ၥ မိ 18

ဆၧအုၩ့လၩ့န့ဖိၪခွၫလဂၩ လၧစအၫဘြဟၫ့အဂး.

1လၧမုခိလၩ့နီၪ အဝ့ၫဆၧၫ့နၩ့ လၧတဲၩအတရၫ့ထံၭ တၭ, ယဟိဝၩမၩဖျီၪထၪ့အၥၭ လၧအမ့ၬယၫထီးမၫ 2မရံၫအၥံၪ့ထိၭဖၫၥံၪလီၫ.- စအၫဘြဟၫ့ကျဲၪ့ထၪ့အမ့ၬ ယိဝ့ၫတၭ, ယိခွါ, ၦၥၧၫ့ဂၩဆၧၫ့ထုၪ့အီၪဎၩ့လၧအမ့ၬ ယၫလီၫ. တၭထီးအဒၪဘၪဝ့ၫနီၪ, စဲၪ့တလဲးခွံၬဝ့ၫလၧ အတရၫ့ ဘဲၫၥိၭအမိအၪ့ဂၬထၪ့ အဝ့ၫၥံၪတၭ, ထွံၩ 3လၩ့အၥၭလၧဂၪ့ခိၪချိၫ့,-တၭ, စံၭဝ့ၫဒၪ, ယကဆါဧ့, ယအ့ၪဘၪဆၧအခိးအတၩ လၧနမ့ၬယၫတၭ, လ့ၩဖီၩ့ 4ခွံၬလါလၧနခ့ၫနၡၩအအီၪလဂ့ၩ.- မွဲၦဂဲၫဆိၬထံၫလ ဆံၭတၭ, ၥူၫဝၭခွံၬနၥံၪအခၪ့, အီၪပွံၭဒၪခလူၬလၧၥံၪ့ 5အဖၫ့လၬနီၪဘီၪ.- ယမိမၩန့ကိၪလကဲၩ့တၭ, မၩဂုး ထၪ့ထဲၩ့နၥံၪအၥၭဆံၭ, လၧခဲၫ့တၭ နၥံၪမိလ့ၩဒံၭဆၧ လီၫ,အဂဲးဘဲၫယီၩ လၧဆၧလမံၩ့အကၠီၩ့နီၪ, နၥံၪဂဲၫ လၧနၥံၪအဎီးအၡၩအအီၪလီၫ. တၭအဝ့ၫၥံၪစံၭဝ့ၫ ဒၪ,ဘဲၫနီၪအၥိၭ, မၩထီးဒၪနစံၭဆၧအၥိၭနီၪဆံၭ.

6တၭစအၫဘြဟၫ့ထဲၩ့ချဲၫ့ချဲၫ့ လၧတဲၩဖၧၩ့လၧနးစၫ ရၫအအီၪတၭ, စံၭဝ့ၫဒၪ, တဲၩ့ဝဲၩန့ကိၪမုၬၥၧၫ့စံအၫ ဎဘဲၫပစံၭဆၧအၥိၭလနၬကၪယူၭၭ ချဲၫ့ချဲၫ့နီၪ, ဘံၭ ဝ့ၫတၭ,မၩကိၪထၧၫ့ဘံၪ့ယၫလဖၪ လၧဖံၫ့ချၪအဖၫ့ခိၪ 7နီၪဆံၭ.- စအၫဘြဟၫ့စဲၪ့တလဲး လၧချီလဒီၪ့အအီၪ တၭ,မၩန့ချီဖိၪလၧအယၪဘၪ့ ဒဲလၧအဂ့ၩလဒုၩတၭ, ဖ့ၪလၫ့ဝ့ၫလၧၦဖိၪၥၪခွၫ လဂၩတၭ, အဝ့ၫနီၪတဲၩ့ဝဲၩ 8ဝ့ၫချဲၫ့ချဲၫ့လီၫ.- အဝ့ၫမၩန့ဆၧနူထံၫလၩ့ဒၭ, ဒဲဆၧနူ ထံၫ,ဒဲချီဖိၪလၧအတဲၩ့ဝဲၩဝ့ၫနီၪ, အီၪက့ၪလၩ့ဝ့ၫလၧ အဝ့ၫၥံၪအမ့ၬယၫတၭ, အနၫ့ဆါဒၪဝ့ၫဆၧၫ့ထုၪ့လၧအ နဲၩ့ထံၭ လၧၥံၪ့အဖၫ့လၬနီၪတၭ, အဝ့ၫၥံၪ အၪ့ဝ့ၫဒၪ လီၫ.

