ၥ မိ 16
16
16
နးဟၫဂၫဒဲစအံၡမၫအ့လၭ.
1စအၫဘြၫ့အမၫနးစၫရ့ၫ လအီၪဖျဲၪဘၪအဖိၪလၧအ ဂးနီၪ, အဝ့ၫအီၪ လၧအဎီးမုၪလဂၩ ၦအံဇံၭဖိၪတၭ, 2အမံၩ့မွဲနးဟၫဂၫလီၫ.- တၭနးစၫရ့ၫစံၭ စအၫဘြၫ့, ယိခွါ, ယဟိဝၩပဒၩ့ယၧၩဘဲၫၥိၭ ယထီးအီၪဖျဲၪဆၧ လဂ့ၩလီၫ. လ့ၩနုၬလၧယဎီးမုၪအအီၪနီၪဆံၭ, ဘၪ လဘၪယမိကဲၪထၪ့လၧအဝ့ၫဒၪလီၫ. တၭစအၫဘြၫ့ 3ခိၭနၪအမၫနးစၫရ့ၫအလူလီၫ.- လၧစအၫဘြၫ့အီၪဝ့ၫ လၧခးကၫနအၫ့အနံၪ့ လဆံၫအလးခဲၫ့နီၪ, စအၫဘြၫ့ အမၫနးစၫရ့ၫမၩန့ အဎီးမုၪၦအံဇံၭဖိၪ နးဟၫဂၫတၭ, 4ဖ့ၪလၫ့ဝ့ၫလၧအဝၩ စအၫဘြၫ့လၧအမၫအဂးလီၫ.-အ ဝ့ၫဒၪလ့ၩနုၬ လၧနးဟၫဂၫအအီၪတၭ, အဝ့ၫနီၪဒၧၩ့ ထၪ့ဝ့ၫလီၫ. ထီးအၥ့ၪယၫဝ့ၫ လၧအဒၧၩ့ထၪ့ဝ့ၫတၭ, 5အကဆါမုၪလၧအမ့ၬယၫနီၪ, မွဲဆၧနးမံၩ့အ့ၬ.- တၭ နးစၫရ့ၫစံၭစအၫဘြၫ့, ယမၩမၪဆၧယီၩအီၪလၧနလီၩ့ လီၫ. ယဖ့ၪလၫ့ယူၭယဎီးမုၪ လၧနၥၭနၫၡါတၭ, ထီး အၥ့ၪယၫဝ့ၫ လၧအဒၧၩ့ထၪ့တၭ, လၧအမ့ၬယၫနီၪ, ယမွဲလၧၩ့ဆၧနးမံၩ့အ့ၬ. တၭမွဲယဟိဝၩ စ့ၩရၫ့ဆၧ 6ဘၪဆဲၫ့လၧယၧၩဒဲနၧၩနီၪဆံၭ.- တၭစအၫဘြၫ့စံၭ နးစၫရ့ၫ,ယိခွါ, နဎီးမူၪအီၪလၧနစူၪဖၧၩ့လီၫ, မၩအ ဝ့ၫဒၪကယဲအဂ့ၩ လၧနမ့ၬၥၪဖၧၩ့ဆံၭ. နးစၫရ့ၫမၩနၭ မၩၡၪ့အဝ့ၫတၭ, အဝ့ၫဒၪ စဲၪ့ထၪ့ခွံၬ လၧအမ့ၬယၫ လီၫ.
