ၥ မိ 26

စအံစၭအီၪဝ့ၫဆီၪ့ဝ့ၫလၧဝံးဂံရၫ.

1တၭဆၧၥၭဝံလၩ့ဒိၩအခၪ့ထံၭ လၧအအီၪလၧစအၫ ဘြဟၫ့အမုနံၩလဖၪ အလးခဲၫ့နီၪ, ဆၧၥၭဝံလၩ့ဒိၩ အီၪထၪ့ဒီၭ လၧခးဖၧၩ့လီၫ. တၭစအံစၭ လ့ၩဝ့ၫလၧ ၦဖလံၡၫဖိၪ အစဎွၩ အဘံမလ့ၭ အီၪလၧဂံရၫအဖၧၩ့ နီၪလီၫ.

2ယဟိဝၩမၩဖျီၪထၪ့အၥၭတၭ, စံၭဝ့ၫဒၪ, ထီးလ့ၩ လၧအံဇံၭအဖၧၩ့လဂ့ၩ, အီၪလၧခးလၧယမိဒုၭနဲၪနၧၩ 3အဖၧၩ့နီၪဆံၭ.- အီၪလၧခးလဘံၪ့ယီၩဆံၭ. တၭယ မိအီၪလၧနၥိၭတၭ, ယမိဆိၪဂ့ၩနၧၩလီၫ. အဂဲးဘဲၫ ယီၩ,ဆၧလၧခးလဖၪထီးအလူၬယီၩ, ယမိဖ့ၪလၫ့နၧၩ ဒဲနချံၫနၥၪတၭ, ယမိမၩဂုးမၩခၧၫ့ဆၧ လၧယဆိၪလၩ့ 4ယၥၭလၧနဖါစအၫဘြဟၫ့,- တၭယမိမၩအၪထၪ့နချံၫ နၥၪဘဲၫၡၪၥံၪ လၧမူၭခိၪအၥိၭတၭ, ယမိဖ့ၪလၫ့ခးလ ဖၪယီၩထီးအလူၬ လၧနချံၫနၥၪလီၫ. တၭကယဲၦၡၩ လၧဂၪ့ခိၪချိၫ့ လဆၨၩလါလါနီၪ, မိန့ဘၪဆၧဆိၪဂ့ၩ 5လၧနချံၫနၥၪအဖၧၩ့လီၫ.- မွဲလၧစအၫဘြဟၫ့ ခိၭနၪ ယလူ,ဒဲထီးန့ယထူၫယရူၫ, ယဆၧမၪလူၬလဖၪ,ယ ဆၧစ့ၩရၫ့လဖၪ, ဒဲယၥနိၫလဖၪအကၠီၩ့နီၪလီၫ. တၭစအံစၭအီၪဝ့ၫ လၧဂံရၫအဖၧၩ့နီၪလီၫ. 6-7တၭ ၦၡၩထီးနီၪအၪ့စၪ့ဝ့ၫ လၧအမၫအဂဲးအကၠီၪ့လီၫ. အ ဝ့ၫနီၪစံၭ, မွဲယထၧၫ့ဖုဝဲမုၪလီၫ. အဂဲးဘဲၫယီၩဘဲၫၥိၭ အမိစံၭ,မွဲယမၫနီၪ, ၥၭမဲၪဝ့ၫတၭး စံၭဝ့ၫဒၪ, ၦလၧ အလးထီးယီၩ မိမၩၥံၫဘၪခိၬယၧၩ လၧနးရဘ့ၭကၫ အကၠီၩ့လီၫ. အဂဲးဘဲၫယီၩ အခံးအဂၩ့ဂ့ၩဝ့ၫဒၪလီၫ. 8ထီးအအီၪဝ့ၫ ထီးနီၪယံၬတၭ, ဆၧမၩအၥၭလၧဖလံ ၡၩဖိၪ အစဎွၩ အဘံမလ့ၭ ယိဆၧလၧဆၧဖိးအဖၧၩ့ တၭ,ဒၪဆၧတၭ, ယိခွါ,စအံစၭ လိၬကွ့ၩလၧအမၫနး 9ရဘ့ၭကၫလီၫ.- စအဘံမလ့ၭကိၭန့ စအံစၭတၭ, စံၭ ဝ့ၫဒၪ,ယိခွါ, အဝ့ၫဒၪနီၪ, မွဲမၬနမၫလီၫ. တၭနစံၭလၧ အမွဲယထၧၫ့ဖုဝဲမုၪနီၪ ဘဲၫၥ့ၪလဲၪ. တၭစအံစၭ စံၭ ဆၧၫ့ဝ့ၫ,အဂဲးဘဲၫယီၩ ယစံၭယမိၥံၫဘၪခိၬ လၧအ ကၠီၩ့လီၫ.