9တၭအဝ့ၫၥံၪ စံၭအဝ့ၫဒၪ, နမၫနးစၫရၫနီၪ မွဲအအီၪ ခီၫခီၫလဲၪ. တၭအဝ့ၫနီၪစံၭဝ့ၫဒၪ, ယိခွါ, အီၪဝ့ၫလၧ 10တဲၩဖၧၩ့နီၪလီၫ.- တၭၦလဂၩနီၪ စံၭဝ့ၫဒၪ, ထီးဆၧ မၧၫ့အဆၧၫ့အထီနီၪ, ယမိဂဲၫထဲၩ့တၡါ လၧနအီၪတၭ, ယိခွါ, နမၫနးစၫရၫမိအီၪ လၧအဖိၪခွၫလီၫ. တၭနးစၫ ရၫအီၪဝ့ၫလၧတဲၩတရၫ့အချိၫ့လခီၫ နါဂၧၫ့ဝ့ၫဒၪလီၫ. 11စအၫဘြဟၫ့ ဒဲနးစၫရၫနီၪ, အၥၭၡါဝ့ၫတၭ, အနံၪ့လ ယၩဖီၩ့ခွံၬယူၭ အၪနံၪ့အၪလၩယူၭနီၪ, ဆၧလကဲၪ ထၪ့လၧၩ့ဘၪ လၧနးစၫရၫဘဲၫၦမုၪအထူၫအရူၫအၥိၭ 12နီၪလီၫ.- တၭနးစၫရၫနံဝ့ၫ လၧအၥၭခံဖၧၩ့တၭ, စံၭဝ့ၫ ဒၪ,ယၥၭၡါက့ၭယူၭယဝ့ၫအလးခဲၫ့နီၪ, မွဲယမိအီၪလၧ ဆၧမုၬလၩဆ့ဧၪ. ဒဲယကဆါအၥၭၡါယူၭဆ့လီၫ. 13တၭယဟိဝၩစံၭစအၫဘြဟၫ့နီၪ, နးစၫရၫနံတၭ, စံၭ ဝ့ၫ,ယၥၭၡါယူၭ, ယမိအီၪဖျဲၪန့ ယဖိၪတၡါဧၪနီၪ,မွဲဘၪ 14လဲၪ.- ဆၧလၧယဟိဝၩမၩလၥ့ၪဘၪ, မွဲအအီၪလမံၩ့ မံၩ့ဆ့ဧၪ, ထီးအဆၧၫ့အထီအ့ၪဘၪတၭ, ယမိဂဲၫထဲၩ့ လၧနအီၪထီးဆၧမၧၫ့ အဆၧၫ့အထီ ဆၧၫ့ထဲၩ့အလး 15နီၪ,နးစၫရၫမိအီၪလၧအဖိၪခွၫလီၫ.- တၭနးစၫရၫမီၪ့ ဘံၭဝ့ၫတၭ, စံၭဝ့ၫဒၪ, ယနံဘၪအ့ၬ, ၥၭမဲၪဆၧအဂဲး လီၫ.တၭအဝ့ၫနီၪစံၭဝ့ၫဒၪ, မွဲအ့ၬ,နနံဘၪနဝ့ၫမၬကၨ.

စအၫဘြဟၫ့အၪ့ကံၩ့အၪ့ယၫ ဆၧလၧဝံးစီဒၧၫ့အဂး.

