu zabuli, nebizina, nebizina ebyomwoyo, nimuzina nembabazi omu mitima yanyu hali ruhanga. 17Kandi ekimurakakoranga kyona, rundi omu kigambo, rundi omu ngeso, mubikolege byona omu ibara lya Mukama waitu Yesu, nimusima Ruhanga Isitwe omuluwe.

18Inywe abakazi mworoberege baiba inywe nkokukisemire omu Mukama waitu. 19Inywe abasaija mugonzege bakazi banyu, Mutababihi’rwa. 20Inywe abana abato muhu’rege ababazaire omu byona,, baitu nikyo kirukusemera omu Mukama waitu. 21Baisebo, mutabaihiza abana banyu, baleke okugwa wnsazi. 22Inywe abairu rubale muhu’rege omu byona abo abali bakama banyu omu mubiri; hatali okuhereza okwa ha maiso, nkabasimwa abantu, baitu omu mutima Mukama waitu: 23kyona ekimurakoraga mukolege nomutima, nka habwa Mukama waitu, kunu tahali habwa abatu; 24mumanyire ngu mulihabwa Mukama waitu empera yobugwetwa: muli baitu ba Mukama waitu Kristo. 25baitu anyakusisa aligaru’rwa nkokuyasisire baitu busaho kusorora omu Bantu.

Currently Selected:

ABAKOLOSAI 3: BRR64

Highlight

Copy