ၥ မိ 24
24
24
မၫလဂၩလၧစအံစၭအဂး.
1စအၫဘြဟၫ့အၥၭၡါဝ့ၫတၭ, လ့ၩနုၬယဲၩ့ယူၭလၧ နံၪ့ၥံၪအဖၧၩ့ယူၭ, တၭယဟိဝၩ ဆိၪဂ့ၩယူၭ စအၫ 2ဘြဟၫ့ လၧဆၧထီးအလူၬအဖၧၩ့လီၫ.- တၭစအၫ ဘြဟၫ့ စံၭအဎီးအၡၩအၥၭၡါ လၧအဂံၪ့ဖၧၩ့လဂၩ, လၧအပၧၩ့ကယဲ အဆၧအီၪထီးအလူၬနီၪ, အီၪက့ၪလါ 3နစူၪလၧယကံၪဒူၪအဖၫ့လၬဆံၭ.- တၭယမိဒုၭဆိၪ လၩ့နၥၭလၧယဟိဝၩ, မူၭခိၪအယွၩဂၪ့ခိၪအယွၩအ မ့ၬယၫ, လၧနလမၩန့ဘၪ ယဖိၪခွၫအမၫ လၧၦကၫန 4အၫ့အဖိၪမုၪ လၧယအီၪ လၧအကျၩယီၩလီၫ.- မွဲနမိ ဘၪလ့ၩလၧယခးဒၪယဝ့ၫ, ဒဲလၧယဘူၭယထံးအအီၪ တၭ, မၩန့ယဖိၪခွၫ စအံစၭအမၫနီၪဘီၪ.
5အဎီးအၡၩစံၭဝ့ၫ, ဘၪလဘၪလဘၪဘၪ ၦမုၪအၥၭ လၧအမိဖိၬယခဲၫ့ ထီၩ့လၧခးလဘံၪ့ယီၩတၭး မွဲယ ဘၪအၪ့မၧၫ့နဖိၪခွၫထဲၩ့ထဲၩ့တၡါ လၧခးလၧနဂဲၫထၪ့ လၧအဖၧၩ့နီၪဆ့ဧၪ.
6တၭစအၫဘြဟၫ့စံၭဝ့ၫ, ထီးလၩ့နၥၭဘီၪ, မွဲနထီး 7ဒုၭထဲၩ့ထဲၩ့ယဖိၪခွၫထီးနီၪလဂ့ၩ.- ယဟိဝၩ, မူၭခိၪ အယွၩလၧအမၩန့ယၧၩ လၧယဖါအဂံၪ့ဖၧၩ့, ဒဲလၧ ယဘူၭယထံးအခး, လၧအချဲၩ့ဆၧလၧယၧၩ, ဒဲဆိၪ လၩ့အၥၭလၧယၧၩတၭ,စံၭ, ဆၧလၧခးလဘံၪ့ယီၩ, ယမိဖ့ၪလၫ့နချံၫနၥၪလီၫ. အဝ့ၫနီၪမိအၪ့မၧၫ့လၩ့အ ၥီၫ့လဂၩလ့ၩလၧနမ့ၬယၫတၭ, နဘၪမၩန့ယဖိၪခွၫအ 8မၫထီးနီၪလီၫ.- အ့ၪလဘၪဘၪၦမုၪအၥၭ လၧအမိဖိၬ နခဲၫ့တၭ, ယဒုၭဆိၪလၩ့နၥၭယီၩ လဘၪလၧၩ့ဘၪ နၧၩ, အ့ၪမွဲယဖိၪခွၫထဲၩ့ထဲၩ့ ထီးနီၪလမံၩ့, ထီးဒုၭ 9ထဲၩ့ထဲၩ့အဝ့ၫလဂ့ၩ.- အဎီးအၡၩအီၪက့ၪအစူၪလၧ အကဆါစအၫဘြဟၫ့ အကံၪဒူၪအဖၫ့လၬတၭ, ဆိၪ လၩ့အၥၭလၧအဝ့ၫ လၧဆၧလမံၩ့နီၪ အဂဲးအကၠီၪ့လီၫ.
