ရဲ 8
8
8
ယွၩအဆၧအုၩ့လၩ့လၧမိအီၪက့ၪထဲၩ့ ဝံးယရုစလံၫ့လၧအလး.
1ဆၧၥုၭမုခမျၧးအယဟိဝၩအလူ လၩ့ဘၪယၧၩတၭ, 2စံၭဝ့ၫဒၪ,- ဆၧၥုၭမုခမျၧးအယဟိဝၩစံၭဘဲၫယီၩ, ယ ၥၭဆီၪ့ယူၭလၧဇံအိၫ့အဂးဆီၪ့ဆီၪ့လ့ၬ,မွဲမၬ, ယၥၭ 3ဆီၪ့ယူၭလၧအဂး လၧၥၭခဲၩထၪ့ဖၭဒိၪလီၫ.- ယဟိ ဝၩစံၭဘဲၫယီၩ, ယဂဲၫထဲၩ့လၧဇံအိၫ့, ယမိအီၪလၧယ ရုစလံၫ့အၥၭခံဖၧၩ့တၭ, ဆၧမိကိၭယရုစလံၫ့လၧဆၧ မွဲဆၧတီၩအဒိၩ့နီၪ, ဒဲဆၧၥုၭမုခမျၧး အယဟိဝၩအ 4ခိၪလီၩ့နီၪ,လၧခိၪလီၩ့ဆံၫ့ဎံၪလီၫ.- ဆၧၥုၭမုခမျၧးအ ယဟိဝၩစံၭဘဲၫယီၩ, ၦၥၭၡါအခွၫၥံၪ,ဒဲၦၥၭၡါအမုၪ ၥံၪမိဆၧၫ့နၩ့လၧယရုစလံၫ့အဖၧၩ့ၥၭဖၧၩ့, လဂၩလၧ အနိၪထိၭဘီၩ့လၧအစူၪဖၧၩ့, လဂၩလၧအနိၪထိၭဘီၩ့ 5လၧအစူၪဖၧၩ့ဆုၬဆုၬ လၧအၥၭၡါအကၠီၩ့လီၫ.- ဒိၩ့ အဖၧၩ့ၥၭနီၪမိဎွ့ၩဝ့ၫလၧဖိၪၥၪအခွၫၥံၪ, ဒဲဖိၪၥၪအမုၪ 6ၥံၪလၧအလိၬကွ့ၩလၧဖၧၩ့ၥၭဖၧၩ့နီၪလီၫ.- ဆၧၥုၭမု ခမျၧးအယဟိဝၩ စံၭဝ့ၫဒၪ, အ့ၪလၩ့လၭ လၧယၡၩ ခမျၧးလၧအအီၪလၩ့ထးလဖၪယီၩ အမ့ၬယၫ လၧမု နံၩလဖၪယီၩအဖၧၩ့လါနၫ့တၭ, မိလၩ့လၭလၧယမ့ၬ ၥၪလဖၪအဖၧၩ့ဆ့ဧၪ. ဆၧၥုၭမုခမျၧးအယဟိဝၩ စံၭ 7ဝ့ၫဒၪ.- ဆၧၥုၭမုခမျၧးအယဟိဝၩစံၭဘဲၫယီၩ, ယိခွါ, ယမိမၩဖီၩ့မၩဖျ့ၭယၡၩခမျၧး လၧအအီၪလၧခးမုထၪ့ 8ဒဲလၧခးမုနုၬ,- တၭယမိဂဲၫဆိၬအဝ့ၫၥံၪတၭ, မိအီၪဝ့ၫ လၧယရုစလံၫ့အဖၧၩ့တၭ, မိကဲၪထၪ့ယၡၩခမျၧးတၭ, ယမိကဲၪထၪ့အဝ့ၫၥံၪအယွၩ လၧဆၧမွဲဆၧတီၩအဖၧၩ့, ဒဲဆၧတီၩဆၧလီၩ့အဖၧၩ့လီၫ.
