ၥ မိ 25

စအၫဘြဟၫ့အဆၨၩအဆၬအဂူၫဂၩလဖၪ.

(ၥ ကွ့ၭ ၥ:၃၂-၃၃)

1စအၫဘြဟၫ့န့အမၫနးဖၧၫ့ဒီၭတၭ, အမံၩ့မွဲနးကတု 2ရၫလီၫ.- တၭအနီၪအီၪဖျဲၪန့ဝ့ၫ လၧအဂး စဇံမရၫ့, ဒဲစယီၭၡၫ့, ဒဲစမံဒၫ့,ဒဲစမံဒအၫ့, ဒဲစအံၡဘၭ,ဒဲစရှုအၧၫ 3လီၫ.- တၭစယီၭၡၫ့နီၪ ထၪ့ဖိၪစၡံဘၫ, ဒဲစဒံဒၫ့လီၫ. တၭစဒံဒၫ့အဖိၪခွၫၥံၪ မွဲစအရှုရံၫ့, ဒဲစလတုၡံၫ့,ဒဲစလ 4အၧမံၫ့လီၫ.- တၭစမံဒအၫ့အဖိၪခွၫၥံၪ မွဲစအံဖၫ,ဒဲစအံ ဖၧၫ, ဒဲစတၫနီၭ, ဒဲစအဘဲဒၫ, ဒဲစအ့ၫလဒၫအၫလီၫ. 5ၦလဖၪထီးအလူၬနီၪ, မွဲနးကတုရၫအဖိၪခွၫလီၫ.-တၭ စအၫဘြဟၫ့ဖ့ၪလၫ့ ကယဲအဆၧအီၪထီးအလူၬ လၧ 6စအံစၭအစူၪဖၧၩ့လီၫ.- အ့ၪမွဲအၥံၪမၫလဖၪ အဖိၪခွၫ ၥံၪ, လၧစအၫဘြဟၫ့န့ဘၪနီၪ, စအၫဘြဟၫ့မၧၫ့ဒံၭ အဘိၩ့ဘၭတၭ, ဖ့ၪလၫ့ဝ့ၫ, လၧဆၧဖ့ၪလၫ့လဖၪတၭ, အၪ့မၧၫ့အစဲၪ့ထၪ့ခွံၬ လၧအဖိၪခွၫစအံစၭအအီၪ, လၧ မုထၪ့လခီၫလၧခးမုထၪ့နီၪလီၫ.

စအၫဘြဟၫ့ၥံၫဒဲဘၪဆၧဘၧၩ့လၩ့ဝ့ၫအဂဲး.

7တၭအယီၩမွဲစအၫဘြဟၫ့ အနံၪ့လဖၪအနံၩၥံၪလၧ 8အမၧၫ့ဝ့ၫနီၪ, အနံၪ့လယၩနွ့ၫဆံၫယဲနံၪ့လီၫ.- တၭ စအၫဘြဟၫ့အၥၭလူၬတၭ, ၥံၫဝ့ၫလၧအခိၪဘွၩဂ့ၩ ၥၭၡါက့ၭယူၭတၭ, ဘျဲၩအီၪတၭ, ဆၧအီၪက့ၪကီၪ့ဝ့ၫ 9လၧအဆၨၩဒၪဝ့ၫနီၪလီၫ.- တၭအဖိၪခွၫစအံစၭ, ဒဲစ အံၡမၫအ့လၭလဖၪ ခုၪ့လၩ့ဘၧၩ့ခွံၬ လၧဆၧအိၩဖၧၩ့ မၭကပံလၫ အီၪလၧၦဟ့ၥၭဖိၪ စဇိၫဟၫအဖိၪခွၫစအံ ဖၧၫ့အဂၪ့ခိၪလဝၩ့ဖၧၩ့, လၧအအီၪ လၧမၫမရံၫအမ့ၬ 10ယၫနီၪလီၫ.- အနီၪမွဲဂၪ့ခိၪလဝၩ့ လၧစအၫဘြဟၫ့ဎွ့ၩ ဝ့ၫလၧစဟ့ၥၭအဖိၪခွၫ လဖၪလီၫ. စအၫဘြဟၫ့ဘၪ ဆၧခုၪ့လၩ့ဘၧၩ့ခွံၬဝ့ၫထီးနီၪ ဒဲအမၫနးစၫရၫဆ့လီၫ.

11လၧစအၫဘြဟၫ့ ၥံၫဝ့ၫအလးခဲၫ့နီၪ, ဆၧမၩအၥၭ လၧယွၩဆိၪဂ့ၩအဖိၪခွၫ စအံစၭတၭ, စအံစၭအီၪလၧ ဘံအၧၫလဟ့ရီၫအံၫ အနဲၩ့ထံၭနီၪလီၫ.

စအံၡမၫအ့လၭအဆၨၩအဆၬလဖၪ.