10တၭစအဘံမလ့ၭစံၭ, နမၩပၧၩဘဲၫၥ့ၪလဲၪး ၦလဂၩ ဘူၭလၧအမိမံၫဎုၬလၧနမၫလီၫ. တၭနမိဒုၭဘၪပၧၩ 11လၧဆၧဒဲၩဘၭလီၫ.- စအဘံမလ့ၭမၪလူၬ ၦခမျၧးထီး အလူၬတၭ, စံၭဝ့ၫဒၪ, ၦၡၩလဂၩယီၩမွဲဂ့ၩ, အမၫမွဲ ဂ့ၩ,ၦလၧအထိၭဘၪဝ့ၫနီၪ မိဘၪၥံၫတၡါလီၫ.

12စအံစၭဎွံၪဆၧလၧခးလဘံၪ့နီၪ အဖၧၩ့တၭ,ဆၧလၧ နံၪ့လနံၪ့နီၪ, ဒိၭန့ဆၧအၪနဲၪ့အလး, အဘျၩ့လယၩ 13တၭ,ယဟိဝၩဆိၪဂ့ၩအဝ့ၫလီၫ.- ၦလဂၩယီၩဒိၪထၪ့ တၭ,ဒံၩ့ယံၬဒံၩ့ဒိၪထၪ့တၭ, ဒိၪထၪ့ထီးအဒိၪထၪ့ဒိၪ 14မၬလီၫ.- အဂဲးဘဲၫယီၩ မွဲအအီၪလၧၥိၪ, ဒဲဘ့ၪအဒီၪ့ လဖၪ,ဒဲချီၥံၪ, ဒဲအဎီးအၡၩအၪဂၩလီၫ. တၭၦဖလံၡၫ 15ဖိၪၥၭခ့ၬအဝ့ၫလီၫ.- တၭကယဲထံၫဖၧၩ့ လၧအဖါအ ဎီးအၡၩခုၪ့လၩ့ဝ့ၫ လၧအဖါစအၫဘြဟၫ့ အမုနံၩလ ဖၪထီးအလူၬနီၪ, ၦဖလံၡၫဖိၪ ခွံၬလၩ့ဂၪ့ခိၪလၧအဖၧၩ့ တၭ, မၩဎွ့ၩထၪ့ဝ့ၫဒၪလီၫ.

16တၭစအဘံမလ့ၭစံၭ စအံစၭနီၪ, စဲၪ့ထၪ့ခွံၬ လၧပ 17အီၪဆံၭ. အဂဲးဘဲၫယီၩနဆီၪ့နဲၪ့မၬပၧၩဆ့လီၫ.- စအံ စၭစဲၪ့ထၪ့ခွံၬ ထီးနီၪတၭ, ၥုၪ့ထၪ့အတဲၩ လၧဂံရၫ 18အခိၪလီၩ့ဆူၭဖၧၩ့တၭ, အီၪဝ့ၫထီးနီၪလီၫ.- တၭစအံ စၭဖုးထၪ့ထဲၩ့ဒီၭထံၫဖၧၩ့ လၧၦခုၪ့လၩ့ဝ့ၫ လၧအဖါ စအၫဘြဟၫ့အမုနံၩလဖၪနီၪလီၫ. အဂဲးဘဲၫယီၩလၧ စအၫဘြဟၫ့ၥံၫဝ့ၫ အလးခဲၫ့နီၪ, ၦဖလံၡၫဖိၪၥံၪဘံၭ ခွံၬဝ့ၫလီၫ. အဝ့ၫနီၪကိၭအမံၩ့ ဘဲၫအမံၩ့လၧအဖါကိၭ ဝ့ၫအၥိၭနီၪလီၫ.

