ရဲ 12
12
12
ယရုစလံၫ့အဆၧဖီၩ့ဖျ့ၭလၧထီလၧယၫ.
1ဆၧအလူလၩ့, ယဟိဝၩအလူလၧအံၫစရ့လၭအ ဂဲးအကၠီၩ့,ယဟိဝၩလၧအပၠၪထၪ့မူၭခိၪ, ဒဲအီၪက့ၪလၩ့ ဂၪ့ခိၪအခၪ့ထံၭဒဲတဲၩ့လၩ့ၦၡၩအၥၭ လၧအအီၪဝ့ၫလၧ 2အဖၧၩ့လဂၩနီၪစံၭဝ့ၫဒၪ,- ယိခွါ,ယမိအီၪက့ၪယရု စလံၫ့လၧဆၧလ့ၩဒံၩ့ခံၫ့ဒၪ့ဎၩ့အလိၫ့ လၧကယဲၦၡၩ ခမျၧးအဂး လၧအအီၪဝၬဖီၩ့ဝ့ၫနီၪ, လၧဆၧဝၩ့ထၬ ယရုစလံၫ့နီၪ, ဆၧမိမၩဆ့လၧယုဒၫဘဲၫနီၪၥိၭလီၫ.
3ဆၧလၧမုလနံၩနီၪ ယမိအီၪက့ၪယရုစလံၫ့ လၧလိး ဎၧၫ့လဖျိၪ့လၧၦခမျၧးထီးအလူၬအဂးလီၫ. ကယဲၦ လၧအမၩန့ထၪ့ဝ့ၫနီၪမိဘၪဆၧဒၪ့ထ့ၬခွံၬဝ့ၫထီးအလူၬ လါနၫ့တၭ,ဂၪ့ခိၪအၡၩဆၨၩထီးအလူၬမိအီၪကီၪ့ထၫ့ 4ဒၩအဝ့ၫနီၪလီၫ.- ယဟိဝၩစံၭဝ့ၫဒၪ, ဆၧလၧမုလနံၩ နီၪယမိဒိၪကယဲကၥ့ၪလဖၪ လၧဆၧထီၫမံၫထီၫမၪ,ဒဲ ဒုၭဖျႃထၪ့ၦထူၬကၥ့ၪလဖၪနီၪလီၫ. အ့ၪမွဲယမိဒိၭယ မ့ၬၥၪလဖၪအီၪစၪ့ထၪ့အၥၭ လၧယုဒၫအၡၩဂံၪ့ဖိၪ, အ့ၪမွဲၦခမျၧးအကၥ့ၪနီၪ ယမိဒုၭဘျီၪအမ့ၬကိၭဒုၩဒ့ၭ 5လီၫ.- ယုဒၫအၦဒိၪလဖၪမိစံၭလၧအၥၭခံဖၧၩ့နီၪ, ယဂဲးယဘၭမွဲၦယရုစလံၫ့ဖိၪ လၧဆၧၥုၭမုခမျၧး အယဟိဝၩ, အဝ့ၫၥံၪအယွၩအစူၪဖၧၩ့လီၫ.
6ဆၧလၧမုလနံၩနီၪယမိအီၪက့ၪယုဒၫ အၦဒိၪလဖၪ ဘဲၫမ့ၪဖၧၩ့လဖျိၪ့လၧၥံၪ့မုအကျၩအၥိၭ, ဒဲမ့ၪၡီၫလၡီၫ လၧဘုၪထူအဖၧၩ့အၥိၭနီၪတၭ, မိအၪ့ခွံၬၦခမျၧးထီး အလူၬလၧအအီၪဝၬဖီၩ့ဝ့ၫ လၧအစူၪထွ့ၪဒဲစူၪစ့ၪ,ဒဲၦမိ အီၪဒံၭလၧယရုစလံၫ့အဖၧၩ့ လၧအလးဒၪဝ့ၫလၧယရု 7စလံၫ့အဖၧၩ့လီၫ.- ယဟိဝၩမိထိးထဲၩ့တၩ့ထဲၩ့ဆိၫ ယုဒၫအတဲၩလဖၪ ဘဲၫၥိၭစဒၫဝံၭအၡၩဂံၪ့ဖိၪအလၩ အဖၩ့,ဒဲၦယရုစလံၫ့ဖိၪအလၩအဖၩ့ ထီးမၩဒိၪထၪ့ 8အၥၭလၧယုဒၫအဖၫ့ခိၪလဂ့ၩ.- ဆၧလၧမုလနံၩနီၪ ယဟိဝၩမိအီၪဖီၩ့ၦယရုစလံၫ့, ဒဲၦလၧအခၪ့ဘၪထၧၩ့ လၧမုလနံၩနီၪ မိမၩအၥၭဘဲၫစဒၫဝံၭအၥိၭ, ဒဲစဒၫဝံၭ အၡၩဂံၪ့ဖိၪ ဘဲၫယွၩအၥိၭ, ဘဲၫယဟိဝၩ အၥီၫ့လၧ အဝ့ၫၥံၪအမ့ၬယၫအၥိၭနီၪလီၫ.