10အဎီးအၡၩမၩန့ကလအူၭဆံၫဒုၩ လၧအကဆါအ ကလအူၭအကျၩတၭ, လ့ၩဆၧလီၫ. တၭအကဆါအ ဆၧဖိၪဆၧလံၩအီၪဝ့ၫ လၧအစူၪဖၧၩ့ ထီးအလူၬလီၫ. ဂဲထုၪ့ဝ့ၫတၭ, လ့ၩဝ့ၫထီၩ့လၧခးမ့စိၫပတ့မၠၫ ထီၩ့လၧ 11ဒိၩ့နၫဟီၫလီၫ.- တၭမုဂၪလၩ့အဆၧၫ့အထီ လၧၦမုၪၥံၪ စဲၪ့ထၪ့အၪ့ဒုၪ့ထံၫနီၪ, အဝ့ၫဒၪဒုၭထွံၩလၩ့ကလအူၭ အခၪ့လၧထံၫဖၧၩ့အနဲၩ့ထံၭ, လၧဒိၩ့လဖျိၪ့နီၪလၧခီၫ့ 12လခီၫလီၫ.- တၭအဝ့ၫဒၪနီၪစံၭ, ယဟိဝၩ, ယကဆါ စအၫဘြဟၫ့အယွၩဧ့, မၩဘီၪထၪ့ယီၫထၪ့ယၧၩလၧ မုဆၫလနံၩယီၩဆံၭး မွဲယကဆါစအၫဘြဟၫ့ ဘၪအ 13ခိးအတၩလၧနၧၩဆံၭ.- ယိခွါ, ယဆၧၫ့ထုၪ့လၧထံၫ ထၪ့ဖျိၭအနဲၩ့ထံၭယီၩတၭ, ၦဒိၩ့ဖိၪအဖိၪမုၪလဖၪစဲၪ့ 14ထၪ့အၪ့ဒုၪ့ထံၫ.- မွဲဆၧမၩအၥၭ လၧၦမုၪနၩ့လၧယမိ စံၭအဝ့ၫ အီၪက့ၪလၩ့နထံၫဆဲၩ ဘဲၫယမိအီၩထံၫဆံၭ နီၪတၭ, မိစံၭဝ့ၫအီၩကဒၪဘီၪ, တၭယမိဒုၭအီၩနက လအူၭလဖၪနီၪဆ့တၭး အဝ့ၫနီၪ, မွဲအကဲၪၦလၧနအီၪ က့ၪအဝ့ၫလၧနခ့ၫနၡၩ စအံစၭအဂးနီၪဆံၭ. လၧဆၧ နီၪလမံၩ့အကၠီၩ့တၭ, ယမိၥ့ၪယၫလၧယကဆါန့ဘၪ အခိးအတၩ လၧနၧၩလီၫ.
