ၥ မိ 17
17
17
ဆၧကူၭတရံၭမွဲဆၧအုၩ့လၩ့အီၪလၩ့အဆၧနဲၪ့.
1လၧစအၫဘြၫ့ အၥၭၡါ ခွံၫဆံၫခွံၫနံၪ့နီၪ, ယဟိဝၩ နဲၪဖျီၪထၪ့အၥၭ လၧစအၫဘြၫ့အမ့ၬယၫတၭ, စံၭအ ဝ့ၫဆၧလၧယၧၩယီၩ, ယမွဲယွၩလၧအၥ့ၪဆၧလူၬတၭ, လ့ၩဆၧလၧယမ့ၬယၫတၭ, လၧၫ့ထၪ့ဎွ့ၩထၪ့ဆံၭ. 2ယမိအုၩ့လၩ့ဆၧလၧနၧၩတၭ, ယမိမၩအၪထၪ့နၧၩအၪ 3အၪလ့ၬလီၫ.- စအၫဘြၫ့ထွံၩလၩ့ၡီၫ့လၩ့အခိၪတၭ, 4ယွၩချဲၩ့ဆၧလၧအဝ့ၫနီၪ စံၭဝ့ၫဒၪ,- ယဝ့ၫဒၪယီၩ, ယိ ခွါ,ယဆၧအုၩ့လၩ့အီၪလၧနၧၩတၭ, နမိကဲၪထၪ့ၦအၪ 5ဆၨၩအဖါလီၫ.- တၭဆၧလကိၭလၧၩ့ဘၪနမံၩ့လၧ စအၫဘြၫ့တၭ, နမံၩ့မိမွဲစအၫဘြဟၫ့လီၫ. အဂဲးဘဲၫ 6ယီၩ,ယမိအီၪက့ၪနၧၩ လၧၦအၪဆၨၩအဖါလီၫ.- တၭ ယမိဒုၭၥၪထၪ့နၧၩ အၪအၪလ့ၬတၭ, ယမိဒုၭကဲၪထၪ့ နၧၩလၧၦအၪဆၨၩတၭ, စဎွၩလဖၪမိလၩ့ဆၨၩလၧ 7နၧၩလီၫ.- တၭယမိဒုၭအီၪဂုးအီၪခၧၫ့ ယဆၧအုၩ့လၩ့ လၧနၧၩ, ဒဲနချံၫနၥၪလၧနလးခဲၫ့ လၧအဆိၩအကၠၪ, လၧယမိကဲၪထၪ့နယွၩ, ဒဲနချံၫနၥၪ လၧနလးခဲၫ့ဆ့ 8လီၫ.- ယမိဖ့ၪလၫ့နၧၩ ဒဲနချံၫနၥၪလၧနလးခဲၫ့နီၪ လၧ ခးလဘံၪ့, လၧနအီၪမွံၩလၧအဖၧၩ့ယီၩ, ခးကၫနအၫ့ ထၧၫ့ဘံၪ့ယၫ လၧနဆၧန့ဘၪအဆိၩအကၠၪအဂးတၭ, ယမိကဲၪထၪ့အဝ့ၫၥံၪ အယွၩလီၫ.
