ၥ မိ 27
27
27
စအံစၭဆိၪဂ့ၩစယၫကူၭ.
1ထီးစအံစၭအၥၭၡါဝ့ၫတၭ, အမ့ၬခံၭထီးအလဒၪ ဘၪဆၧနီၪတၭ, ဆၧမၩအၥၭ လၧအကိၭန့အဖိၪခွၫဝဲ ၡါစအံစီၫတၭ, စံၭဝ့ၫ,ယဖိၪခွၫဧ့း တၭအဝ့ၫဒၪစံၭဝ့ၫ, 2ယအီၪထီးယီၩလီၫ.- အဝ့ၫနီၪစံၭဝ့ၫဒၪ, ယိခွါ,ဘိၩ့နဲၪ့ ယီၩ,ယၥၭၡါယူၭတၭ, မုလနံၩလၧယမိၥံၫနီၪ ယၥ့ၪ 3ယၫအ့ၬ.- ဘိၩ့နဲၪ့ယီၩမၩန့လါနစူၪဝဲၩနဖျါဖီၩ့,ဒဲနချံၪ တၭ,လ့ၩလၧမံၩ့လၬကျၩ, ခိၭခၭန့ယၧၩ လၧဆၧဖိၪ 4ဆၧဎါအမံၩ့,- မၩန့ယဆၧအၪ့ လၧအအွံၪဆၧလၧယ အဲၪတၭ, ဂဲၫထဲၩ့ဆိၬ လၧယအီၪဆံၭ. တၭယမိအၪ့ ဆၧဘဲၫၥိၭယမိဆိၪဂ့ၩနၧၩ လၧယလချႃၭၥံၫဒံၭဘၪ 5လီၫ.- တၭစအံစၭချဲၩ့ဆၧ လၧအဖိၪခွၫစအံစီၫနီၪ,နးရ ဘ့ၭကၫနါဂၧၫ့ဝ့ၫလီၫ. တၭစအံစီၫလ့ၩဝ့ၫ လၧမံၩ့လၬ ကျၩဘဲၫၥိၭအမိခိၭခၭန့ ဆၧဖိၪဆၧဎါအမံၩ့တၭ, ဂဲၫ ထဲၩ့ဆိၬဝ့ၫလီၫ.
6နးရဘ့ၭကၫချဲၩ့ဆၧ လၧအဖိၪစယၫကူၭတၭ,စံၭဝ့ၫ ဒၪ,ယိခွါ, ယနါဂၧၫ့နဖါချဲၩ့ဆၧ လၧနဝဲစအံစီၫတၭ,စံၭ 7ဝ့ၫဒၪ, ဂဲၫထဲၩ့ဆိၬယၧၩ လၧဆၧဖိၪဆၧဎါအမံၩ့,-တၭ မၩန့ယၧၩ လၧဆၧအၪ့အအွံၪဘဲၫၥိၭ ယမိအၪ့ကံၩ့ ဆၧဆံၭ. တၭယမိဆိၪဂ့ၩနၧၩ လၧယဟိဝၩ အမ့ၬ 8ယၫ,လၧယလချႃၭၥံၫဒံၭဘၪလီၫ.- တၭဘိၩ့နဲၪ့ယီၩ, ယဖိၪခွၫဧ့, ခိၭနၪယလူ လၧဆၧလၧယမၪလူၬနၧၩလ 9မံၩ့ယီၩဆံၭ.- ဘိၩ့နဲၪ့ယီၩ လ့ၩလၧၥိၪ, ဒဲဘ့ၪလဒီၪ့အ အီၪတၭ, ဂဲၫထဲၩ့ဆိၬန့ယၧၩ လၧဘ့ၪအဖိၪဂ့ၩနံၫဒုၩ ဆံၭ. တၭယမိမၩဆၧအၪ့အအွံၪ လၧနဖါအဂး, ဘဲၫ 10အအဲၪဝ့ၫအၥိၭနီၪလီၫ.- တၭနမိဘၪဆိၬ လၧနဖါအ အီၪနီၪ ဘဲၫၥိၭအမိအၪ့ဆၧ, ဘဲၫၥိၭအမိဆိၪဂ့ၩနၧၩ လၧအလချႃၭၥံၫဒံၭဘၪလီၫ.
