ရဲ 9
9
9
ဆၧစ့ၩရၫ့လၩ့ဘၪၦဆၨၩၥံၪလၧအနဲၩ့အဎီၩ့လဖၪ.
1ဆၧမၩဂၧၫ့ထၪ့ၥၩလၩ့ ယဟိဝၩအလူ လၧအထၫ့ ဒုၪဒၩဟၫဒၭအထံၫအခးတၭ, မိဘၪဒမၭစကၧၭထီး အထီလၧၦၡၩ ဒဲအံၫစရ့လၭလၧအၡၩဒီၪ့ဖိၪ ထီးအ 2လူၬဒိၭအမ့ၬလၧယဟိဝၩအအီၪလီၫ.- ဟၫမၭလၧအ အီၪဝ့ၫလၧအနဲၩ့ထံၭ, ဒဲတဲအၫ,ဒဲဇဲဒၧၫ့မွဲအကိၪ့ဆၧ 3ၥ့ၪဖၭဒိၪလါနၫ့တၭ,မိဘၪဝ့ၫလီၫ.- တဲအၫအ့ၪမၩထၪ့ ထိၬလဖျိၪ့လၧအဂးဒၪဝ့ၫ, ဒဲအီၪက့ၪကီၪ့စ့ၩဘဲၫဂၪ့ခိၪ မုၬအၥိၭ, ဒဲထီၫ့ဆံၫ့ဘဲၫဖၧၩ့ၥၭအဖံၬအၥိၭနီၪ လါနၫ့ 4တၭး- ယိခွါ,ယဟိဝၩမိနၫ့ထၪ့ခွံၬအဝ့ၫၥံၪတၭ, မိခွံၬ လၩ့ခွံၬအစူၪလးအခၪ့ခိၪ လၧမၫဆမံၭဖၧၩ့တၭ,မ့ၪမိ 5အၪ့ခွံၬအနၫ့ဆါဒၪဝ့ၫနီၪလီၫ.- အၭၡကံလၧၫ့မိဒၪဘၪ ဝ့ၫတၭး ၥၭမဲၪဆၧ, ဂၫဇၫဆ့မိဘၪဆၧၥၭအုၭဖၭဒိၪ, ဒဲအ့ကြၧၫ့ဆ့လီၫ. အဂဲးဘဲၫယီၩဆၧယိလါနီၪဒုၭမဲ ယူၭအမ့ၬယူၭ, စဎွၩမိလၩ့မါ လၧဂၫဇၫအဖၧၩ့တၭ, 6ၦၡၩအီၪလၧၩ့လၧအၭၡကံလၧၫ့အဖၧၩ့အ့ၬ.- ၦဒၧၩ့ ဘၧၩ့ဖိၪမိဆၧၫ့နၩ့ပၧၩ့ဆၧ လၧအၭစဒီၭအဖၧၩ့တၭ, ယမိဒၪ့ထ့ၬခွံၬၦဖလံၡၫဖိၪ အဆၧအီၪက့ၪထၪ့ထီၫအ 7ၥၭလီၫ.- ယမိမၩန့ထၪ့ခွံၬအဆၧၥွံၪလၧအနိၭဖၧၩ့ဒဲ အဆၧၥၭလိၪအလးလၧအမဲၪဆူၭဖၧၩ့တၭ, အဝ့ၫဒၪ, ဒၪလ့ၬ မိအီၪလၩ့ထးဝ့ၫလၧၦယွၩအဂး ဒဲမၩအၥၭ ဘဲၫၦဒိၪဖၭဒိၪအၥိၭ လၧယုဒၫအဖၧၩ့တၭ, ၦအ့ၭ 8ကြၧၫ့ဖိၪမိမၩအၥၭဘဲၫၦယ့ဘုၫဖိၪအၥိၭနီၪလီၫ.- ယ မိၥုၪ့တဲၩလၧယဂံၪ့အနဲၩ့ထံၭ လၧၦၥုၭမုခမျၧးအကၠီၩ့ ထီးအထီလၧအလ့ၩခၫ့ဂၬဝ့ၫ, ဒဲထီးအထဲၩ့ထဲၩ့ဝ့ၫနီၪ, ၦမၩအၧၩ့ဆၧခၫ့ဂၬ ဘၪလၧၩ့အဝ့ၫအ့ၬ. အဂဲးဘဲၫ ယီၩဘိၩ့နဲၪ့ယီၩယယိဆၧလၧယမ့ၬၥၪၥံၪလီၫ.
ထီလၧယၫအစဎွၩ.