9ဆၧၥုၭမုခမျၧးအယဟိဝၩစံၭဘဲၫယီၩ, ၦလၧအနါ ဂၧၫ့ဆၧလၧမုနံၩလဖၪယီၩ, လၧဆၧချဲၩ့လဖၪလၧမီၪ အနိၭလၧအချဲၩ့ဝဲၩဝ့ၫ လၧမုလနံၩ လၧဆၧအီၪက့ၪ လၩ့ဆၧၥုၭမုခမျၧး အဂံၪ့ခၪ့ထံၭ နီးၥံၪနီၪ ဘဲၫၥိၭၦမိ မၩထၪ့ဝ့ၫၥံၪဧ့,အီၪက့ၪဆီၪ့ထၪ့ နၥံၪအစူၪလဖၪဆံၭ. 10အဂဲးဘဲၫယီၩ လၧမုနံၩလဖၪနီၪ လချႃၭဘၪဒံၭဘၪ တၭ,ၦၡၩအလံၩ့အလဲၫမွဲဂ့ၩ, ဆၧဖိၪဆၧဎါအဒိၩ့အ လံၩ့အလဲၫမွဲဂ့ၩ, အီၪအ့ၬ. တၭလၧဆၧအဒုၪ အဒၩ အကၠီၩ့ၦလၧအလ့ၩထၪ့ဂဲၫနုၬနီၪ ဆၧအမုၬအီၪအ့ၬ, အဂဲးဘဲၫယီၩ ယအီၪက့ၪၦၡၩထၫ့ဒၩလိၬ အၥၭလဂၩ 11ဒဲလဂၩဆုၬဆုၬလီၫ.- အ့ၪမွဲဘိၩ့နဲၪ့ယီၩ, ကယဲၦ ခမျၧးယီၩ လၧအအီၪလၩ့ထးအဂး ဘဲၫလၧမုနံၩလၧ အခၪ့ထံၭလဖၪအၥိၭနီၪအ့ၬ. ဆၧၥုၭမုခမျၧးအယဟိ 12ဝၩစံၭဝ့ၫဒၪ.- အဂဲးဘဲၫယီၩ ဆၧအချံၫမိဘီၪထၪ့ယီၫ ထၪ့တၭ, စဘံၭမုမိၥၪထၪ့တၭ, ဂၪ့ခိၪမိဒုၭအီၪထၪ့ အဆၧၥူၪဆၧၥၪလဖၪ, ဒဲမူၭခိၪမိဒုၭလၩ့ဆၩ့ အဆၩ့ ထံၫတၭ, ၦခမျၧးယီၩလၧအအီၪလၩ့ထးယီၩယမိဒုၭ 13န့ဘၪဆၧလဖၪနီၪထီးအလူၬလီၫ.- ဆၧမိမၩအၥၭဘဲၫ လၧနၥံၪကဲၪထၪ့ဆၧဆိၪအၧၩ့ လၧၦဆၨၩလဖၪအကျၩ အၥိၭနီၪ,ယုဒၫအၡၩဂံၪ့ဖိၪ, ဒဲအံၫစရ့လၭ အၡၩဂံၪ့ ဖိၪၥံၪဧ့,ယမိထိးထဲၩ့တၩ့ထဲၩ့နၥံၪတၭ, နၥံၪမိကဲၪထၪ့ ဆၧဆိၪဂ့ၩဘဲၫနီၪၥိၭလီၫ. ၥၭမဲၪဆၧလဂ့ၩ. အီၪက့ၪ 14ဆီၪ့နၥံၪအစူၪလဖၪဆံၭ.- အဂဲးဘဲၫယီၩ ဆၧၥုၭမု ခမျၧးအယဟိဝၩစံၭဘဲၫယီၩ, ထီးနၥံၪအဖါဒုၭၥၭထၪ့ ယၧၩတၭ,ဘဲၫယကိၪ့မၩအၧၩ့နၥံၪတၭ, ယလနီၫ့ယါ လၩ့ထဲၩ့ဘၪယၥၭအၥိၭနီၪ, ဆၧၥုၭမုခမျၧးအယဟိ 15ဝၩစံၭဝ့ၫဒၪ.- ယကိၪ့ထၪ့ဒီၭလၧမုနံၩလဖၪယီၩဘဲၫ နီၪအၥိၭ,လၧယမိမၩဂ့ၩယရုစလံၫ့ ဒဲယုဒၫအၡၩဂံၪ့ ဖိၪယီၩးထီးၥၭမဲၪဆၧလဂ့ၩ.