11တၭစယၫကူၭစံၭအမိ နးရဘ့ၭကၫ,ယိခွါ,ယဝဲစအံ စီၫမွဲၦအီၪလၧအဆီၪ့လီၫ. အ့ၪမွဲယၧၩလဂၩယီၩ, ယ 12မွဲအဖျ့ၫလီၫ.- ဘၪလဘၪယဖါမိလုးယၧၩတၭ, ယမိ ကဲၪထၪ့လၧအမ့ၬယၫ, ဘဲၫၦအၪ့လီၫဆၧအၥိၭတၭ, ယမိဒုၭဂဲၫဘၪယလီၩ့ လၧဆၧဆိၪအၧၩ့တၭ, လမွဲဘၪ 13ဆၧဆိၪဂ့ၩလီၫ.- တၭအမိစံၭဝ့ၫ, ယဖိၪခွၫဧ့, ဆၧဆိၪ အၧၩ့နီၪ, မွဲအဘၪယၧၩယီၩဆံၭ. ခိၭနၪယလူတၭ, 14လ့ၩဂဲၫထဲၩ့ဆိၬန့ယၧၩ လၧဆၧနီၪလဖၪဆံၭ.- အဆၧ လ့ၩဝ့ၫတၭ, မၩန့ဂဲၫထဲၩ့ဆိၬဝ့ၫ လၧအမိအအီၪတၭ, 15အမိမၩဆၧအၪ့ လၧအဖါအဲၪဝ့ၫလီၫ.- တၭနးရဘ့ၭ ကၫမၩန့အဖိၪခွၫဝဲၡါ စအံစီၫအကီၩ့အၥိၭဂ့ၩ, လၧအ အီၪလၧအစူၪဖၧၩ့ လၧဂံၪ့ဖၧၩ့တၭ, ဒုၭကီၩ့ထၪ့အဖိၪ 16ခွၫဒၪဘၨၩစယၫကူၭလီၫ.- တၭဘ့ၪဖိၪအဖံၭနီၪ, ဒုၭ ၥိၭထၪ့ဝ့ၫလၧအစူၪ, ဒဲလၧအခိၬဖျ့ၫ အလးနီၪလီၫ. 17တၭဖ့ၪလၫ့ဆၧအၪ့လၧအအွံၪ, ဒဲကိၪလၧအမၩဝ့ၫလ ဖၪနီၪလၧအဖိၪခွၫ စယၫကူၭအစူၪဖၧၩ့လီၫ.
18အဝ့ၫဒၪဂဲၫဝ့ၫလၧအဖါအအီၪတၭ, စံၭဝ့ၫဒၪ,ယဖါ ဧ့,တၭအဝ့ၫနီၪစံၭဝ့ၫဒၪ, ယအီၪထီးယီၩလီၫ. ယဖိၪ 19ခွၫဧ့,နမွဲပလၫလဂၩလဲၪ.- တၭစယၫကူၭစံၭအဖါ,ယ မွဲနဖိၪခွၫဝဲၡါစအံစီၫလီၫ. ယမၩယူၭဆၧ, ဘဲၫနမၪလူၬ ဝ့ၫအၥိၭနီၪယူၭး ဂဲထုၪ့လါဆံၭ, တၭဆၧၫ့နၩ့အၪ့ယ ဆၧဖိၪဆၧဎါအမံၩ့, ဘဲၫၥိၭနမိဆိၪဂ့ၩယၧၩဆံၭ. 20တၭစအံစၭစံၭအဖိၪခွၫ, ယဖိၪခွၫဧ့, နမၩန့ချဲၫ့ချဲၫ့ဘဲၫ ယီၩဘဲၫၥ့ၪလဲၪ. တၭအဝ့ၫနီၪစံၭဝ့ၫဒၪး အဂဲးဘဲၫ 21ယီၩယဟိဝၩနယွၩ ဒုၭဂဲၫလၧယအီၪလီၫ.- တၭစအံ စၭစံၭစယၫကူၭ, ၥုၭဘူၭနၥၭဆံၭး နမွဲယဖိၪခွၫစအံ စီၫလၩ့ထံးလၩ့ဆ့ၭဧၪ, နလမွဲဘၪဧၪနီၪ, ယမိလုးနၧၩ 22လီၫ.