15ဆၧမၩအၥၭလၧအချဲၩ့ဆၧနီၪ, လချႃၭလူၬဒံၭဘၪ တၭ,ယိခွါ, နးရဘ့ၭကၫလၧဆၧအီၪဖျဲၪဝ့ၫ လၧစအၫ ဘြဟၫ့အထၧၫ့ဖုဝဲ စနၫဟီၫအမၫ နးမံလကၫအဖိၪခွၫ စဘၥူၫအ့လၭ အဂးလဂၩ, စဲၪ့ထၪ့ဆိၬထံၫဆဲၩ အီၪ 16လၧအခိၬထံၭလီၫ.- တၭၦမုၪနၩ့နီၪ အခံးအဂၩ့ဂ့ၩမၬ ဆ့းမွဲၦမုၪနၩ့ လၧၦခွၫၥ့ၪယၫဝ့ၫနးဂၩအ့ၬ, လ့ၩလၩ့ လၧထံၫထၪ့ဖျိၭနီၪ, မၩဎွ့ၩအထံၫဆဲၩတၭ ဂဲၫထဲၩ့ထၪ့ 17ဝ့ၫလီၫ.- ဆၧအဎီးအၡၩစဲၪ့တလဲး လၧအအီၪတၭ, စံၭဝ့ၫဒၪ, ထံၫလၧနထံၫဆဲၩဖၧၩ့နီၪ, ဖ့ၪလၫ့လါယအီၩ 18နးဆံၭဘီၪ.- တၭအဝ့ၫဒၪစံၭ, ကဆါဧ့, အီၩဘီၪ. အီၪ က့ၪလၩ့အထံၫဆဲၩ လၧအစူၪလီၩ့ချဲၫ့ချဲၫ့ ဒုၭအီၩဝ့ၫ 19ဒၪလီၫ.- တၭဒုၭအီၩဝ့ၫဂီၩ့တၭ, စံၭဝ့ၫဒၪ, ယမိအၪ့ဒုၪ့ 20ထံၫလၧနကလအူၭအဂး ထီးအဘျဲၩအီၩဆ့လီၫ.-မၩ ဝ့ၫချဲၫ့ချဲၫ့တၭ, ထံၫလၧအထံၫဆဲၩဖၧၩ့နီၪ, လူၫလၩ့ခွံၬ ဝ့ၫလၧချိၭဖၧၩ့တၭ, စဲၪ့အၪ့ဒုၪ့ဒီၭထံၫ လၧထံၫဖၧၩ့တၭ, 21အၪ့ဒုၪ့ထံၫလၧအကလအူၭ ထီးအလူၬအဂးလီၫ.- ၦ လဂၩနီၪထီၫမံၫထီၫမၪ ဆၧလၧအကၠီၩ့တၭ, မွဲယဟိဝၩ မၩဘီၪထၪ့ယီၫထၪ့ အဖၧၩ့ၥၭဧၪနီၪ, ဘဲၫၥိၭအမိၥ့ၪ ယၫဝ့ၫတၭအီၪလၩ့မါပံၭလီၫ.
22ထီးကလအူၭအီၩဆၧဂီၩ့တၭ, ဆၧမၩအၥၭလၧၦ လဂၩနီၪမၩန့ စူၪၥံၭထီၫ့အလယၧးနီၪ ဎၧၫ့ဝ့ၫၡက့လၭ ဎအဘၭၭ လခီၫ, ဒဲထဲၫ့ဎွံၪနံၫဘီၩ့ အလယၧးဎၧၫ့ဝ့ၫၡ 23က့လၭလဆံၫလၧအစူၪအဂးလီၫ.- တၭစံၭဝ့ၫဒၪ, နမွဲ ပလၫအဖိၪမုၪလဂၩလဲၪး ဒုၭနဲၪလါယၧၩဆံၭ. ဘဲၫ ၥိၭပမိအီၪလၧနဖါအဂံၪ့ဖၧၩ့ ကဲမုနၩနီၪတၭး မွဲအလး 24အီၪဆ့ဧၪ.- တၭအဝ့ၫနီၪစံၭ, ယမွဲနးမံလကၫအဖိၪခွၫ, လၧအအီၪဖျဲၪန့ လၧစနၫဟီၫအဂး, စဘၥူၫအ့လၭနီၪ 25အဖိၪမုၪလီၫ.- တၭစံၭဝ့ၫဒၪ, လီခၫ့ဒဲနၪ့ၥံၪမံၩ့ၥံၪအီၪ 26အၪလ့ၬ, ဒဲလးလၧမုနၩအဂးနီၪ, အီၪဝ့ၫဆ့လီၫ.- ၦလ 27ဂၩနီၪၡီၫ့လၩ့အခိၪတၭ, ဘၩထၪ့ယဟိဝၩ,- စံၭဝ့ၫ ဒၪ,ယဟိဝၩ ယကဆါစအၫဘြဟၫ့အယွၩ လၧအလ ဒုၭလ့ၩဒၪဘၪအခိးအတၩ, ဒဲအဆၧမွဲဆၧတီၩ လၧယ ကဆါလဂၩနီၪ, မွဲအဘၪဆၧဆိၪဂ့ၩဆံၭး ယဝ့ၫဒၪ ယီၩယအီၪ လၧဖၧၩ့ၥၭနီၪ, ယဟိဝၩ ၥိၫ့ယၧၩထီၩ့ လၧယကဆါ အထၧၫ့ဖုဝဲအဂံၪ့လီၫ.
