JEREMIAH 21
21
Nebuchadnezzar’ Khut Sungah Jerusalem Tung
1Kumpi Zedekiah in Jeremiah kungah Malchiah’ tapa Pashhur le Maaseiah’ tapa siempu Zephaniah a sawl ciengin ama kunga a tung Topa’ kammal tam bang ahi hi: 2“Hepina tawh Topa kungah kote tangin thu ei dawh pieh in, azieh pen Babylon kumpipa Nebuchadnezzar in kote ei sim hi; ama in a sepsa bangin ko adingin Topa in na lamdang khat hing bawlin ko kung panin ama hing kilesahkia thei kha ding hi,” a ci hi.#2Kum 25:1-11; 2Khg 36:17-21
3Tua ciengin Jeremiah in amate kungah tam bangin ci hi: 4Zedekiah kungah tam bangin na gen ding hi: Israel’ Pasien Topa in tam bangin ci hi: Kulpi pulamah note ang imtawm Babylon kumpipa le Chaldea-te na dona uh ahi, na khut sung vua om galvante nualam sena-in ka nei ding hi; tuale keima in tam khuopi laikimah amate ka kaikhawm ding hi. 5Kei mama in lungthahna, lungsona le thangpaina lienpi tawh ka khut zahin ka banhat tawh note kang do ding hi. 6Tuale keima in tam khuopi sunga tengte a mi a sa pumin ka satlia ding a, pulnatna lienpi tawh amate a si sieng ding uhi. 7Tua zaw ciengin Topa in kang ci-in, keima in Judah Kumpipa Zedekiah, ama’ nasemte, le tam khuopi sunga teng mite- pul natna, namsau, le kielpi pana a suohta lai teng tawh a hinna uh tha dinga a sui Babylon kumpi Nebuchadnezzar’ khut sung le a galte khut sungah ka pie ding hi. Ama in a hiem namsau tawh amate a satlia ding hi; ama in amate khuotuo loin zong hinkhawi lo ding a, lainatna kici zong nei lo ding hi.
8Tuale nang in tam mite kungah tam bangin na gen ding hi: En un, keima in na mai vuah sina lampi le hinna lampi ka koi hi. 9Tam khuo sunga om mi poma namsau, kiel, le pulnatna tawh a si ding uhi; ahi vangin pusuoh dawhin note ang imtawm Chaldea-te kunga a lut poma gal vanlah bangin a hinna a suotatpi ding hi. 10Bangzieh ahei cile keima in tam khuopi hoi nading hi lo, a sietna dingin ka mai ka ngat zo ta hi: Tua khu Babylon kumpipa’ khut sungah ka pie ding a, ama in mei tawh a hal ding hi.
David’ Innkuon tungah Thu Kipuoh
11Judah kumpite’ innkuon tungah tam bangin gen in: Topa’ kammal za un, 12David’ innkuon aw! Topa in tam bangin ci hi:
Zingmawngin thutangin khen unlen,
mi bawlsiepa’ khut sung panin
a kisuompa hlakhie un.
Ahi sihle na bawl sietnate ziehin
ka thangpaina mei bangin ang kuongin
koima in phel zo lo ding hi.
13En un, kuom zanga a teng le
zanglei tunga om suongtum aw,
nangma kang langpang hi,
Topa in ci hi;
nang in “Koi ahiei eite ei do-a ang kumsuh zo ding,
koi ahiei eite kibuhna muna ang lut zo ding?” na ci hi.
14Na sepna ga tawh kituohin
dan kang pie ding hi, Topa in ci hi;
ama’ gamlahah mei ka hal ding a,
a kimvel zosie ka sieng ding hi.
Currently Selected:
JEREMIAH 21: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