- စယၫကူၭၥုၭဘူၭအၥၭ လၧအဖါစအံစၭအအီၪ တၭ,အဆၧလုးအဝ့ၫတၭ, စံၭဝ့ၫဒၪ,ဆၧအလူနီၪ, မွဲ စယၫကူၭအလူ, အ့ၪမွဲအစူၪလမံၩ့စအံစီၫအစူၪလီၫ. 23တၭမွဲအစူၪအီၪ လၧအဆီၪ့ဘဲၫအဝဲ စအံစီၫအစူၪအ ၥိၭတၭ, အဝ့ၫနီၪလၥ့ၪယၫဘၪဝ့ၫတၭ, ဆိၪဂ့ၩဝ့ၫ 24လီၫ.- တၭအဝ့ၫနီၪစံၭ, နမွဲယဖိၪခွၫစအံစီၫလၩ့ထံး 25လၩ့ဆ့ၭဆ့ဧၪ. တၭအနီၪစံၭဆၧၫ့, ယမွဲယူၭ,- တၭ အဝ့ၫစံၭ, ဂဲၫဆိၬဘူၭလၧယၧၩတၭ, ယမိအၪ့ယဖိၪခွၫ အဆၧဖိၪဆၧဎါ အမံၩ့နီၪ. ဘဲၫၥိၭ ယမိဆိၪဂ့ၩနၧၩ လီၫ. မွဲအဆိၬဘူၭ လၧအအီၪတၭ, အဆၧအၪ့ဝ့ၫ 26လီၫ.- အဝ့ၫဂဲၫဆိၬန့စဘံၭထံၫတၭ, အဆၧအီၩဝ့ၫလီၫ. တၭအဖါစအံစၭစံၭအဝ့ၫ, ၥုၭဘူၭလါနၥၭလၧယအီၪ 27တၭအဲၪဂါယၧၩဆံၭ. ယဖိၪခွၫဧ့,- တၭအဝ့ၫဒၪၥုၭ ဘူၭအၥၭ လၧအအီၪတၭ အဲၪဂါဝ့ၫလီၫ. မွဲအနၧၫ့ဝ့ၫ အကီၩ့အၥိၭအဆၧနၧၫ့, ဆိၪဂ့ၩဝ့ၫတၭ, စံၭဝ့ၫဒၪ, ယိ ခွါ, ယဖိၪခွၫအနၧၫ့မၧၫ့ယီၩ မွဲဘဲၫဂၪ့ခိၪလဝၩ့လၧယ 28ဟိဝၩဆိၪဂ့ၩဝ့ၫ အနၧၫ့မၧၫ့အၥိၭနီၪလီၫ.- တၭမွဲယွၩ ဖ့ၪလၫ့နၧၩ လၧမူၭခိၪအဆၩ့ထံၫ, ဒဲဂၪ့ခိၪအၥိၪ, ဒဲဘုၪ 29ၥံၪဂူၫၥံၪ, ဒဲစဘံၭထံၫစဘံၭနီၫ့အၪလ့ၬဆံၭ.- မွဲၦခမျၧး လဖၪမၩနဆၧတၭ, ၦအၪဆၨၩလဖၪ ကူၭလၩ့အၥၭ လၧနမ့ၬယၫဆံၭ. မွဲနကဲၪထၪ့နထၧၫ့ဖုဝဲ လဖၪအက ဆါ, ဒဲနမိအဖိၪခွၫလဖၪ ကူၭလၩ့အၥၭ လၧနမ့ၬယၫ ဆံၭ. ၦလၧအဆိၪအၧၩ့နၧၩနီၪ, မွဲအဘၪဆၧဆိၪအၧၩ့ ဆံၭ. ဒဲၦလၧအဆိၪဂ့ၩနၧၩနီၪ, မွဲအဘၪဆၧဆိၪဂ့ၩ ဆံၭ.
စအံစီၫအၪ့ကံၩ့အၪ့ယၫန့ စအံစၭအဆၧဆိၪဂ့ၩ.