28တၭၦမုၪနၩ့နီၪ စဲၪ့တလဲးဒုၭနဲၪအမိအဂံၪ့ဖိၪ လၧ 29ဆၧလဖၪနီၪလီၫ.- တၭနးရဘ့ၭကၫအထၧၫ့ဖုဝဲခွၫ, အီၪလဂၩအမံၩ့ မွဲစလၫဘၫ့လီၫ. တၭစလၫဘၫ့စဲၪ့တ လဲးလၧၦလဂၩအအီၪ လၧထံၫထၪ့ဖျိၭ အနဲၩ့ထံၭနီၪ 30လီၫ.- ထီးအဒၪဘၪစူၪၥံၭထီၫ့, ဒဲထဲၫ့ဎွံၪလၧအထၧၫ့ဖု ဝဲမုၪအစူၪလီၩ့တၭ, ထီးအနါဂၧၫ့အထၧၫ့ဖုဝဲမုၪ နးရ ဘ့ၭကၫအဆၧချဲၩ့, လၧအစံၭၦလဂၩနီၪ စံၭယၧၩဘဲၫ နီၪ,ဆၧမၩအၥၭ လၧအလ့ၩဝ့ၫ လၧၦလဂၩနီၪအအီၪ တၭ,ယိခွါ, အီၪဆၧၫ့ထုၪ့ဝ့ၫ လၧကလအူၭအနဲၩ့ထံၭ, 31ထီးထံၫထၪ့ဖျိၭနီၪလီၫ.- တၭအဝ့ၫဒၪစံၭ ၦလၧအဘၪ ဆၧဆိၪဂ့ၩ လၧယဟိဝၩလဂၩဧ့, ဂဲၫနုၬဆံၭ, နအီၪ ဆၧၫ့ထုၪ့လၧခီၫ့ယီၩ, မွဲဘၪလဲၪ. ယတဲၩ့ဝဲၩယူၭဂံၪ့, 32ဒဲအလးလစီၪ့ လၧကလအူၭအဂးယူၭလီၫ.- တၭၦလ ဂၩနီၪ လ့ၩနုၬဝ့ၫလၧဂံၪ့ဖၧၩ့လီၫ. ကွဲၪလၩ့ခွံၬကလ အူၭတၭ,ဖ့ၪလၫ့လီခၫ့, ဒဲနၪ့ၥံၪမံၩ့ၥံၪ လၧကလအူၭအ ဂးတၭ, ထံၫလၧအၥူၫဝၭခွံၬ အခၪ့အဂး, ဒဲလၧၦၡၩ 33အီၪလၧအၥိၭလဖၪ အခၪ့အဂးဆ့လီၫ.- တၭဆၧအီၪ က့ၪဆၧအၪ့ဆၧအီၩ လၧအမ့ၬယၫလီၫ. မွဲလါနၫ့တၭ အဝ့ၫနီၪစံၭဝ့ၫဒၪ, ယလချႃၭလီၩဒံၭဘၪ ယဆၧချဲၩ့ တၭ,ယအၪ့ဘၪယဝ့ၫအ့ၬး တၭအဝ့ၫဒၪစံၭ, လီၩဘၪ ဘီၪ.
