ABAKOLOSAI 2

1BAITU mbaire ningonza inywe okumanya okwekamba okuli kwingi okunyina habwanyu na habwabo abomu Laodikiya, na bona abatakabonaga amaiso ga 2nge omu mubiri: bahumuzibwe amtima yabu, bateranizibwe hamu omu kugonzangana, nohika hali obuguda bwona obwokwetegereza okuhikire,okumanyira kimu ekyensita kya 3Ruhanga, nuwe Kristo, nambere harumu itungo lyona ryamagezi neryokumanya lise- 4rekerwemu.Nikyo ndukugamba nti omuntu wena aleke okubahabisa omu bigambo 5ebyokubabihabiha.Baitu nobundaba ntaloho omu mubiri, baitu omu mwoyo ndi hamu nainye, ninsemererwa, nindora engeso zanyu enungi, nokuguma okwokuikiriza kwanyu omu Kristo. 6Nukwo nkokumwahaire Kristo Yesu Mukama waitu,mugenderege muti muluwe, 7muhamire,kandi mwombekerwe omuluwe,kandi mugumire omu kuikiriza,nkokumwayegesibwe, nukwo musage muti omukusima. 8Mwerinde rundi hataba arukubanyaga omubifirosofo nebyebisuba ebitarumu,okukuratira ebirukwegesebwa abantu,nokukuratira ebyokubanza ebyensi, okutakuratira Kristo. 9Baitu omuluwe haikaramu okuijura kwona okwa Bwaru- 10hanga omu mubiri,nainye muhikirire omuluwe, anyakuli omutwe gwokulema kwona no- 11busobozi bwona: kandi omuluwe mukasarwa nokusara okutakozirwe nemikono,okujura omubiri ogwenyama, o mu kusa rwa okwa Kristo; 12kandi mukazibwa, kandi nukwo mwahumbukiremu hamu nauwe obwokuikiriza okukora kwa Ruhanga ayamuhumbuire omu bafu. 13Nainywe obumukaba muli bafu omu byokusia byanyu nomu kutasarwa okwomu mubirir gwanyu, ninywe yayomize hamu nauwe obuyamazire okutuganyira ebyokusisa byaitu byona; 14naragaza orupapura okukaba rutuloho, orukaba ruli omunyanzigwa waitu: kandi yaruihaho hagati narubamba ha mutigwe; 15kandi obuyayetuire okulema nobusobozi, yabifora byokusunga kwonka, obuyabisinguire hagwo.

16Nukwo omuntu wena aleke okubahana, rundi obwebyokulya, rundi ebyokunywa, rundi obugenyi, rundi obwokwezi okubonekere, rundi obwa Sabiti: 17binu nikyo kiituro kyebi ebirukuija, baitu omubiri guli gwa Kristo. 18Omuntu wena aleke okubanyanga empera yanyu omu kwebundaza okwayenzire wenka, nokuramya bamaraika, aikaire omwebi ebyaboine, nayenyumirirza busa omu magezi gomubirigwe, 19atakwatire ha Mutwe, nambere haruga omubiri gwona, guletirwe amani, kandi gusumikanizibwe engiga nebinywa, nugukura obwokukuza kwa Ruhanga.

20Obumuraba mwafire hamu na Kristo okulekayo ebyokubanza ebyensi, kiki ekibalemeseze ebiragiro 21ngu Otalikoraho, otalirozaho, 22otalikwataho, (ebi byona bihweraho omu kukozebwa), okukuratira ebiragiro nebyokwegesa ebyabantu? 23ebi nibisisana mali okuba namagezi omu kuramya omuntu okwaramize wenka, baitu tibinyina mugaso na kake okutanga okwegomba okwomubiri.

Currently Selected:

ABAKOLOSAI 2: BRR64

Highlight

Copy