30ထီးစအံစၭဆိၪဂ့ၩ စယၫကူၭဂီၩ့တၭ, စယၫကူၭစဲၪ့ ခွံၬလၧအဖါစအံစၭအအီၪဂီၩ့နီၪ, ဆၧမၩအၥၭလၧ အဝဲစအံစီၫ ဂဲၫထဲၩ့ဝ့ၫ လၧအလ့ၩခိၭခၭဆၧလီၫ. 31တၭအဝ့ၫလဂၩနီၪ မၩဆၧအၪ့လၧအအွံၪဆ့တၭ, ဂဲၫ ထဲၩ့ဆိၬဝ့ၫလၧ အဖါအအီၪတၭ, စံၭအဖါနီၪ,မွဲယဖါ ဂဲထုၪ့တၭ, အၪ့အဖိၪခွၫအဆၧဖိၪ ဆၧဎါအမံၩ့ဘဲၫၥိၭ 32နမိဆိၪဂ့ၩယၧၩဆံၭ. တၭအဖါစအံစၭစံၭအဝ့ၫ, နမွဲ ပလၫလဂၩလဲၪ. တၭအဝ့ၫစံၭ, ယမွဲနဖိၪခွၫ,နဖိၪဝဲၡါ, 33စအံစီၫလီၫ.- စအံစၭဝၭထိၬဝ့ၫနၭနၭလ့ၬတၭ, စံၭဝ့ၫ, မွဲပလၫလဂၩလဲၪး ၦလၧအခိၭခၭန့ ဆၧဖိၪဆၧဎါအ မံၩ့တၭ, ဂဲၫထဲၩ့ဆိၬလၧယအီၪ, လၧနလချႃၭဂဲၫဒံၭ ဘၪနီၪ,ယအၪ့ယူၭဆၧ ထီးအလူၬတၭ, ယဆိၪဂ့ၩယူၭ အဝ့ၫလဂၩနီၪ, မွဲအအီၪခီၫခီၫလဲၪ. မွဲတီၩအမိဘၪဆၧ 34ဆိၪဂ့ၩလီၫ.- ထီးစအံစီၫနါဂၧၫ့ အဖါအဆၧချဲၩ့နီၪ, ကိၭၡၭထၪ့ဖၭဒိၪ နၭနၭလ့ၬတၭ, စံၭအဖါ, ဆိၪဂ့ၩ 35ယၧၩဆ့ဆံၭ,ယဖါဧ့,- အဝ့ၫနီၪစံၭ, နဖုဂဲၫနီၪ,အၪ့လီၫ 36န့ဆၧတၭ, မၩန့ခွံၬယူၭနဆၧဆိၪဂ့ၩယူၭ.- အဆၧစံၭ ဝ့ၫဒၪ, အဝ့ၫအၪ့လီၫန့ယၧၩ နံၫဘျၩ့ယီၩတၭ, ဆၧအ မံၩ့စယၫကူၭနီၪမွဲအ့ၬဧၪ. မွဲအမၩန့ခွံၬယဝဲၡါအလး တၭ,ယိခွါ, ဘိၩ့နဲၪ့ယီၩ, မၩန့ခွံၬဒီၭ အဆၧဆိၪဂ့ၩ ယူၭလီၫ. မွဲနလအီၪက့ၪလၩ့ထးလၧၩ့ဘၪ ဆၧဆိၪဂ့ၩ လမံၩ့မံၩ့လၧယဂးဧၪ.
37တၭစအံစၭစံၭဆၧၫ့ဆၧတၭ, စံၭစအံစီၫ, ယိခွါ, ယအီၪက့ၪအဝ့ၫ လၧနကဆါ ဒဲအထၧၫ့ဖုဝဲထီးအလူၬ လဖၪနီၪ, ယဖ့ၪလၫ့လၧအဎီးအၡၩတၭ, ယဒုၭအီၪဂုး ခၧၫ့ဝ့ၫလၧဘုၪၥံၪဂူၫၥံၪ, ဒဲစဘံၭထံၫလီၫ. တၭဘိၩ့နဲၪ့ ယီၩ,ယမိမၩလၧနဂး ဆၧနီၪလမံၩ့လဲၪ. ယဖိၪခွၫဧ့.
38တၭစအံစီၫစံၭအဖါ, နအီၪလၧဆၧဆိၪဂ့ၩန့ၫလမံၩ့ လီၫဧၪ, ယဖါဧ့. ဆိၪဂ့ၩယၧၩ, ယၧၩဆ့ဆံၭ, ယဖါ ဧ့,တၭစအံစီၫ ထုၭထၪ့အလူတၭ, အမ့ၬထံၫလၩ့လီၫ.