(ၥ ကွ့ၭ ၥ;၂၈-၃ၥ)

12တၭအယီၩမွဲစအၫဘြဟၫ့အဖိၪခွၫ, လၧၦအံဇံၭဖိၪ နးစၫရၫအဎီးမုၪ နးဟၫဂၫအီၪဖျဲၪန့လၧအဂး, စအံၡ 13မၫအ့လၭ အဆိၩၥံၪလီၫ.- တၭအယီၩမွဲစအံၡမၫအ့ လၭအဖိၪခွၫလဖၪအမံၩ့, ဘဲၫအမံၩ့အီၪလၧလဆိၩ ဘၪလဆိၩအၥိၭနီၪလီၫ. စအံၡမၫအ့လၭ အဖိၪခွၫဝဲ ၡါ,စနဘ့ယီၭ, ဒဲစကံဒၧၫ, ဒဲစအၭဘဒံၫအ့လၭ, ဒဲစမံ ဘစၫ့, 14-15ဒဲစမံၡၫမၫ, ဒဲစဒုမၫ, ဒဲစမၫစၫ,- စဟၫဒၭ, 16ဒဲစတံမၫ, ဒဲစယံတၧၫ,ဒဲစနံဖံၭ, ဒဲစက့ဒမၫလီၫ.- အဝ့ၫ ၥံၪနီၪမွဲစအံၡမၫအ့လၭ အဖိၪခွၫလဖၪတၭ, အဝ့ၫၥံၪ နီၪမွဲအမံၩ့ လၧအတဝၫ့ဖၧၩ့, လၧအဂံၪ့အဝၩ့ဖၧၩ့ၦဒိၪ 17လဆံၫနံၫဂၩ ဘဲၫအဆၨၩအၥိၭနီၪလီၫ.- အယီၩမွဲစအံ ၡမၫအ့လၭမၧၫ့ဝ့ၫအနံၪ့အလၩ အီၪဝ့ၫအနံၪ့လယၩ ၥၧၫ့ဆံၫနွ့ၫနံၪ့တၭ, အၥၭလူၬဝ့ၫတၭ, ၥံၫဝ့ၫနီၪဆၧအီၪ 18က့ၪကီၪ့အဝ့ၫ လၧအဆၨၩဒၪဝ့ၫနီၪလီၫ.- တၭအဝ့ၫၥံၪ အီၪလၧဟၭဝလၫထီၩ့ လၧၡၧၫအီၪလၧခးအံဇံၭအမ့ၬ ယၫ,ထီးနလ့ၩဆၧ လၧခးအစံရအၫလီၫ. တၭအီၪလၧ အထၧၫ့ဖုဝဲထီးအလူၬ အမ့ၬယၫလီၫ.

စအံစီၫဒဲစယၫကူၭအီၪဖျဲၪထၪ့အဂဲး.

19တၭအယီၩမွဲစအၫဘြဟၫ့ အဖိၪခွၫစအံစၭအဆိၩ 20လဖၪလီၫ.- စအၫဘြဟၫ့ထၪ့ဖိၪစအံစၭလီၫ. တၭလၧ စအံစၭန့အမၫ လၧနးရဘ့ၭကၫ ၦအၫရၫ့ဖိၪစဘၥူၫအ့ လၭ,အီၪလၧပၫဒၫ့အၫရၫ့အဖၧၩ့လဂၩ အဖိၪမုၪလၧ အထၧၫ့ဖုဝဲမုၪ လၧၦအၫရၫ့ဖိၪစလၫဘၫ့နီၪ, မွဲအၥၭၡါ အနံၪ့လံဆံၫလီၫ.

21တၭစအံစၭအၪ့ကံၩ့ အၪ့ယၫယဟိဝၩ လၧအမၫအ ဂး လၧအထူၬဖိၪအကၠီၩ့လီၫ. ယဟိဝၩ ဒိၭဆၧအၪ့ ကံၩ့အၪ့ယၫလၧအဝ့ၫတၭ, အမၫနးရဘ့ၭကၫဒၧၩ့ထၪ့ ဝ့ၫဒၪလီၫ.

22တၭအဖိၪလဖၪ ဘၪဂဲၩလိၬအၥၭ လၧအအီၩ့ဖၧၩ့ တၭ, အနီၪစံၭဝ့ၫဒၪ, အ့ၪမွဲဘဲၫနီၪတၭ, မွဲဘၪနီၫလၫ ယအီၪဘဲၫယီၩလဲၪ. တၭလ့ၩအၪ့စၪ့ယဟိဝၩလီၫ. 23ယဟိဝၩစံၭဝ့ၫ, ၦနံၫဆၨၩ အီၪလၧနဒၧၩ့လးအဖၧၩ့ တၭ,ၦခမျၧးနံၫဆၨၩ မိလၩ့ဖၭလၧနအီၩ့ဖၧၩ့လီၫ. တၭ အလဆၨၩ မိဆီၪ့နဲၪ့အဝ့ၫလဆၨၩလီၫ. တၭအဒိၪမိ မၩအဆံၭအဆၧမၩလီၫ.

