ရဲ 10
10
10
ယွၩအဆၧအုၩ့လၩ့လဖၪလၧဆၧဖီၩ့ဖျ့ၭထၪ့အဂး.
1လၧဆၧဆၧၩ့အထီ လၧခဲၫ့လဖၧၫ့နီၪ အၪ့ကံၩ့ဆၧ ဆၧၩ့လၧယဟိဝၩဆံၭ. ယဟိဝၩတဲၩ့လၫ့ဝဲအဒံၭ,ဖ့ၪ လၫ့ဆၧဆၧၩ့အၪအၪလ့ၬ, ဒဲနၪ့ၥံၪမံၩ့ၥံၪလၧၦကိၭဂၩ 2ဒ့ၭအဂးလၧဂၪ့ခိၪအဝၩ့ဖၧၩ့လီၫ.- အဂဲးဘဲၫယီၩ ဂံၪ့ ဖိၪအဆၧဂၩ့တ့ၫရဖံၫ့ချဲၩ့ဆၧပျီၩပျီၩတၭ, ၦဒၪဆၧလၧ ယၫလခီၫနီၪ, ဒၪဘၪဆၧအဘျံၭအဘျၪ, လီၩလၩ့လၬ လၩ့ဆၧမံၫမးအဘျံၭအဘျၪ မၩမုၬထၪ့ထဲၩ့ဆၧပျီၩ ပျီၩလီၫ.မၩအၥၭဘဲၫနီၪတၭ, အဝ့ၫၥံၪဂၭဖျိၭဘဲၫၥိၪ ဒဲဘ့ၪအၥိၭလီၫ. အဂဲးဘဲၫယီၩ မွဲၦယိၥိၪလအီၪဘၪ 3တၭ,ဘၪဆၧခိဆၧဝီၩလီၫ.- ယၥၭခဲၩထၪ့ဘၪယူၭ ၦယိၥိၪလဖၪတၭ, ယစ့ၩရၫ့ယူၭ ဘ့ၪဖၫလဖၪလီၫ. အဂဲးဘဲၫယီၩ ဆၧၥုၭမုခမျၧး အယဟိဝၩ အီၪၡီၩ့အ ၥိၪအဘ့ၪ, ယုဒၫအၡၩဂံၪ့ဖိၪတၭ, အီၪက့ၪအဝ့ၫ ဘဲၫ 4ကၥ့ၪဒူၩလၧဆၧဒုၭၥုၭအဖၧၩ့လီၫ.- နိၪ့အလိးဂဲၫထၪ့ လၧအဖၧၩ့, နိၪဖျၭဂဲၫထၪ့လၧအဖၧၩ့, ချံၪၥုၭဂဲၫထၪ့ လၧအဖၧၩ့, ကယဲၦအၪ့ကံၩ့အခီၫ့ ဂဲၫထၪ့လၧအဖၧၩ့ လစီၪ့ဎးလီၫ.
5ဘဲၫၦအဆီၪ့အၥိၭနီၪ, မိယဲးလၩ့ထံးဆၧလၧဖၧၩ့ၥၭ အကဖံၬကျၩ လၧဆၧဒုၭၥုၭအဖၧၩ့တၭ, မိဒုၭဆၧလီၫ. အဂဲးဘဲၫယီၩ ဆၧၥုၭမုခမျၧးအယဟိဝၩအီၪလၧအ 6ၥိၭတၭ,မိဒုၭမဲၦထူၬကၥ့ၪအမ့ၬလီၫ.- ယမိဒုၭဆီၪ့ ထၪ့ယုဒၫအၡၩဂံၪ့ဖိၪတၭ, ယမိထိးထဲၩ့တၩ့ထဲၩ့ယိ ၥၭအၡၩဂံၪ့ဖိၪတၭ, ယမိဒုၭအီၪအဝ့ၫၥံၪလီၫ. အဂဲး ဘဲၫယီၩယယၫ့ၥၭယူၭအဝ့ၫၥံၪလီၫ. တၭမိမၩအၥၭ ဘဲၫယလခွံၬၡိၭဘၪ အဝ့ၫၥံၪအၥိၭနီၪလီၫ. အဂဲးဘဲၫ ယီၩ,ယၧၩ,ယဟိဝၩယီၩ, ယမွဲအဝ့ၫၥံၪအယွၩတၭ, 7ယမိစံၭဆၧၫ့အဝ့ၫၥံၪလီၫ.- အံဖြံၫ့မိမၩအၥၭဘဲၫၦအ ဆီၪ့အၥိၭနီၪတၭ, မိၥၭထိၬဘဲၫၦလၧအအီၩစဘံၭထံၫ အၥိၭတၭ,အဖိၪအလံၩ မိဒၪဘၪဝ့ၫတၭ, မိၥၭထိၬ, 8အၥုၪ့မိဎွံၫအၥၭမိယီၫလၧယဟိဝၩအဖၧၩ့လီၫ.- ယမိ ယူၪထၪ့ဆၧလၧအဂးတၭ,ဒုၭအီၪကိၩ့အီၪကီၪ့အဝ့ၫ ၥံၪလီၫ.အဂဲးဘဲၫယီၩယဎွ့ၩန့ထဲၩ့အဝ့ၫၥံၪလီၫ. တၭ 9မိအၪထၪ့ ဘဲၫအအၪထၪ့ယူၭအၥိၭနီၪလီၫ.- ယမၩ လၩ့ပြံၩလၩ့ပၩ အဝ့ၫၥံၪ လၧၦခမျၧးအကျၩ လါနၫ့ တၭ,အဝ့ၫၥံၪမိနၪ့ထၪ့ထဲၩ့ယၧၩ လၧထံၫယဲၩ့ခးယဲၩ့ အဖၧၩ့မိမၧၫ့ဝ့ၫအီၪလၧအဖိၪအလံၩတၭ, ဂဲၫထဲၩ့က 10ဒၩထဲၩ့လီၫ.- ယမိဒုၭဂဲၫထဲၩ့ထၪ့အဝ့ၫၥံၪလၧခးအံဇံၭ အဖၧၩ့,ဒဲအၪ့ထုၫ့ကီၪ့အဝ့ၫၥံၪ လၧအစံရအၫအဖၧၩ့ တၭ,ယမိဒုၭဂဲၫနုၬအဝ့ၫၥံၪလၧခးဂံလအၭ, ဒဲလၧလ့ၭ 11ဘနၧၫ့တၭ,အလးမိထီလၧအဂးအ့ၬ.- အဝ့ၫဒၪမိခၫ့ဂၬ မၫဆမံၭတၭ,မိမၩထ့ဖၭ, ဒဲထးလပီၩ လၧမၫဆမံၭ ဖၧၩ့တၭ, ထံၫမိၡါအထံၫယိၬဖၧၩ့အထံၫမိလၩ့ၥံၭခွံၬ ဝ့ၫထီးအလူၬလီၫ. အစံရအၫအဆၧအီၪက့ၪထၪ့ထီၫ အၥၭအလးနီၪ မိဘၪဆၧဆၪ့လၩ့ဝ့ၫ, ခးအံဇံၭအနိၪ 12ထိၭစဎွၩမိစဲၪ့ထၪ့ခွံၬဝ့ၫလီၫ.- ယမိဒုၭဆီၪ့ထၪ့အဝ့ၫ ၥံၪလၧယဟိဝၩအဖၧၩ့တၭ, အဝ့ၫၥံၪမိစဲၪ့ဝံၩ့ဝၩ့လၧ ဆၧအမံၩ့,ယဟိဝၩစံၭဝ့ၫဒၪ.
Currently Selected:
ရဲ 10: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