39အဖါစအံစၭ စံၭဆၧၫ့ဆၧတၭ, စံၭအဝ့ၫ, ယိခွါ, နအီၪအလး မိအီၪလၧဂၪ့ခိၪအၥိၪ, ဒဲမူၭခိၪလၧထၭ 40လခီၫအဆၩ့ထံၫနီၪလီၫ.- တၭနမိမၧၫ့လၧနနၭ, ဒဲနမိ မၩနဖုအဆၧ, ထီးနစဲၪ့ဝံၩ့ဝၩ့ဒၪဆၧတၭ, ဆၧမိမၩအ ၥၭလၧနမိမၩ ခါခွံၬအနိၪယိၭဘီၩ့ လၧနခိၬလီၫ.
41တၭစအံစီၫၥၭဂဲၫ့စယၫကူၭ လၧဆၧဆိၪဂ့ၩလၧအ ဖါဆိၪဂ့ၩဝ့ၫအကၠီၩ့လီၫ. တၭစအံစီၫ စံၭလၧအၥၭခံ ဖၧၩ့,မုနံၩလဖၪ လၧပဂၪ့ကိၭ လၧပဖါအကၠီၩ့နီၪအီၪ ဘူၭဆ့ယူၭး ထီးနီၪလဖၧၫ့တၭ ယမိမၩၥံၫယဖုစယၫ ကူၭလီၫ.
42တၭအဖိၪခွၫဝဲၡါအဆၧချဲၩ့နီၪ, ၦလီၩဘၪနးရဘ့ၭ ကၫလီၫ. အဝ့ၫဒၪအၪ့မၧၫ့ ၦလ့ၩကိၭန့အဖိၪဒၪဘၨၩ စယၫကူၭတၭ, စံၭဝ့ၫ,ယိခွါ, နဝဲစအံစီၫစ့ၩရၫ့တီၩန့ 43အၥၭလၧနဂဲး, လၧအမိမၩၥံၫနၧၩလီၫ.- တၭဘိၩ့နဲၪ့ ယီၩ,ယဖိၪခွၫဧ့, ခိၭနၪယလူဆံၭ. ဂဲထုၪ့တၭ,စဲၪ့ထီၩ့ လၧယထၧၫ့ဖုဝဲခွၫ စလၫဘၫ့အအီၪ, လၧဟၫရၫ့အ 44ဖၧၩ့,- တၭအီၪလၧအဝ့ၫဒၪအၥိၭ မုနံၩလနၩ့နၩ့, ထီး နဝဲအၥၭခဲၩထၪ့နီၪ မိကၠၪခွံၬအၥၭ, ထီးနဝဲအၥၭထၪ့ 45မိကၠၪခွံၬအၥၭ လၧနအီၪ,- ဒဲမိၥၭနၪ့ဝ့ၫ လၧဆၧလၧ နမၩအဝ့ၫနီၪဆံၭ. တၭယမိအၪ့မၧၫ့ ၦလ့ၩလၧဆၧအ လးနီၪဂဲၫထဲၩ့ၥိၫ့နၧၩလီၫ. နၥံၪမိလၩ့မါဒၪခွံၬယၧၩ နံၫဂၩလူၬလနံၩဎးနီၪ, မွဲဘၪလဲၪ.
စအံစၭၥိၫ့စိၩစယၫကူၭ လၧစလၫဘၫ့အအီၪ.
46တၭနးရဘ့ၭကၫစံၭစအံစၭ, ဆၧပွံၭယၥၭလၧယ ၥၭမၧၫ့အကၠီၩ့ လၧၦဟ့ၥၭဖိၪအဖိၪမုၪ အခိၪအကၠီၩ့လီၫ. စယၫကူၭအ့ၪန့ အမၫလၧၦဟ့ၥၭဖိၪအဖိၪမုၪ, ၦဘဲၫ ယီၩၥိၭ, ၦခးဖိၪယီၩတၭ, ယၥၭမၧၫ့ယီၩ, မွဲအအိၭနီၪလဲၪ.
Currently Selected:
ၥ မိ 27: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