34တၭအဆၧစံၭဝ့ၫဒၪ, ယမွဲစအၫဘြဟၫ့အဎီးအၡၩ 35လီၫ.- ယကဆါလဂၩနီၪ, ယဟိဝၩဆိၪဂ့ၩယူၭဖၭဒိၪ ယူၭတၭး ကဲၪထၪ့ဝ့ၫလၧၦအဒိၪလီၫ. တၭဆၧဖ့ၪလၫ့ ဝ့ၫလၧၥိၪ,ဒဲဘ့ၪ, ဒဲချီ,ဒဲကျိၪၥံၪစ့ၩၥံၪ, ထီၫ့ၥံၪလွ့ၫၥံၪ, ဒဲအဎီးအၡၩခွၫ, ဒဲအဎီးအၡၩမုၪ, ဒဲကလအူၭ,ဒဲကၥ့ၪ 36ယီၩ့လဖၪလီၫ.- တၭယကဆါအမၫ နးစၫရၫအီၪဖျဲၪန့ အဖိၪခွၫလၧယကဆါအဂး, လၧအၥၭၡါက့ၭလီၫ. တၭကယဲအဆၧလမံၩ့လါလါနီၪ, ဖ့ၪလၫ့ယူၭဝ့ၫလၧ 37အဝ့ၫနီၪထီးအလူၬလီၫ.- ယကဆါဒုၭဆိၪလၩ့ယၥၭ တၭ,စံၭဝ့ၫဒၪ, မၩန့ယဖိၪခွၫအမၫ လၧၦကၫနအၫ့ဖိၪ, လၧယအီၪလၧအခးဖၧၩ့ လဖၪအဖိၪမုၪ အကျၩလ 38ဂ့ၩ.- အ့ၪမွဲနမိဘၪလ့ၩ လၧယဖါအဂံၪ့, ဒဲလၧယဒီၪ့ဒၪ 39ယဝ့ၫအအီၪတၭ, မၩန့ယဖိၪခွၫအမၫလီၫ.- တၭယ စံၭယကဆါနီၪ, ဘၪလဘၪၦမုၪနီၪ လမိဖိၬဘၪအၥၭ 40လၧယခဲၫ့လီၫ.- မွဲအစံၭယၧၩ, ယဟိဝၩလၧယလ့ၩ ဆၧလၧအမ့ၬယၫ မိအၪ့မၧၫ့အၥီၫ့လဂၩ လ့ၩလၧနၥိၭ တၭ,မိမၩဘီၪထၪ့ယီၫထၪ့ နဖၧၩ့ၥၭတၭး နဘၪမၩန့ ယဖိၪခွၫအမၫ လၧယဒီၪ့ဒၪယဝ့ၫအကျၩ, ဒဲလၧယ 41ဖါအဂံၪ့ဖၧၩ့နီၪလီၫ.- ထီးနီၪလဖၧၫ့ ယဒုၭဆိၪဆၧ နီၪလဘၪလၧၩ့ဘၪနၧၩတၭ, နအ့ၪထီၩ့လၧယၡၩလ ဒီၪ့ဒၪယဝ့ၫအအီၪတၭ, အဝ့ၫၥံၪအ့ၪလဖ့ၪလၫ့ဘၪလၧ နၧၩတၭ, ယဒုၭဆိၪဆၧယီၩ, မိဘၪလၧၩ့နၧၩအ့ၬ. 42တၭလၧမုဆၫလနံၩယီၩ, ယဂဲၫထီၩ့လၧထံၫထၪ့ဖျိၭ တၭ,ယစံၭ, ယဟိဝၩ,ယကဆါ စအၫဘြဟၫ့အယွၩ ဧ့, နအ့ၪမၩဘီၪမၩယီၫယဖၧၩ့ၥၭ လၧယဖိၬတၭး 43ယိခွါ,ယဆၧၫ့ထုၪ့ လၧထံၫထၪ့ဖျိၭ အနဲၩ့ထံၭတၭ, ဆၧမိမၩအၥၭ လၧၦမုၪနၩ့ဂဲၫထၪ့ အၪ့ဒုၪ့ထံၫတၭ,ယ စံၭအဝ့ၫ, ထံၫလၧနထံၫဆဲၩဖၧၩ့နီၪ, ဖ့ၪလၫ့လါယအီၩ 44နးဆံၭဘီၪ.