ABAKOLOSAI 4

1INYWE bakama babu, mugabirege abairu banyu ebihikirire nebiinganaingaine; mumanyire ngu nainywe munyina Mukama wanyu ali omu iguru.

2Mwekambege omu kusaba nimurora muno omu kusaba nokusima; 3kandi nimusabira naitwe, Ruhanga atukungu’raho oruigi orwekigambo, okugamba ekyensita kya kristo, ekindi omunyankomo habwakyo: 4nukwo nkimanyise nkokumpikirire okugamba. 5Mugenderege omu magezi hali abo abali heru, nimwegu’ra inywenka omwanya. 6Ebigambo byantu biikalege byembabazi ebiro byona nibirungibwamu ekisura, nukwo mumanye okukibahikirire okwanukura abantu omu omu.

7Tukiko, mwene waitu arukugonzebwa, kandi omuiru mutahi waitu omu Mukama waitu, alibamanyisa ebigambo byange byona: 8ounatumire namberemuli obwekigambo kinu mali, mumanye ebigambo byange, kandi ahumuze emitima yanyu; 9hamu na Onesimo mwene waitu owokwesiga kandi arukugonzebwa, owowanyu. Balibamanisa byona bya munuka.

10Alisitako, omunyankomo mutahi wange abaramukize, na Marako muihwa wa Barababa oumwaragirwe: rundi obwaliija namberemuli mumuirize kurungi, 11na Yesu arukwetwa Yusito, abomu basazirwe: nibo bonka bakozi batahi bange obwobukama bwa Ruhanga, abantu abampumuize muno. 12Epafura owowanyu, omuiru rubale wa Kristo Yesu, abaramukize, nayekamba obutosa okubasabira, inywe mweme’rege nkabahikirire, kandi mwetegerereze kimu byona Ruhanga ebyagonza. 13Baitu ndi kaisowe nti ayina emirimo mingi habwanyu, nabomu laodikiya, nabomu Hierapoli. 14Luka, omufumu arukugonzebwa, na Dema babaramukize. 15Mubaramukye bene baitu abomu Laodikiya na Numfa, nekanisa eyomu nju yabu. 16Ebaruha enu obwerikamara okusomwa omulinywe, kandi mugisomese nomu kanisa eyabalaodikiya. Kandi nainywe musome egi eriruga omu laodikiya. 17Kandi mugambira Arakipo ngu Werinde okuhereza okuwahairwe omu Mukama waitu okukuhikiriza.

18Kunu nukwo kuramakya kwange Paulo nomukono gwange nyenka. Muijukege ensengo zange. Embabazi ziikale nainywe.

Currently Selected:

ABAKOLOSAI 4: BRR64

Highlight

Copy