16အယီၩမွဲဆၧလၧနၥံၪမိဘၪမၩလဖၪ, ချဲၩ့ဆၧမွဲဆၧ တီၩလဂၩဒဲလဂၩဆံၭ. စ့ၩရၫ့ဆၧမွဲဆၧတီၩ, ဒဲဆၧ 17ဘၪလိၬအိၭလိၬ လၧနၥံၪအတရၫ့ဖၧၩ့နီၪဆံၭ.- မွဲနၥံၪ ထီးကိၪ့ဆီၫ့မီၪ့ဆၧအၧၩ့လဂၩ ထၫ့ဒၩၦလဂၩဒၪလၧ နၥံၪအၥၭခံဖၧၩ့ နးဂၩလဂ့ၩ. ထီးအဲၪဆၧဆိၪလၩ့ အၥၭလတီၩဘၪ နးမံၩ့လဂ့ၩ. အဂဲးဘဲၫယီၩ ဆၧနီၪ လဖၪယၥၭဂဲၫ့ယဝ့ၫထီးအလူၬး ယဟိဝၩစံၭဝ့ၫဒၪ.
18ဆၧၥုၭမုခမျၧးအယဟိဝၩ အလူလၩ့ဘၪယၧၩတၭ, 19စံၭဝ့ၫဒၪ.- ဆၧၥုၭမုခမျၧး အယဟိဝၩစံၭဘဲၫယီၩ, လၩလံဘံၪ့လဘံၪ့အဆၧဒုၪဆၧအၪ့ဆၧအီၩ, ဒဲလၩ ယဲဘံၪ့လဘံၪ့ အဆၧဒုၪဆၧအၪ့ဆၧအီၩ, ဒဲလၩနွ့ၫ ဘံၪ့လဘံၪ့အဆၧဒုၪဆၧအၪ့ဆၧအီၩ ဒဲလၩဆံၫဘံၪ့ လဘံၪ့အဆၧဒုၪဆၧအၪ့ဆၧအီၩနီၪ, မိကဲၪထၪ့ဆၧၥုၪ့ ဎွံၫၥၭယီၫ,ဒဲဆၧၥုၪ့ထိၬၥၭထိၬ, ဆၧမၩဘိၪ့နံၩလဖၪ ဒၪလ့ၬလၧယုဒၫအၡၩဂံၪ့ဖိၪအဂးလီၫ. အဲၪဆၧမွဲဆၧ 20တီၩ,ဒဲဆၧဘၪလိၬအိၭလိၬဆံၭ.- ဆၧၥုၭမုခမျၧးအ ယဟိဝၩစံၭဘဲၫယီၩ, ၦခမျၧးဒဲၦဒိၩ့ဖိၪလၧအၪဒိၩ့မိ 21ဂဲၫဒံၭလီၫ.- ၦအီၪဝ့ၫလၧဒိၩ့လဖျိၪ့အဖၧၩ့နီၪမိလ့ၩဝ့ၫ လၧအဂူၫဂၩလဖျိၪ့တၭ, စံၭ,မွဲပလ့ၩမၩၡီၩ့ဆၧဘၪ ယဟိဝၩ အၥၭချဲၫ့ချဲၫ့, ဒဲအၪ့ဎၬၡီၩ့ဆၧၥုၭမုခမျၧး အယဟိဝၩဆံၭ. ယမိလ့ၩလၧယနၫ့ဆါဒၪယဝ့ၫဆ့ 22လီၫ.- မွဲမၬ,ၦအၪဆၨၩဒဲၦအဆၨၩဆီၪ့လဖၪမိဂဲၫအၪ့ ဎၬယဟိဝၩ လၧယရုစလံၫ့အဖၧၩ့တၭ, မၩဆၧဘၪ 23အၥၭလီၫ.- ဆၧၥုၭမုခမျၧးအယဟိဝၩ စံၭဘဲၫယီၩ, ဆၧလၧမုနံၩလဖၪနီၪ ၦဆံၫဂၩ လၧၦဆၨၩၥံၪထီး အလူၬအကျၩနီၪ, မိဖီၪ့ထၬဆၧ,မိဖီၪ့ထၬၦယုဒၫဖိၪ လဂၩအဆဲၫ့ခၪ့ထံၭဒၪလ့ၬး တၭစံၭဝ့ၫ, ပမိလ့ၩလၧ နၥံၪအၥိၭလီၫ. အဂဲးဘဲၫယီၩပနါဂၧၫ့လၧယွၩအီၪ ဝ့ၫလၧနၥံၪအၥိၭလီၫ.
Currently Selected:
ရဲ 8: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
