ရဲ 11
11
11
ၦပၧၩ့ဆၧအၧၩ့အၧၩ့ၥၫ့ၥၫ့ဘဲၫအၥၭဒၪဝ့ၫအၥိၭ, အဆၧဂၭဂီၩ့.
1လ့ၭဘနၧၫ့ဧ့, ဝဲထၪ့နတရၫ့ဘဲၫၥိၭမ့ၪမိအၪ့ခွံၬနၥံၪ့ 2ၡိၫအ့ရ့ၭဆံၭ.- ၥံၪ့ၡိၫအ့ရ့ၭဧ့, အိၩ့ယိၩ့ထၪ့ဆံၭး အဂဲးဘဲၫယီၩၥံၪ့ၡိၫအ့ရ့ၭခၨလၩ့ယူၭ, အဂဲးဘဲၫယီၩ ဆၧအဎံၫအလၩလဖၪနီၪဂၭဂီၩ့ယူၭ. ဘၫၡၫ့အၥံၪ့ ထိၭဖၫၥံၪဧ့, အိၩ့ယိၩ့ထၪ့ဆံၭ. အဂဲးဘဲၫယီၩၥံၪ့ၥံၪ အီၪထိၬထၬအၥၭနီၪခါလၩ့ယူၭ.
ၦယူၬၥိၪနံၫဂၩ.
3ၦယိၥိၪလဖၪအိၩ့ယိၩ့ထၪ့နီၪၥီၫထၪ့ဝ့ၫလီၫ. အဂဲး ဘဲၫယီၩအဆၧဎံၫဆၧလၩ အအၧၩ့အၥၫ့နီၪဂၭဂီၩ့ယူၭ ဝ့ၫယူၭ. ဆၬလၥၧၫ့ယုၩ့ဆၧနီၪၥီၫထၪ့ဝ့ၫလီၫ. အဂဲး ဘဲၫယီၩယီၫဒၫ့အဆၧအီၪက့ၪထၪ့ထီၫအၥၭအလးနီၪ 4ဂၭဂီၩ့ယူၭဝ့ၫယူၭ.- ယဟိဝၩယယွၩစံၭယၧၩ,လုအၪ့ လုအၪ့ၥိၪလဒီၪ့လၧဆၧအီၪက့ၪဝ့ၫ လၧဆၧမၩၥံၫအ 5ဂးဆံၭ.- အကဆါလဖၪနီၪမၩၥံၫအဝ့ၫၥံၪတၭ, အီၪ က့ၪအၥၭလၧအဆၧဒဲၩဘၭလအီၪဘၪး ဒဲၦလၧအအၪ့ ဆၫခွံၬအဝ့ၫၥံၪစံၭဝ့ၫ မွဲယဟိဝၩဘၪဆိၪဂ့ၩဆံၭ. အဂဲးဘဲၫယီၩယထူၭထၪ့လၧၫ့ထၪ့လီၫ. တၭအၡၩယိ 6အၥိၪဒၪဝ့ၫနီၪ လီၫ့ကီၩ့အဝ့ၫၥံၪအ့ၬ.- အဂဲးဘဲၫယီၩ ယလလီၫ့ကီၩ့လၧၩ့ဘၪၦခးဖိၪနီၪ, ယဟိဝၩစံၭဝ့ၫဒၪ. တၭယိခွါ, ယမိဖ့ၫလၫ့ခွံၬၦၡၩလဂၩလၧၦလၧအနဲၩ့ ထံၭအစူၪဖၧၩ့, လဂၩလၧအစဎွၩအစူၪဖၧၩ့ ဆုၬဆုၬ လီၫ.အဝ့ၫၥံၪမိမၩဂၭဂီၩ့ခွံၬထံၫၥံၪခးၥံၪတၭ, ယမၩ 7ဖီၩ့မၩဖျ့ၭအဝ့ၫၥံၪအ့ၬ.- ယလုအၪ့လုအီၩၥိၪလဒီၪ့ လၧဆၧအီၪက့ၪဝ့ၫလၧဆၧၥံၫအဂး, ၥိၪလဒီၪ့လၧအ ဘၪၡၪ့ဘၪနၭဒိၪမၬလီၫ. ယမၩန့နိၪထိၭဘီၩ့နံၫဘီၩ့ လီၫ.လဘီၩ့ယကိၭဆၧအခိးအတၩ, ဒဲလဘီၩ့ယကိၭ ဆၧစၧၩ့ထၬတၭ, ယလုအၪ့လုအီၩၥိၪလဒီၪ့နီၪလီၫ.
