ABAKOLOSAI 1

1PAULO omukwenda wa Kristo Yesu, nka Ruhanga oku yagondeze, na Timoseo mwene waitu, 2hali abarukwera na bene baitu abokwesiga omu Kristo abali Kolosai: Embabazi zibe halinywe nobusinge okuruga hali Ruhanga Isitwe.

3Ntusima Ruhanga, Ise Mukama waitu Yesu Kristo, obutubasabira ebiro byona, 4baitu tukahu’ra okuikiriza kwanyu omu Kristo Yesu, kandi okugonza okumunyinakwo hali abarukwera bona, 5obwokunihira okwabahulirwe omu iguru, nukwo mwahulireho kara omu kigambo kyamazima agenjiri, 6eyaizire halinywe; nkokweri; omu nsi zona, neyana ebyana nekanya, kandi nkomulinywe, okubanza ekiro ekimwahuliremu numumanya embabazi za Ruhanga omu mazima; 7nkokumwayegire hali Wpafura omuiru mutahi waitu arukugonzebwa, kandi Omuhereza owokwesiga owa Kristo habwaitu, 8kandi ayatumanyisize okugonza kwanyu omu Mwoyo.

9Nukwo naitwe tutarukulekayo, okubanza ha kiro ekitwahuliremu, okubasabira nokubesengereza, inywe muijule okumanya ebyagonza, omu magezi gona nokwetegereza okwomwoyo, 10nimugenda kurungi nkokukisemerire Mukama waitu obwokusimwa Kwona, nimwana ebyana omu mulimo gwona omurungi, kandi nimukanya omu kumanya Ruhanga: 11nimusobozebwa nobusobozi bwona nkamani gekitinisakye okugali, omu kugumisiriza kwona nokugumangana kwona hamu nokusemererwa; 12nimusima Isitwe, anyakutusemereza itwe omugabo ogwobugwetwa obwabarukwera omu musana; 13ayajunire itwe omu busobozi bwomuirima, natutahya omu bukama Bwomwana owokugonzakwe, 14oututungiremo okucungurwa kwaitu, nukwo kuganyirwa ebibi byaitu: 15nuwe kisisani kya Ruhanga atarukurorwa, 16omuzigaijo omuli ebihangirwe byona; baitu omwagu ebintu byona numwo byahangirwe, omu iguru na hansi, ebirukurorwa nebitarukurorwa, rundi ebitebe byobukama, rundi obukama, rundi okulema, rundi obusobozi, ebintu byona bikahangwa uwe, kandi habwe: 17kandi nuwe wokubanza wa byona nibikwatana hamu habwe. 18Kandi uwe nugwo mutwe gwombubiri, niyo kanisa: ogu nuwe wokubanza, omuzigaijo okuruga omu bafu, nukwo abe wokubanza omu byona. 19Baitu Isitwe akasima okuhiki’ra kwona kuikale omuluwe, 20nokuteraniza byona hamu nauwe wenka omuli ogu, obuyalesere obusinge nesagama eyaha mutigwe, okubiteraniza omuli ogu, rundi ebyahansi rundi ebyomu iguru. 21Kandi naiywe obumukaba muli ira banyaihanga nabanyanzigwa omu bitekerezo byanyu, omu mirimo emibi, baitu hati bunu abateranize omu mubiri 22ogwesagamaye obwokufa, okubaranga nkabarukwera abataloho kamogo, kandi abatarukuhanwa, 23omu maisoge obumuliba nimuikara omu kuikiriza, mugumire kandi mutarukutabatabana, kandi mutarukuihwa omu kunihira okwenjiri eyimwahulire, eyatebezibwe omuli ebyahangirwe byona hansi yiguru, nyowe Paulo eyinafolirwe omuhereza wayo.

24Hati bunu ninsemererwa omu kubonabona kwange habwanyu, kandi nimpikiriza kimu ebibuzireho ebyomuhito gwa Kristo omu mubiri gwange, habwomubirigwe, niyo kanisa; 25eyinafolirwe omuhereza wayo, nkobuketo bwa Ruhanga okubuli obwampairwe habwanyu, okuhikiriza ekigambo kya Ruhanga, 26nikyo kyensita eki ekyaserekerwe okuruga ebiro byona nobusinge bwona: baitu hati bunu kimanyisibwe hali abarukwerabe, 27Ruhanga abagondeze okumanyisa obuguda obwekitinisa kyekyensita kinu okubuli omu bamahanga, eki nuwe Kristo omulinywe, okunihira okwekitinisa: 28kandi nuwe tutebeza, ntuhabura abantu bona, kandi ntwegesa abantu bona omu magezi gona, nukwo tubarange omu omu ahikirire omu Kristo; 29kandi nikyo ndukuko’ra emirimo ninyekamba muno nkokukorakwe okukuli, okurukuko’ra omuli nyowe namani.

Currently Selected:

ABAKOLOSAI 1: BRR64

Highlight

Copy