9ဇံအိၫ့အဖိၪမုၪဧ့, ၥၭထိၬဒိၪဒိၪလ့ၬဆံၭ. ယရုစလံၫ့ အဖိၪမုၪဧ့,ကိၭၡၭထၪ့ဆံၭ, ယိခွါ, နစဎွၩဂဲၫလၧ နအီၪလီၫ.တီၩဝ့ၫလီၩ့ဝ့ၫ,ဒဲထိးထဲၩ့တၩ့ထဲၩ့ဆၧလီၫ. အၥုၪ့ဆၧၩ့အၥၭဆၧၩ့တၭ,ထူၭကၥ့ၪယီၩ့, ကၥ့ၪယီၩ့ 10အၥၭဘၪ့ဒၪလ့ၬ, ကၥ့ၪယီၩ့မိအဖိၪလီၫ.- ယမိဒၪ့ထ့ၬ ခွံၬလဲၪ့ၥုၭလၧအံဖြံၫ့အဖၧၩ့, ဒဲကၥ့ၪလၧယရုစလံၫ့ အဖၧၩ့,ဒဲဒုၭဆၧအချံၪ မိဘၪဆၧဒၪ့ထ့ၬခွံၬဝ့ၫလီၫ. တၭအဝ့ၫဒၪမိမၪလူၬ ဆၧဘၪလိၬအိၭလိၬလၧၦဆၨၩ လဖၪအဂးတၭ, အပၧၩ့ဆၧအလးမိအီၪလၧမၫဆမံၭ လစီၪ့ဖိးလၧမၫဆမံၭလစီၪ့ဒၪ, ဒဲလၧထံၫမိၡါဖိးလၧ ဂၪ့ခိၪအထုၬလီၫ.
ဆၧအီၪက့ၪထဲၩ့ယွၩအၡၩလဆၨၩလၧအလး.
11ယမိဒုၭစဲၪ့ထၪ့ခွံၬနၡၩထီၫ့ဖိၪလၧ ဆၧဖၧၩ့လၧထံၫ လအီၪဘၪ လၧနဂးဆ့ လၧဆၧအုၩ့ လၩ့အဆၧၥွံၪ အကၠီၩ့လီၫ.
12ဆၧယိလါအထီၫ့ဖိၪၥံၪဧ့, ဂဲၫထဲၩ့လၧထိၬၥံၪအအီၪ ဆံၭ.ဆၧလၧမုလနံၩယီၩဒၪလ့ၬ,ယလီၩဘၪနၥံၪလၧ 13ယမိဖ့ၪထဲၩ့နၥံၪအဆၧနံၫစၩလီၫ.- အဂဲးဘဲၫယီၩယ ဘိၭကဲၪ့ယုဒၫ လၧယဂးဒၪယဝ့ၫတၭ, ယမၩဎွ့ၩထၪ့ ချံၪလၧအံဖြံၫ့, ယထိၪဂဲၩယူၭနဖိၪခွၫလဖၪ, ဇံအိၫ့ဧ့, ယထၫ့ဒၩနဖိၪခွၫၥံၪ, ဂြံစၭဧ့, ယအီၪက့ၪယူၭနၧၩဘဲၫ 14ၦအဆီၪ့လဂၩအနၭလဘံၪ့အၥိၭနီၪယူၭ.- ယဟိဝၩ မိအီၪဖျီၪထၪ့လၧအဝ့ၫၥံၪအဂးတၭ, အဖျါမိလ့ၩထၪ့ ဘဲၫလၫ့ဝဲအဒံၭအၥိၭနီၪ, ကဆါယဟိဝၩ မိအူၪခွ့ၩ တၭ,မိလ့ၩထၪ့ဆၧလၧလံၩၥဝံၭ လၧမုခံၫ့လခီၫအဖၧၩ့ 15လီၫ.- ဆၧၥုၭမုခမျၧးအယဟိဝၩ မိမၩဖီၩ့မၩဖျ့ၭအဝ့ၫ ၥံၪတၭ,အဝ့ၫၥံၪမိအၪ့ဆၧတၭ, မိယဲးလၩ့လိးလၧၦခွံၬ ဝ့ၫလဖၪ, မိအၪ့ဝ့ၫတၭ, ၥီၫထၪ့ဘဲၫၦလၧအအီၩစဘံၭ ထံၫအၥိၭတၭ,မိဎွ့ၩဝ့ၫဘဲၫလိၫ့အၥိၭ, ဘဲၫဆၧလုလး 16အနိၩ့အၥိၭနီၪလီၫ.- ယဟိဝၩအဝ့ၫၥံၪအယွၩ မိထိး ထဲၩ့တၩ့ထဲၩ့ အၡၩခမျၧးတၭ, လၧမုလနံၩနီၪ မိထိး ထဲၩ့တၩ့ထဲၩ့အဝ့ၫၥံၪ ဘဲၫၥိၪဒဲဘ့ၪအၥိၭနီၪလီၫ. အဂဲး ဘဲၫယီၩ အဝ့ၫၥံၪမိမၩအၥၭဘဲၫၥရဖူၩအလိးလဖၪအ ၥိၭနီၪအီၪက့ၪထၪ့ထီၫအၥၭ လၧထံၫၥံၪခးၥံၪအဖၫ့ခိၪ 17နီၪလီၫ.- အဆၧဂ့ၩနီၪမွဲအဆံၭဒိၪလဲၪ. အဎံၫအလၩ နီၪမွဲအဆံၭဒိၪလဲၪ. ဘုၪၥံၪဂူၫၥံၪမိဒုၭဒိၪထၪ့ၦဖိၪၥၪ ခွၫ,ဒဲစဘံၭထံၫအၥၫ့နီၪမိဒုၭဒိၪထၪ့ ၦမုၪနၩ့လဖၪလီၫ.
Currently Selected:
ရဲ 9: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