9တၭယွၩစံၭစအၫဘြဟၫ့, နမိဘၪထီးန့ယဆၧအုၩ့ လၩ့နဝ့ၫဒၪ, ဒဲနချံၫနၥၪလၧနလးခဲၫ့နီၪ, လၧအဝ့ၫၥံၪအ 10ဆိၩလဖၪအကျၩလီၫ.- တၭယဆၧအုၩ့လၩ့လိၬလၧ ယၧၩ ဒဲနၧၩဒဲနချံၫနၥၪ လၧနလးခဲၫ့နီၪ, လၧနၥံၪဘၪ ထီးန့နီၪ, မွဲအယီၩ, ကယဲၦခွၫလၧနၥံၪအကျၩလဂၩ 11လါလါနီၪ, ဘၪဒိၭဆၧကူၭတရံၭလီၫ.- တၭနၥံၪဘၪ ကူၭတရံၭခွံၬနၥံၪအဆၧခိၪဖံၭလီၫ. တၭဆၧနီၪမိကဲၪ 12ထၪ့ယဆၧအုၩ့လၩ့ ဒဲနၥံၪအဆၧမၩနဲၪ့လီၫ.- တၭၦဎိၭ နံၩဖိၪလၧနၥံၪအကျၩ ကယဲၦခွၫလၧနၥံၪ အဆိၩလဖၪ အကျၩ, ၦလၧအအီၪဖျဲၪလၧဂံၪ့ဖၧၩ့မွဲဂ့ၩ, ၦလၧနၥံၪ ဎွ့ၩဝ့ၫလၧစ့ၩ ၦလခီၫဘၩ့မုးဖိၪလၧအလမွဲဘၪနၥံၪအ 13ချံၫအၥၪမွဲဂ့ၩ, မိဘၪဒိၭဆၧကူၭတရံၭလီၫ.- ၦလၧအ အီၪဖျဲၪလၧနဂံၪ့ဖၧၩ့, ဒဲၦလၧနဎွ့ၩဝ့ၫ လၧစ့ၩနီၪဘၪဒိၭ တၡါဆၧကူၭတရံၭလီၫ. တၭယဆၧအုၩ့လၩ့မိအီၪ လၧနၥံၪအယၪကျၩ လၧဆၧအုၩ့လၩ့အဆိၩအကၠၪအ 14ဂးလီၫ.- တၭၦခွၫလၧအလဒိၭဘၪ ဆၧကူၭတရံၭ, လၧ အဆၧခိၪဖံၭလဘၪဘၪ ဆၧကူၭတရံၭနီၪ, အဝ့ၫလဂၩ မိဘၪဆၧဒၪ့ထ့ၬခွံၬဝ့ၫ လၧၦအဆၨၩဒၪဝ့ၫလီၫ, မွဲအ လၨၪခၫ့ဖၬယဆၧအုၩ့လၩ့လီၫ.
15တၭယွၩစံၭစအၫဘြဟၫ့, နမၫနးစၫရ့ၫယီၩ, နဘၪ ကိၭအမံၩ့လၧနးစၫရ့ၫနီၪမွဲအ့ၬ, အ့ၪမွဲနးစၫရၫမိမွဲအ 16မံၩ့လီၫ.- တၭယမိဆိၪဂ့ၩဝ့ၫ ဒဲယမိဖ့ၪလၫ့နဖိၪခွၫလၧ အဝ့ၫဆ့လီၫ. ယမိဆိၪဂ့ၩဝ့ၫတၭ, အဝ့ၫမိကဲၪထၪ့ ၦဆၨၩလဖၪ, ဒဲၦဆၨၩအစဎွၩလဖၪ မိလၩ့ဆၨၩလၧ အဝ့ၫလီၫ.