16ၦလဖၪနီၪ စဲၪ့ထၪ့ထီးနီၪတၭ, ယိဝ့ၫလၧဒိၩ့စီဒၧၫ့ တၭ, စအၫဘြဟၫ့ လ့ၩလၧအဝ့ၫၥံၪအၥိၭ မိၥိၫ့လၧ 17ဖၧၩ့ၥၭအဂဲးလီၫ.- တၭယဟိဝၩစံၭဝ့ၫဒၪ, ဆၧလၧ ယမိမၩယီၩ, မွဲယမိအီၪက့ၪၥူၪခွံၬ လၧစအၫဘြဟၫ့ဆ့ 18ဧၪ.- တၭစအၫဘြဟၫ့မိကဲၪထၪ့ ၦလဆၨၩဖၭဒိၪဒဲအီၪ ဆီၪ့ဝ့ၫတၭ, ကယဲၦၡၩလၧဂၪ့ခိၪချိၫ့မိဘၪဆၧဆိၪဂ့ၩ 19လၧအဖၧၩ့ကိၭအဆၨၩဒ့ၭလီၫ.- အဂဲးဘဲၫယီၩယၥ့ၪ ယၫအဝ့ၫဒၪ လၧအမိအၪ့မၧၫ့န့အဖိၪအလံၩ ဒဲအဂံၪ့ဖိၪ လၧအလးခဲၫ့နီၪတၭ, ဒဲအဝ့ၫၥံၪမိဖိၬယဟိဝၩအဖၧၩ့ ၥၭဘဲၫၥိၭ အမိမၩဆၧတီၩဆၧလီၩ့ ဒဲဆၧစ့ၩရၫ့တီၩ, ဘဲၫၥိၭယဟိဝၩ မိဒုၭလၩ့ဘၪ ကယဲဆၧလၧအစံၭဝဲၩ ဝ့ၫလၧစအၫဘြဟၫ့ အလီၩ့နီၪလီၫ.

20ယဟိဝၩစံၭဝ့ၫဒၪ, မွဲဒိၩ့စီဒၧၫ့ဒဲဂမီရၫအဆၧဂၪ့ကိၭ ဒိၪဝ့ၫအၪဝ့ၫအကၠီၩ့တၭ, ဒဲအဆၧဒဲၩဘၭ ယိၬမၬအ 21ကၠီၩ့,- ယမိလ့ၩလၩ့တၭ, အဝ့ၫၥံၪမၩဝ့ၫထီးအလူၬ ဘဲၫအဆၧဂၪ့ကိၭ လၧအဂဲၫထၪ့ လၧယအီၪအၥိၭနီၪ ဧၪ,ယမိယိတၭ, အ့ၪလမွဲဘၪတၭ, ယမိၥ့ၪယၫလီၫ. 22ၦလဖၪနီၪ ကၠၪဒိၭချိၫ့အၥၭထီးနီၪတၭ, လ့ၩစိၩစီဒၧၫ့ လီၫ. အ့ၪမွဲစအၫဘြဟၫ့နီၪ ဆၧၫ့ထုၪ့ဒံၭလၧယဟိဝၩ အမ့ၬယၫလီၫ.