- တၭအဝ့ၫနီၪမိစံၭယၧၩ, အီၩနဝ့ၫတၭ, ယမိအၪ့ဒုၪ့ထံၫ လၧနကလအူၭအဂးဆ့တၭ, အဝ့ၫနီၪ မွဲအကဲၪၦမုၪလၧယဟိဝၩအီၪက့ၪဝဲၩဝ့ၫ လၧယကဆါ 45အဖိၪခွၫအဂးနီၪဆံၭ.- တၭယချဲၩ့ဆၧ လချႃၭလူၬဒံၭ ဘၪလၧယၥၭခံဖၧၩ့တၭ, ယိခွါ,နးရဘ့ၭကၫ ဂဲၫထၪ့ အီၪလၧအထံၫဆဲၩ လၧအခိၬထံၭအလီၩ့, လ့ၩလၩ့ဝ့ၫ လၧထံၫထၪ့ဖျိၭတၭ, အၪ့ဒုၪ့ထံၫဂီၩ့, ယစံၭအဝ့ၫ,ဒုၭ 46အီၩလါယၧၩဆံၭ.- မွဲအမၩဝ့ၫချဲၫ့ချဲၫ့တၭ, အီၪက့ၪ လၩ့အထံၫဆဲၩ, စံၭဝ့ၫဒၪ,အီၩဘီၪ, တၭယမိဒုၭအီၩ နကလအူၭဆ့လီၫ. ယအီၩတၭ, အဝ့ၫနီၪဒုၭအီၩက 47လအူၭလဖၪဆ့လီၫ.- တၭယအၪ့စၪ့အဝ့ၫနီၪ, ယစံၭ, နမွဲပလၫအဖိၪမုၪလဂၩလဲၪ. အဆၧစံၭဝ့ၫဒၪ, ယမွဲ စနၫဟီၫအဖိၪခွၫ လၧနးမံလကၫ အီၪဖျဲၪန့အဂး စဘ ၥူၫအ့လၭနီၪ အဖိၪမုၪလီၫ. တၭယအီၪက့ၪနၫခွၩ့လ ဘီၩ့နီၪလၧအမ့ၬလီၩ့, ဒဲထဲၫ့ဎွံၪလဖၪ လၧအစူၪလီၩ့ 48လီၫ.- ယၡီၫ့လၩ့ယခိၪတၭ, ယဘၩယဟိဝၩတၭ,ယ ဆိၪဂ့ၩယဟိဝၩ, ယကဆါစအၫဘြဟၫ့အယွၩ လၧ အၥိၫ့ယၧၩ လၧဖၧၩ့ၥၭအဘၪ, ဘဲၫၥိၭယမိမၩန့ ယ ကဆါအထၧၫ့ဖုဝဲလဂၩ အဖိၪမုၪ လၧအဖိၪခွၫ အဂး 49လီၫ.- တၭဘိၩ့နဲၪ့ယီၩ နၥံၪအ့ၪမၩခိးမၩတၩ, မၩမွဲ မၩတီၩကယဆါတၭ, ဒုၭနဲၪယၧၩး အ့ၪလမွဲဘၪတၭ, ဒုၭနဲၪယၧၩ, ဘဲၫၥိၭလၧစူၪထွ့ၪမွဲဂ့ၩ, လၧစူၪစ့ၪမွဲဂ့ၩ, ယမိကၠၪကဒၩ ယၥၭဆ့လီၫ.