9လၧမုလနံၩနီၪ ဆၧမိမၩအၥၭ လၧယမိအၪ့ဎၬမၩ ဂၭဂီၩ့ၦဆၨၩထီးအလူၬ လၧအမိဂဲၫထၫ့ဒၩယရုစလံၫ့ 10လီၫ.- ယမိလူၫလၩ့ဂါလၩ့ လၧစဒၫဝံၭအၡၩဂံၪ့ဖိၪ ဒဲလၧၦအီၪဝ့ၫလၧယရုစလံၫ့အဖၧၩ့လဖၪ အလီၩ့လၧ ၥၭဘၪဆဲၫ့လၧဆၧအခိးအတၩ ဒဲဆၧအၪ့ကံၩ့အၪ့ယၫ ဆၧလီၫ. တၭအဝ့ၫၥံၪမိယိယၧၩၦလၧအဆ့ၭဝ့ၫ ဒဲမိ ဂၪ့ဝ့ၫလၧအကၠီၩ့ ဘဲၫၦဂၪ့ဝ့ၫလၧအဖိၪခွၫလဂၩဎးအ ကၠီၩ့အၥိၭ, ဒဲအၥုၪ့မိခိအၥၭမိဝီၩလၧအကၠီၩ့ဘဲၫၦလၧ အၥုၪ့ခိအၥၭဝီၩ လၧအဖိၪဝဲၡါအကၠီၩ့အၥိၭနီၪလီၫ. 11ဆၧလၧမုလနံၩနီၪ ဆၧဂၪ့ဖၭဒိၪမိအီၪဝ့ၫ လၧယရု စလံၫ့အဖၧၩ့ဘဲၫဆၧဂၪ့ဘၪဆဲၫ့ လၧဟၫဒၭရ့မၧၫ့လၧ 12ခိၪလီၩ့ဆူၭမဂံၭဒိၫ့အဖၧၩ့အၥိၭလီၫ.- ၦခးဖိၪမိဂၪ့, ဂံၪ့ဒီၪ့လစီၪ့ဂံၪ့ဒီၪ့လစီၪ့ဆုၬဆုၬလီၫ. စဒၫဝံၭအဂံၪ့ဒီၪ့ လစီၪ့,ဒဲအမၫလဖၪလစီၪ့ဒၪ, စနၫၥၫ့အဂံၪ့ဒီၪ့လစီၪ့, 13ဒဲအမၫလဖၪလစီၪ့ဒၪ,- ဒဲလံဝဲၫအဂံၪ့ဒီၪ့လစီၪ့, ဒဲအ မၫလဖၪလစီၪ့ဒၪ,စၡံမအဲၫအဂံၪ့ဒီၪ့လစီၪ့, ဒဲအမၫ 14လဖၪလစီၪ့ဒၪ,- ကယဲဂံၪ့အဒီၪ့လၧအအီၪလၩ့ထးနီၪ အလဒီၪ့လစီၪ့လဒီၪ့လစီၪ့, ဒဲအမၫလဖၪလစီၪ့ဒၪ အမၫလဖၪလစီၪ့ဒၪဆုၬဆုၬလီၫ.
Currently Selected:
ရဲ 12: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