19စအံစၭအဎီးအၡၩ ခုၪ့ဝ့ၫလၧခိၪလီၩ့ဆူၭဖၧၩ့တၭ, 20ဒၪန့ထံၫမၧၫ့လဖၪလီၫ.- တၭဂံရၫအၡၩ ယိဆၧဖိၪလ ဖၪအဲၪ့လိၬဆိၭချဲၩ့လိၬအၥၭ လၧစအံစၭအၡၩယိဆၧ ဖိၪတၭ, စံၭဝ့ၫဒၪ, ထံၫယီၩမွဲပဆၧလီၫ. အဝ့ၫၥံၪအဲၪ့ လိၬဆိၭချဲၩ့လိၬအၥၭအကၠီၩ့တၭ, ကိၭထံၫဖၧၩ့အမံၩ့ 21လၧအံဇ့ၬလီၫ.- တၭအဝ့ၫၥံၪ ခုၪ့ဒီၭထံၫဖၧၩ့အဂူၫဂၩ လဖၧၩ့တၭ, ၦလဖၪအဲၪ့လိၬဆိၭချဲၩ့လိၬအၥၭ လၧ အဝ့ၫနီၪအဂဲးအကၠီၪ့ဆ့လီၫ. တၭအဝ့ၫဒၪ ကိၭဝ့ၫအ 22မံၩ့လၧစံတနၫလီၫ.- အဝ့ၫနီၪစဲၪ့ထၪ့ခွံၬထီးနီၪတၭ, ခုၪ့ထံၫဖၧၩ့အဂူၫဂၩလဖၧၩ့ဒီၭတၭ, အဝ့ၫၥံၪအဲၪ့လိၬ ဆိၭချဲၩ့လိၬအၥၭ လၧအဝ့ၫနီၪအဂဲးအကၠီၪ့အ့ၬး ကိၭ ဝ့ၫအမံၩ့ လၧရဟိဘိၭတၭ, စံၭဝ့ၫဒၪ, အဂဲးဘဲၫယီၩ, ဘိၩ့နဲၪ့ယီၩ ယဟိဝၩမၩယူၭအလး လၧပဂးယူၭတၭ, ပမိၥၪထၪ့လၧခးဖၧၩ့လီၫ.

23တၭအဝ့ၫနီၪစဲၪ့ထၪ့ခွံၬထီးနီၪ လ့ၩထီၩ့လၧဘံအၧၫ 24ၡံၫဘၫလီၫ.- တၭဆၧလၧမုနၩလနၩနီၪ, ယဟိဝၩမၩ ဖျီၪထၪ့အၥၭ, လၧအမ့ၬယၫတၭ, စံၭဝ့ၫဒၪ, ယဝ့ၫဒၪ ယီၩ,ယမွဲနဖါစအၫဘြဟၫ့ အယွၩတၭး ၥၭမဲၪဆၧ လဂ့ၩး အဂဲးဘဲၫယီၩ ယအီၪလၧနၥိၭတၭ, ယမိဆိၪ ဂ့ၩနၧၩ,ဒဲမၩအၪထၪ့နချံၫနၥၪ လၧယခ့ၫယၡၩစအၫ 25ဘြဟၫ့အခိၪအကၠီၩ့လီၫ.- အဝ့ၫဒၪမၩထၪ့ဆၧလုအ လးထီးနီၪတၭ, ကိၭထၪ့ယဟိဝၩအမံၩ့, ၥုၪ့အတဲၩ ထီးနီၪတၭ, စအံစၭ အဎီးအၡၩ ခုၪ့ထံၫဖၧၩ့ လဖၧၩ့ ထီးနီၪလီၫ.

ဆၧၥၭဘၪလၩ့ဎိၭလၧစအံစၭ ဒဲစအဘံမလ့ၭအဘိၩ့ဆၧၩ့.