50စလၫဘၫ့ ဒဲစဘၥူၫအ့လၭ စံၭဆၧၫ့ဆၧတၭ,စံၭဝ့ၫ ဒၪ, ဆၧယီၩလမံၩ့ဂဲၫလၩ့ဝ့ၫ လၧယဟိဝၩလီၫ. အၧၩ့ 51မွဲဂ့ၩ, ဂ့ၩမွဲဂ့ၩ, ပစံၭဒၪပဝ့ၫၥ့ၪအ့ၬ.- ယိခွါ, နးရဘ့ၭ ကၫအီၪဝ့ၫလၧနမ့ၬယၫလီၫ. မၩန့တၭ ထဲၩ့ထဲၩ့ဆံၭး တၭမွဲအကဲၪထၪ့ နကဆါအဖိၪခွၫအမၫ, ဘဲၫယဟိဝၩ 52စံၭဆၧအၥိၭနီၪဆံၭ.- ထီးစအၫဘြဟၫ့ အခ့ၫအၡၩ နါဂၧၫ့အဝ့ၫၥံၪ အဆၧချဲၩ့တၭ, ဆၧမၩအၥၭ လၧအ 53ထွံၩလၩ့ဘၩထၪ့ယဟိဝၩလီၫ.- တၭဆၧအဎီးအၡၩ နီၪ,ထုၭထၪ့ကယၧၩ့စ့ၩ, ဒဲကယၧၩ့ထီၫ့, ဒဲဆၧအကီၩ့ အၥိၭလဖၪတၭ, ဖ့ၪလၫ့ဝ့ၫလၧနးရဘ့ၭကၫလီၫ. တၭ အဝ့ၫဖ့ၪလၫ့ဆၧလူဒိၪဎွ့ၩဒိၪလဖၪ လၧအထၧၫ့ဖုဝဲခွၫ, ဒဲအမိလီၫ.
54အဝ့ၫၥံၪအၪ့ဆၧဒဲအီၩဆၧတၭ, အဝ့ၫနီၪ, ဒဲၦၡၩ အီၪလၧအၥိၭ အီၪဝ့ၫၥၫ့နၩချီၩ့လီၫ. ဆၧဖၩ့ထၪ့နီၪအ ဝ့ၫၥံၪဂဲထုၪ့တၭး အဝ့ၫလဂၩစံၭ, အၪ့မၧၫ့ယထဲၩ့ထဲၩ့ 55လၧယကဆါအအီၪဆံၭ.- တၭအထၧၫ့ဖုဝဲခွၫ, ဒဲအမိ စံၭဝ့ၫဒၪ, မွဲၦမုၪနၩ့နီၪ အီၪလၧပၥိၭအနံၩအၥၫ့လဖၪ, ဆံၫၥၫ့ဆံၭ. ဆၧလဖၪနီၪအလးခဲၫ့ မိလ့ၩဘၪဝ့ၫလီၫ. 56အဝ့ၫဒၪစံၭအဝ့ၫၥံၪ, မွဲလၧယဟိဝၩ မၩဘီၪထၪ့ယီၫ ထၪ့ယဖၧၩ့ၥၭအကၠီၩ့တၭ, ထီးပဒၩ့ယၧၩလဂ့ၩ, ဖ့ၪ လၫ့ယထဲၩ့ထဲၩ့ ဘဲၫၥိၭယမိထဲၩ့ထီၩ့ လၧယကဆါအ အီၪဘီၪ.