7တၭယဟိဝၩအၥီၫ့လဂၩ ဒၪဘၪအဝ့ၫလၧထံၫထၪ့ ဖျိၭလဖၧၩ့အနဲၩ့ထံၭ, လၧမံၩ့လၬကျၩထီးထံၫထၪ့ဖျိၭ 8အနဲၩ့ထံၭအီၪဝ့ၫ လၧဒိၩ့ၡၧၫအဖၧၩ့ၥၭနီၪလီၫ.- တၭ စံၭဝ့ၫဒၪ, နးစၫရ့ၫအဎီးမုၪနးဟၫဂၫဧ့, မွဲနဂဲၫအထံၭ ခီၫခီၫလဲၪ, မွဲနမိလ့ၩခီၫခီၫလဲၪ, တၭအဝ့ၫစံၭဝ့ၫဒၪ, ယစဲၪ့ထၪ့ခွံၬ လၧယကဆါမုၪ နးစၫရ့ၫအမ့ၬယၫလီၫ. 9ယဟိဝၩအၥီၫ့လဂၩစံၭအဝ့ၫဒၪ, ထဲၩ့ထဲၩ့လၧနကဆါ မုၪအအီၪတၭ, ဆၪ့လၩ့နၥၭ လၧအစူၪဖၧၩ့ဆံၭ. 10ယဟိဝၩအၥီၫ့စံၭအဝ့ၫ, ယမိမၩအၪထၪ့နချံၫနၥၪအၪ အၪလ့ၬတၭ, လၧအအၪအကၠီၩ့နီၪ, ၦဝံထၪ့နၬထၪ့ၥ့ၪ 11အ့ၬ.- တၭယဟိဝၩအၥီၫ့စံၭအဝ့ၫ, ယိခွါ, နဒၧၩ့ထၪ့ ယူၭ, နမိအီၪဖျဲၪန့နဖိၪခွၫတၭ, နမိဘၪဖျိၬအမံၩ့လၧ စအံၡမၫအ့လၭလီၫ. အဂဲးဘဲၫယီၩ ယဟိဝၩနါဂၧၫ့ 12ယူၭနဆၧနၭဆၧၡၪ့ယူၭ.- အဝ့ၫနီၪမိကဲၪထၪ့ၦၡၩအ မံၩ့လဂၩတၭ, အစူၪမိထၫ့ဒုၪဒၩ ကယဲၦၡၩလဂၩလါ လါ, ဒဲကယဲၦၡၩလဂၩလါလါအစူၪ မိထၫ့ဒုၪဒၩအဝ့ၫ နီၪတၭ, မိအီၪဝ့ၫလၧအထၧၫ့ဖုဝဲ ထီးအလူၬအမ့ၬယၫ 13လီၫ.- တၭယဟိဝၩလၧအချဲၩ့ ဆၧလၧအဝ့ၫနီၪ, ၦမုၪ ကိၭဝ့ၫအမံၩ့, နဝ့ၫဒၪယီၩနမွဲဆၧအီၪဖျီၪ အယွၩလီၫ. အဂဲးဘဲၫယီၩ ၦမုၪစံၭဝ့ၫဒၪ, ယဒၪဆၧဖျီၪနီၪ, မွဲယယိ 14ထွ့ၫထီးယီၩဒၪလ့ၬဧၪ.- မၩအၥၭဘဲၫနီၪတၭ, ထံၫဖၧၩ့ လဖၧၩ့နီၪ, ၦကိၭဝ့ၫလၧဘံၫအၧၫလဟဲရီၫအံၫ ဎၦမၧၫ့ ဝ့ၫ, ၦလၧအဒၪဘၪယၧၩလဂၩအထံၫဖၧၩ့ၭ လီၫ. ယိ ခွါ, အီၪဝ့ၫလၧကၫဒ့ၭ, ဒဲဘံရ့ၭအဘိၩ့ဆၧၩ့နီၪလီၫ. 15နးဟၫဂၫအီၪဖျဲၪန့ အဖိၪခွၫ လၧစအၫဘြၫ့အဂးလီၫ. တၭစအၫဘြၫ့ကိၭအဖိၪခွၫ လၧနးဟၫဂၫအီၪဖျဲၪန့ဝ့ၫ 16အမံၩ့လၧစအံၡမၫအ့လၭလီၫ.- လၧနးဟၫဂၫအီၪဖျဲၪ န့စအံၡမၫအ့လၭ လၧစအၫဘြၫ့အဂးနီၪ စအၫဘြၫ့အ ၥၭၡါအနံၪ့ ဎိၭဆံၫဎူၫနံၪ့လီၫ.
Currently Selected:
ၥ မိ 16: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