24ထီးအနံၩအၥၫ့ လၧအမိအီၪဖျဲၪ နီၪဎွ့ၩထၪ့ဝ့ၫတၭ, 25ယိခွါ, ၦအဎဲၩ့အီၪလၧအဒၧၩ့လးဖၧၩ့လီၫ.- တၭၦလၧ အဂဲၫဆိၫလဂၩဝီၩဝ့ၫ မၩအၥၭဘဲၫဆဲၫ့အီၪလၧအဆီၪ့ အၥိၭထၧၫ့ဂၩယၫလီၫ. တၭအဝ့ၫၥံၪကိၭဝ့ၫအမံၩ့လၧ 26စအံစီၫလီၫ.- လၧအလးခဲၫ့နီၪ အဖုဂဲၫဝ့ၫတၭ, ဖီၪ့ထၬ စအံစီၫအခၪ့နိးခဲၫ့ လၧအစူၪလီၫ. တၭဆၧကိၭဝ့ၫအ မံၩ့လၧစယၫကူၭလီၫ. တၭလၧအအီၪဖျဲၪန့ဝ့ၫနီၪ, စအံ စၭအၥၭၡါအနံၪ့ ဎူၫဆံၫလီၫ.

စအံစီၫအၪ့ဆၫလၩ့ခွံၬဖိၪဝဲၡါအဆၧန့ၥၫ.

27ဖိၪၥၪလဖၪဒိၪထၪ့တၭ, စအံစီၫမွဲၦခၭဆၧၥ့ၪ, ၦမံၩ့ လၬကျၩဖိၪလီၫ. တၭစယၫကူၭနီၪ, မွဲၦအီၪလၧအၥၭ 28ဂုးတၭ, အီၪဝ့ၫလၧတဲၩဖၧၩ့လီၫ.- တၭစအံစၭအဲၪ စအံစီၫလီၫ. အဂဲးဘဲၫယီၩ ဆၧအမံၩ့ၥံၪ အယၪနီၪ, အဝ့ၫအၪ့အွံၪဒၪအဆၧလီၫ. အ့ၪမွဲနးရဘ့ၭကၫလဂၩ အဲၪစယၫကူၭလီၫ.

29စယၫကူၭ အၪ့ဖီၫ့ၥၧၫ့တၭ, စအံစီၫဂဲၫထဲၩ့လၧမံၩ့ 30လၬကျၩတၭ, အၥၭလၩ့ဘဲၩဝ့ၫဒၪလီၫ.- တၭစအံစီၫ စံၭစယၫကူၭနီၪ ဒုၭအၪ့လါယၧၩ လၧဆၧအဝီၩ,ဆၧ အဝီၩနီၪဆံၭ. အဂဲးဘဲၫယီၩ ယၥၭလၩ့ဘဲၩလီၫ. မၩ 31အၥၭဘဲၫနီၪတၭ, ၦကိၭအမံၩ့လၧအံဒၧၫ့လီၫ.- တၭ စယၫကူၭစံၭ, အၪ့ဆၫခွံၬန့ယၧၩ လၧနဝဲၡါအလးလၧ 32မုဆၫလနံၩယီၩဘီၪ.- တၭစအံစီၫစံၭဝ့ၫဒၪ,ယိခွါ,ယမိ ၥံၫလီၫ. တၭဆၧလၧဝဲၡါအလးယီၩ, မိကဲၪထၪ့လၧယ 33ဂးလၧဆၧနီၪလမံၩ့လဲၪ.- တၭစယၫကူၭစံၭ, ဆိၪလၩ့ နၥၭလၧယၧၩ လၧမုဆၫလနံၩယီၩဆံၭး တၭအဆၧ ဆိၪလၩ့အၥၭလၧအဝ့ၫနီၪ, အၪ့ဆၫခွံၬအဝဲၡါအလး 34လၧစယၫကူၭလီၫ.- တၭစယၫကူၭဖ့ၪလၫ့ စအံစီၫလၧ ကိၪ, ဒဲၥၧၫ့အီၪလၧပထိၭၥၪလီၫ. အဝ့ၫဒၪအၪ့ဆၧဒဲ အီၩဆၧတၭ, ဂဲထုၪ့လ့ၩဆၧလီၫ. တၭစအံစီၫအီၪက့ၪ အဆၧဝဲၡါအလးနီၪ ဘဲၫဆၧၥၭလိၪအၥိၭလီၫ.

Currently Selected:

ၥ မိ 25: pwokyn2

Highlight

Copy