57အဝ့ၫၥံၪစံၭ, ပမိကိၭန့ၦမုၪနၩ့နီၪတၭ, အၪ့စၪ့ဆၧ 58လၧအနိၭလီၫ.- အဝ့ၫၥံၪကိၭန့နးရဘ့ၭကၫတၭ, စံၭ ဝ့ၫ,မွဲနမိလ့ၩဖိၬ ၦလဂၩယီၩအခဲၫ့ဆ့ဧၪ. အဆၧစံၭ, 59ယမိလ့ၩလီၫ.- တၭအဝ့ၫၥံၪအၪ့မၧၫ့ အထၧၫ့ဖုဝဲမုၪ နးရဘ့ၭကၫလ့ၩဆၧ, ဒဲၦယိဝ့ၫလဂၩ, ဒဲစအၫဘြဟၫ့ အဎီးအၡၩ ဒဲအဝ့ၫဒၪ အၡၩလဖၪ ထဲၩ့ထဲၩ့ဝ့ၫလီၫ. 60တၭအဝ့ၫၥံၪဆိၪဂ့ၩ နးရဘ့ၭကၫစံၭဝ့ၫ, နဝ့ၫဒၪ,ပထၧၫ့ ဖုဝဲမုၪဧ့း မွဲနကဲၪထၪ့ၦအလၬၥံၪ အဘျၩ့လထီၫ့ဆံၭ. မွဲနချံၫနၥၪန့ဘၪ ၦလၧအၥၭဂဲၫ့နၧၩ အတရၫ့နီၪဆံၭ.
61နးရဘ့ၭကၫဒဲအဖိၪၥၪမုၪလဖၪ ဂဲထုၪ့တၭ, ထူၬက လအူၭတၭ, ဖိၬၦလဂၩနီၪအခဲၫ့လီၫ. ဆၧအဎီးအၡၩ 62လဂၩနီၪ, မၩန့နးရဘ့ၭကၫတၭ, ထဲၩ့ထဲၩ့ဝ့ၫလီၫ.- တၭ စအံစၭအီၪဝ့ၫ လၧမုခံၫ့လခီၫနီၪ ဂဲၫထဲၩ့ဝ့ၫလၧဘံအၧၫ 63လဟ့ရီၫအံၫအထံၫဖၧၩ့ အဖၧၩ့ၥၭလီၫ.- စအံစၭလ့ၩ ထၪ့ဝ့ၫလၧဂၪ့ခိၪအဝၩ့ဖၧၩ့ ဘဲၫၥိၭအမိဆီၫ့မီၪ့လၩ့အ ၥၭလၧမုဂၪလၩ့နီၪလီၫ. ကျဲၪ့ထၪ့အမ့ၬတၭ, ယိဆၧ တၭ,ယိခွါ, ကလအူၭလဖၪနီၪ ဂဲၫထဲၩ့ထဲၩ့ဝ့ၫလီၫ. 64နးရဘ့ၭကၫကျဲၪ့ထၪ့အမ့ၬတၭ, ထီးအဒၪဘၪစအံစၭ 65နီၪ,စဲၪ့လၩ့ဝ့ၫ လၧကလအူၭအလီၩ့လီၫ.- အဂဲးဘဲၫ ယီၩစံၭဝဲၩဆၧအခ့ၫအၡၩ, ၦလၧအဂဲၫအၪ့ဂၬပၧၩ လၧဂၪ့ခိၪလဝၩ့အဖၧၩ့လဂၩနီၪ, မွဲပလၫလဂၩလဲၪနီၪ တၭ,ဆၧအခ့ၫအၡၩလဂၩ, စံၭဝ့ၫဒၪ, မွဲယကဆါလီၫ. 66တၭမၩန့ဆၧချႃၬဘံၭတၭ, မၩဘံၭအမ့ၬလီၫ.- တၭ ဆၧအခ့ၫအၡၩလီၩဘၪစအံစၭ လၧကယဲဆၧလၧအ 67မၩဝ့ၫထီးအလူၬလီၫ.- စအံစၭၥိၫ့ဝ့ၫ လၧအမိနးစၫရၫ အတဲၩဖၧၩ့တၭ, မၩန့နးရဘ့ၭကၫတၭ, အဝ့ၫနီၪကဲၪ ထၪ့အမၫတၭ, အဲၪဝ့ၫကွံၩဝ့ၫလီၫ. တၭစအံစၭ ဘၪ ဆၧမၩမုၬမၩရှူၪဝ့ၫ လၧအမိၥံၫဝ့ၫအလးခဲၫ့နီၪလီၫ.
Currently Selected:
ၥ မိ 24: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