26တၭစအဘံမလ့ၭဂဲၫလၧအအီၪ လၧဂံရၫဒဲအထံၩ 27အၥိၭစဟၧဇၭ, ဒဲအၥုၭမုအခိၪစဖဲကီၫလၭလီၫ.- တၭ စအံစၭစံၭ အဝ့ၫၥံၪ, မွဲဘၪနီၪလၫနၥံၪ ဂဲၫလၧယအီၪ လဲၪး တၭနၥံၪ ၥၭဂဲၫ့ယၧၩတၭ, နၥံၪအၪ့မၧၫ့ယစဲၪ့ထၪ့ 28ခွံၬလၧနၥံၪအအီၪမၬလဲၪ.- တၭအဝ့ၫၥံၪစံၭ, ပဒၪဘၪ လၧယဟိဝၩ အီၪတၡါလၧနၥိၭတၭ, ပစံၭ,မွဲဆၧဆိၪ လၩ့လိၬပၥၭ အီၪလၧပၧၩဒဲနၧၩဆံၭး ဒဲမၩၡီၩ့ဆၧအုၩ့ 29လၩ့လိၬပၥၭလၧနၧၩ- လၧနလမၩအၧၩ့ဘၪပၧၩဘဲၫ ပလထိၭဘၪနၧၩအၥိၭ, ဘဲၫပမၩနၧၩ ကယဲဆၧဂ့ၩ တၭ,အၪ့မၧၫ့နလ့ၩဆၧ မုၬမုၬအၥိၭနီၪဆံၭ. ဘိၩ့နဲၪ့ 30ယီၩနဘၪဆၧဆိၪဂ့ၩ လၧယဟိဝၩလီၫ.- အဝ့ၫနီၪမၩ ဆၧအၪ့ဆၧအီၩ လၧအဝ့ၫၥံၪအဂးတၭ, အဝ့ၫၥံၪအၪ့ 31ဆၧအီၩဆၧလီၫ.- တၭဆၧဖၩ့ထၪ့နီၪ အဝ့ၫၥံၪဂဲထုၪ့ ဂီၩဂီၩတၭ, ဆိၪလၩ့လိၬအၥၭဆုၬဆုၬတၭ, စအံစၭ ကွဲၪဖျါခွံၬအဝ့ၫၥံၪတၭ, အဝ့ၫၥံၪထဲၩ့ခွံၬဝ့ၫ လၧအအီၪ မုၬမုၬလီၫ.

32တၭဆၧမၩအၥၭ လၧမုလနံၩနီၪ, စအံစၭအဎီးအ ၡၩဂဲၫလီၩဘၪအဝ့ၫ, လၧထံၫဖၧၩ့လဖၧၩ့ လၧအခုၪ့ လၩ့ဝဲၩဝ့ၫအဂဲးအကၠီၪ့တၭ, လီၩဘၪအဝ့ၫ, ပဒၪန့ယူၭ 33ထံၫယူၭ.- တၭကိၭဝ့ၫအမံၩ့ လၧၡံဘၫလီၫ. မၩအၥၭ ဘဲၫနီၪတၭ, ဒိၩ့အမံၩ့မွဲဘံအၧၫၡံၫဘၫ ထီးမုဆၫလနံၩ ယီၩလီၫ.

စအံစီၫအမၫလၧၦလခီၫဘၩ့မုးဖိၪလဖၪ.

34စအံစီၫအၥၭၡါဝ့ၫ အနံၪ့လံဆံၫတၭ, န့အမၫလၧၦ ဟ့ၥၭဖိၪ စဘအံရဲၫအဖိၪမုၪ နးယုဒံၭ, ဒဲၦဟ့ၥၭဖိၪ 35စအံလၧၫ့အဖိၪမုၪ နးဘၭၡမၫလီၫ.- တၭအဝ့ၫၥံၪနီၪ မၩဆၫစအံစၭ ဒဲနးရဘ့ၭကၫအၥၭလီၫ.

Currently Selected:

ၥ မိ 26: pwokyn2

Highlight

Copy