8ယဒၪ့ထ့ၬခွံၬယူၭ ၦယူၬၥိၪၥၧၫ့ဂၩလၧလၩလဘံၪ့ဎး တၭ,ယၥၭလိၪအဝ့ၫၥံၪတၭ, အဝ့ၫၥံၪၥၭလိၪယၧၩဆ့ 9လီၫ.- ထီးနီၪလဖၧၫ့ယစံၭ, ယမိယိထဲၩ့ခွါထဲၩ့နၥံၪ အ့ၬ.ဆၧလၧအမိၥံၫနီၪ ၥံၫဒၪဝ့ၫ, ဒဲဆၧလၧအမိဘၪ ဆၧဒၪ့ထ့ၬခွံၬဝ့ၫနီၪ, မိဘၪဆၧဒၪ့ထ့ၬခွံၬ ဒၪဝ့ၫဆံၭ. တၭဆၧအီၪလၩ့ထးလဖၪနီၪ မိအၪ့လိၬဒၪဝ့ၫအၥၭလ ဒုၩဂူၫဂၩအယၪ, လဒုၩဂူၫဂၩအယၪဆုၬဆုၬဆံၭ.
10ယမၩန့နိၪထိၭဘီၩ့ဆၧအခိးအတၩတၭ, ယဒၪ့ထ့ၬ ဝ့ၫဘဲၫၥိၭယမိမၩဂၭဂီၩ့ ယဆၧအုၩ့လၩ့လၧယအုၩ့ 11လၩ့လၧၦခမျၧးထီးအလူၬလီၫ.- တၭယိခွါ, လၧမုလ နံၩနီၪဂၭဂီၩ့ဝ့ၫတၭ, ဆၧၡၪ့ဆၧနၭအၥိၪလဒီၪ့ လၧအ ထီးန့ယလူနီၪ, ၥ့ၪယၫဝ့ၫလၧအမွဲယဟိဝၩအလူတၡါ 12လီၫ.- ယစံၭအဝ့ၫၥံၪအ့ၪဂ့ၩလၧနၥံၪအမ့ၬယၫတၭ, ဖ့ၪလၫ့ယၧၩလၧယလံၩ့ယလဲၫဆံၭ. အ့ၪလမွဲဘၪဘဲၫ နီၪတၭ, ထီးမၩလဂ့ၩ. တၭအဝ့ၫၥံၪခံၫ့န့စ့ၩ ၥၧၫ့ဆံၫ 13လၧယလံၩ့ယလဲၫအဂးလီၫ.- ယဟိဝၩစံၭယၧၩ,ခွံၬ လၩ့ခွံၬလၧၦတဲၩ့ဖၧၩ့နီၪအအီၪဆံၭ. ဆၧအဎွ့ၩအဎံၫ အလၩလၧၦဆိၫ့ဎွ့ၩယၧၩဂ့ၩမၬကလဲၪၬ ယမၩန့စ့ၩ ၥၧၫ့ဆံၫနီၪတၭ, ယခွံၬလၩ့ခွံၬဝ့ၫလၧၦတဲၩ့ဖၧၩ့နီၪအ 14အီၪလၧယဟိဝၩအဂံၪ့ဖၧၩ့လီၫ.- ထီးနီၪလဖၧၫ့ယဒၪ့ ထ့ၬခွံၬ ယနိၪထိၭဘီၩ့ ဆၧစၧၩ့ထၬနံၫဘီၩ့လဘီၩ့နီၪ ဘဲၫၥိၭယမိမၩဂၭဂီၩ့ခွံၬ ယုဒၫဒဲအံၫစရ့လၭအထၧၫ့ဖု ထၧၫ့ဝဲအလးနီၪလီၫ.
15ယဟိဝၩစံၭယၧၩ, မၩန့ဒံၭၦယိၥိၪအဂီၩ့ဖိၪလဂၩ 16အစူၪဝဲၩဆံၭ.- အဂဲးဘဲၫယီၩယမိဒုၭဂဲထုၪ့ၦယိၥိၪ လၧခးနီၪအဖၧၩ့လီၫ. ဆၧလၧအမိၥံၫနီၪ အီၪၡီၩ့ဝ့ၫ အ့ၬ.ဆၧဂၭဖျိၭဖၧၩ့ၥၭနီၪအၪ့ဎၬဝ့ၫအ့ၬ. ဆၧလၧအ ဘၪထူၬနီၪမၩဘျၪထဲၩ့ဝ့ၫအ့ၬ. ဆၧလၧဆၧပွံၭအၥၭ ယိဝ့ၫအ့ၬ. မိအၪ့ဘၪဆၧအဘီၪ့အယၪတၭ, မိၡၫ့ယၬ 17ခွံၬအခၪ့မံၪလီၫ.- ၦယိၥိၪလၧအလန့ကၩဘၪဆၧ, လၧ အစဲၪ့ဒၪၥိၪလဒီၪ့နီၪ, ဘၪအၡၪ့လီၫၬ နၭၥံၪဖၩ့ၥံၪမိဘၪ အစူၪဒူၪဒဲအမ့ၬၥၪအထွ့ၪလီၫ. အစူၪမိလၩ့ၥံၫ, ဒဲအ မ့ၬၥၪအထွ့ၪမိခံၭတၡါလီၫ.
Currently Selected:
ရဲ 11: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