17စအၫဘြဟၫ့ထွံၩလၩ့ၡီၫ့လၩ့အခိၪတၭ, နံထၪ့, စံၭ လၩ့အၥၭ, ၦလၧအၥၭၡါအနံၪ့လယၩလဂၩယီၩ, ဘၪ မိထၪ့ဖိၪဧၪ. တၭၦလၧအၥၭၡါအနံၪ့ခွံၫဆံၫ နးစၫရၫ 18လဂၩနီၪမိအီၪဖျဲၪန့ဆၧဆ့ဧၪ.- တၭစအၫဘြဟၫ့စံၭ ယွၩ,မွဲစအံၡမၫအ့လၭ မၧၫ့လါဝ့ၫလၧနမ့ၬယၫဆံၭ. 19ယွၩစံၭဝ့ၫဒၪ, နမၫနးစၫရၫ မိအီၪဖျဲၪန့အဖိၪခွၫတၡါ တၭ,နမိဘၪဖျိၬအမံၩ့ လၧစအံစၭလီၫ. တၭယမိဒုၭ အီၪဂုးအီၪခၧၫ့ ယဆၧအုၩ့လၩ့လိၬလၧအဝ့ၫဒၪ, ဒဲအ ချံၫအၥၪ လၧအလးခဲၫ့လဖၪနီၪ လၧဆၧအုၩ့လၩ့အ 20ဆိၩအကၠၪအဂးလီၫ.- ဆၧလၧစအံၡမၫအ့လၭအဂး နီၪ, ယနါဂၧၫ့ယူၭနလူယူၭ, ယိခွါ, ယဆိၪဂ့ၩအဝ့ၫ ယူၭ, ယမိဒုၭၥၪထၪ့အဝ့ၫတၭ, ယမိမၩအၪထၪ့အဝ့ၫ အၪအၪလ့ၬတၭ, အဝ့ၫမိထၪ့ဖိၪၦဒိၪလဆံၫနံၫဂၩတၭ, ယမိဒုၭကဲၪထၪ့အဝ့ၫဒၪ လၧၦလဆၨၩ ဖၭဒိၪလီၫ. 21အ့ၪမွဲယမိဒုၭအီၪဂုးအီၪခၧၫ့ ယဆၧအုၩ့လၩ့လိၬလၧ စအံစၭလၧနးစၫရၫ မိအီၪဖျဲၪန့နဂး ကဲခိၬလနံၪ့ထီးအ 22ထီယီၩဆၧၫ့ထဲၩ့အလးလီၫ.- ထီးအချဲၩ့ဆၧလၧအ ဝ့ၫနီၪဂီၩ့တၭ, ယွၩစဲၪ့ခွံၬ လၧစအၫဘြဟၫ့အအီၪနီၪ လီၫ.
23တၭမုလနံၩဎးနီၪ ဘဲၫယွၩမၪလူၬဝ့ၫအၥိၭနီၪ,စအၫ ဘြဟၫ့မၩန့အဖိၪခွၫ စအံၡမၫအ့လၭ, ဒဲကယဲၦအီၪ ဖျဲၪလၧအဂံၪ့ဖၧၩ့နီၪ, ဒဲကယဲၦလၧအဎွ့ၩဝ့ၫလၧစ့ၩ, ဒဲကယဲအခွၫ လၧစအၫဘြဟၫ့အဂံၪ့ဖိၪအကျၩ ကိၭ အဂၩဒ့ၭနီၪ, ကူၭတရံၭအဝ့ၫၥံၪ အဆၧခိၪဖံၭလီၫ. 24တၭစအၫဘြဟၫ့ ဒိၭဆၧကူၭတရံၭ အဆၧခိၪဖံၭနီၪ, 25အၥၭၡါအနံၪ့ခွံၫဆံၫခွံၫနံၪ့လီၫ.- တၭအဖိၪခွၫစအံ ၡမၫအ့လၭ လၧအဒိၭဆၧကူၭတရံၭ အဆၧခိၪဖံၭနီၪ, 26အၥၭၡါဝ့ၫလဆံၫၥၧၫ့နံၪ့လီၫ.- တၭစအၫဘြဟၫ့ဒဲအ ဖိၪခွၫစအံၡမၫအ့လၭ, ဒိၭဆၧကူၭတရံၭလနံၩဎးနီၪ 27လီၫ.- တၭကယဲအဂံၪ့ဖိၪ, ၦအီၪဖျဲၪလၧအဂံၪ့ဖၧၩ့, ဒဲၦလၧအဎွ့ၩဝ့ၫလၧစ့ၩ ၦလခီၫဘၩ့မုးဖိၪနီၪ, ဒိၭဆၧ ကူၭတရံၭ လၧအၥိၭထီးအလူၬလီၫ.
Currently Selected:
ၥ မိ 17: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
