JEREMIAH 22
22
Kisiakia nading Hanthotna
1 Topa in tam bangin ci hi: Judah kumpipa’ inn ah va peisuh inlen, tam thu khumnah 2tam bangin va gen ta’n: David topha tunga a to Judah kumpipa aw, nang, na nasemte le tam tunkotte-a ang lut na mite in Topa’ kammal za un. 3Topa in tam bangin ci hi: Thutang le thudih tawh gamta unlen, mi bawlsie pa’ khut sung panin a kisuom khat popo hlakhie un. Pemtate, pa nei lote le meigongte tungah khielna bawl loin tatsietna zong zang sih unlen, ahi sihle mawna a nei lo mite’ sisan tam munah luongsah sih un. 4Bangzieh ahei cile note in tam thute na man tahtah uleh, David’ topha tunga a to kumpite in sakol leengte le sakolte tungah tuongin amate, a nasemte le a mite tawh tami inn tunkotte tawnin ang lut ding uhi. 5Ahi vangin tam thute na thuse sih uleh tami inn pen gamdai a suoh dingin kei mama ka kiciem hi, Topa in ci hi.#Mat 23:28; Luk 13:35 6Azieh pen Judah kumpipa’ inn tungtangah Topa in tam bangin ci hi:
Nang pen kei adingin Gilead le
Lebanon muolvum bang na hi hi;
hinanle keima in nang pen mi ten lona khuopi#22:6 Cn: Heb “mi ten lona khuopite”
senel gam ang suosah dingin ka kiciem hi.
7Nang langkhatah a galvan teng tawh
ang susie ding mite ka kithawisah ding hi;
amate in na taamtah sing hoipente
hing phuapiehin mei-ah pai ding uhi.
8Tuale minam tampite in tam khuo nawhin a unpi-un, “Topa in bang dinga tami khuopi lien a hici bawl ta adiei,” ci-in khatlekhat kiho ding uhi. 9Tuale amate in, “A Pasien uh Topa’ thuciemna a taisan vua, pasien dangte bie-in a na a sep zieh uh ahi hi,” ci-in a dawng ding uhi.
10A sisa mipa kaa sih unlen,
zong hlasietpi sih un;
A kipeipi pa kaazaw un,
bangzieh ahei cile
a pienna gam a mu dingin
ama ang kilekia nawn sih ding hi.
Josiah Tapate’ Tunga Thupuoh
11Azieh pen a pa Josiah’ za a luo, tam mun pana a peidawh Judah Kumpi Josiah’ tapa Shallum tungtang thu Topa in tam bangin a gen hi: Tam sungah ama ang kinuale nawn sih ding a,#2Kum 23:31-34; 2Khg 36:1-4 12sal tang dinga a kikaina munah si-in tam gam a mukia nawn sih ding hi.
13Dihtat lona tawh a inn a lam,
thutang lo tawh a inndan tungnung a lam pa;
a mawhna-in a innvengte na a semsah,
a thaman a pie lo pa in gimna thuoh ding hi;
14“Inn golpi khat lam vangin
innkhan tungnung tampi neisah vang,”
ci-in tawlet vangte bawlin, taamtah sing thuopsawn a,
zasan tawh a zut mi in gimna thuoh ding hi!
15Taamtah sing tawh inn na lam ziehin
kumpi kisa na hi amah?
Na pa in an ne tui dawnin
thutang le thudih tawh na sem hi lo amah?
Tua ciengin ama a dau a pei hi.
16Ama in mizawngte le mi cimawte’ vai
thutang tawh a khenpieh hi;
tuaci’n ama a khutlam a zang hi.
Tam khu kei nei thei nading uh
hi lo amah, Topa in ci hi.
17Hinanle a manlo-a nga nading,
maw nei lote’ sisan luonsah nading le,
bawlsietna le ngongtatna dingin
na mit ule na lungsim uh na zang uhi.
18Tua ahi ziehin Judah Kumpipa Josiah’ tapa Jehoiakim tungtang thu Topa in tam bangin a gen hi:
Amate in ama adingin,
“Kadei, ka sanggam pa!
Kadei, sanggam nu!”
ci-in a kaa sih ding uhi.
Amate in ama adingin,
“Kadei, ka pupa!
Kadei, a thupina!,”ci-in
zong a kaa sih ding uhi.#2Kum 23:36–24:6; 2Khg 36:5-7
19Ama pen laa si a kivui khat bang lelin kivui ding a,
Jerusalem tunkot pulamah kikai phitin kipai ding hi.
20Lebanon ah kato-in awng unlen,
Bashan ah na aw sangsah un;
Abarim panin awngzah un, azieh pen
na guolngaite zosie kisu maimang zo hi.
21Na dau uh a pei laitahin kang hopi a,
ahi vangin, “Na thu ngai sih vang,” nei ci hi.
Na neu lai-a kipanin a tuaci den na hi hi.
Azieh pen nang in ka thu na mang sih hi.
22Hui in na tuucingte zosie uh lenmang sieng ding a,
na guolngai teng uzong salin kiman ding hi;
tua ciengin na gitlona zosie uh ziehin
mai zumin na lungkie ding uhi.
23Lebanon ah tengin
taamtah sing lahah bu a bawlte aw,
note tungah gimna ang tun ciengin
numei nausuoh nat bangin bang na ci tau#22:23 Gk Vg Syr: Heb “kikhuotuo ding hi” vagua ding vuoi!
Coniah tunga Thukhenna (Jehoiachin)
24 Topa in, keima a hing ka hi ma bangin, nang Judah Kumpipa Jehoiakim’ tapa Coniah pen ka zietlam khuta kang but ka suoikaina khutsip na hi phiel ta zongin tua panin kang sutdawh ding a,#2Kum 24:8-15; 2Khg 36:9-10 25nang ang thasawm na giin mama Babylon Kumpipa le Chaldea-te’ khut sungah kang pie ding hi. 26Na suona mun ahi lo gamdang khatah nang le na pienna na nu kang paidawh ding a, khumnah na si ding uhi. 27Ahi vangin a kilekia nopna uh gamah amate kilekia nawn lo ding hi,” a ci hi.
28Tam pa, koima in a dei lo, a kisimmaw
beelkehsa, Coniah hi lo amah?
29Ka gam, ka gam, ka gam aw,
Topa’ kammal ngai ven!
30 Topa in tam bangin ci hi:
Tam mipa, ta nei lo pa,
a khan tawntunga khuosuoh ngai lo ding pa, ci-in ciemte in;
azieh pen ama’ suonlehlah khat beh
David’ topha tungah to lo ding a,
Judah gam zong uhkia lo ding hi.
Currently Selected:
JEREMIAH 22: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