23စအၫဘြဟၫ့ၥုၭဘူၭအၥၭတၭ, စံၭဝ့ၫဒၪ, မွဲနမိမၩ ဂၭဂီၩ့ဎုၬၦအတီၩအလီၩ့ ဒဲၦလတီၩလလီၩ့ဘၪဆ့ဧၪ. 24ဘၪလဘၪၦအတီၩအလီၩ့ ယဲဆံၫမိအီၪဝ့ၫလၧဒိၩ့ဖၧၩ့ လီၫ. မွဲနမိမၩဂၭဂီၩ့ဆ့တၭ, လဖျါဘၪအလးလၧၦအ တီၩအလီၩ့ယဲဆံၫ လၧအအီၪဝ့ၫ လၧအဖၧၩ့အကၠီၩ့ 25နီၪဧၪ.- မွဲနထီးမၩဘဲၫနီၪလဂ့ၩ, မၩၥံၫဎုၬၦအတီၩအ လီၩ့ ဒဲၦလတီၩလလီၩ့ဘၪတၭ, ၦအတီၩအလီၩ့မိမၩ အၥၭဘဲၫၦလတီၩလလီၩ့ဘၪအၥိၭနီၪ, မွဲဆၧထီးမၩ အၥၭဘဲၫနီၪလၧနၧၩလဂ့ၩ, ၦလၧအစ့ၩရၫ့ဂၪ့ခိၪထၧၫ့ 26ဖျိၪ့ယၫလဂၩနီၪ, မွဲအမိမၩတီၩအ့ၬဧၪ.- တၭယဟိ ဝၩစံၭဝ့ၫဒၪ, ယအ့ၪဒၪဘၪၦအတီၩအလီၩ့ ယဲဆံၫလၧ ဒိၩ့စီဒၧၫ့အဖၧၩ့နီၪ, ယမိကွဲၪဖျါခွံၬအလး ထၧၫ့ဒိၩ့ 27ယၫလၧအဝ့ၫၥံၪအကၠီၩ့လီၫ.- စအၫဘြဟၫ့စံၭဆၧၫ့ ဆၧတၭ, စံၭဝ့ၫဒၪ, ယိခွါ, ယအီၪက့ၪယၥၭလၧယမိ ချဲၩ့ဆၧလၧယကဆါယီၩ, ယမွဲဂၪ့ခိၪအမုၬ ဒဲဖံၫ့ချၪ 28ယဝ့ၫလီၫ.- ဘၪလဘၪၦအတီၩအလီၩ့ ယဲဆံၫနီၪမိၡၩ လၩ့ယဲဂၩတၭ, မွဲနမိမၩဂၭဂီၩ့ ဒိၩ့ထၧၫ့ဖျိၪ့ယၫလၧ ယဲဂၩအကၠီၩ့ဆ့ဧၪ. အဝ့ၫနီၪစံၭဝ့ၫဒၪ, ယအ့ၪဒၪဘၪ 29လံဆံၫယဲဂၩထီးနီၪတၭ, ယမၩဂၭဂီၩ့အ့ၬ.- တၭအ ဝ့ၫနီၪချဲၩ့ဒီၭလဖၧၫ့, စံၭဝ့ၫဒၪ, ဘၪလဘၪဆၧမိဒၪန့ ၦလံဆံၫထီးနီၪလီၫ. တၭအဝ့ၫနီၪစံၭဝ့ၫဒၪ, ယလမၩ 30ဘၪလၧၦလံဆံၫအကၠီၩ့လီၫ.- တၭအနီၪစံၭဝ့ၫဒၪ, မွဲ ကဆါထီးၥၭထၪ့လဂ့ၩ, ယမိချဲၩ့ဆၧလီၫ. ဘၪလဘၪ ဆၧမိဒၪန့ၦၥၧၫ့ဆံၫ ထီးနီၪလီၫ. အဝ့ၫနီၪစံၭဝ့ၫဒၪ, ယအ့ၪဒၪဘၪ ၦၥၧၫ့ဆံၫထီးနီၪတၭ, ယမိမၩအ့ၬ. 31တၭအနီၪစံၭဝ့ၫဒၪ, ယိခွါ, ဘိၩ့နဲၪ့ယီၩ,ယအီၪက့ၪယ ၥၭလၧယမိချဲၩ့ဆၧ လၧယကဆါလီၫ. ဘၪလဘၪဆၧ မိဒၪန့ၦနံၫဆံၫထီးနီၪလီၫ. တၭအဝ့ၫနီၪစံၭဝ့ၫဒၪ, ယ 32လမၩဂၭဂီၩ့ဘၪ လၧၦနံၫဆံၫအကၠီၩ့နီၪလီၫ.- အနီၪ စံၭဝ့ၫဒၪ, မွဲကဆါထီးၥၭထၪ့ယၧၩလဂ့ၩတၭ, ယမိ ချဲၩ့ဆၧန့ၫအယီၩလဖၧၫ့လီၫ. ဘၪလဘၪ ဆၧမိဒၪန့ ၦဆံၫဂၩထီးနီၪလီၫ. တၭအဝ့ၫနီၪစံၭဝ့ၫဒၪ, လၧၦ 33ဆံၫဂၩအကၠီၩ့နီၪ ယမိမၩဂၭဂီၩ့အ့ၬ.- ထီးယဟိဝၩ ချဲၩ့ဆၧလၧစအၫဘြဟၫ့ဂီၩ့တၭ, စဲၪ့ထၪ့ခွံၬဝ့ၫလီၫ. တၭစအၫဘြဟၫ့ထဲၩ့ထဲၩ့ဝ့ၫ လၧအလးလီၫ.

Currently Selected:

ၥ မိ 18: pwokyn2

Highlight

Copy