ၥ မိ 19
19
19
ဝံးစီဒၧၫ့မၩဆၧဒဲၩဘၭ.
1တၭမုမ့ၬဂၪလၩ့လခီၫနီၪ အၥီၫ့နံၫဂၩဂဲၫဝ့ၫလၧဒိၩ့ စီဒၧၫ့လီၫ. စလီၭဆၧၫ့နၩ့ဝ့ၫ လၧစီဒၧၫ့ အတရၫ့ဖၧၩ့ တၭ,စလီၭဒၪဘၪဝ့ၫနီၪ, ဂဲထုၪ့ဘဲၫၥိၭအမိအၪ့ဂၬအ ဝ့ၫၥံၪအဂဲးတၭ, ထွံၩလၩ့ချႃၬလၩ့အမ့ၬ လၧဂၪ့ခိၪချိၫ့ 2တၭ,-စံၭဝ့ၫဒၪ, ယိခွါ,ယကဆါၥံၪဧ့, ဂဲၫထဲၩ့နုၬလၧ နၥံၪအဎီးအၡၩအဂံၪ့ဖၧၩ့တၭ, အီၪၥၫ့နၩချီၩ့တၭ, ၥူၫ ဝၭခွံၬနၥံၪအခၪ့ဘီၪး နၥံၪမိဂဲထုၪ့ဂီၩဂီၩတၭ, လ့ၩ ဆၧလၧယၫလီၫ. တၭအဝ့ၫၥံၪစံၭဝ့ၫဒၪ, မွဲအ့ၬ, မွဲပမိ 3အီၪလၧဖၧၩ့ၥၭၥၫ့နၩချီၩ့လီၫ.- အဝ့ၫဒၪယၭဝ့ၫဆီၪ့ ဆီၪ့လ့ၬတၭ, အဝ့ၫၥံၪဂဲၫထဲၩ့ဝ့ၫ လၧအအီၪနီၪ, လ့ၩ နုၬလၧအဂံၪ့ဖၧၩ့လီၫ. အဝ့ၫမၩဆၧအၪ့ဆၧအီၩ လၧ အဝ့ၫၥံၪအဂးတၭ, ၥၪမံၫ့ကိၪလၧအလဘၪဘၪလၧမံၪ တၭအဝ့ၫၥံၪအၪ့ဝ့ၫဒၪလီၫ.
4မွဲလါနၫ့တၭ, ဘိၩ့အဝ့ၫၥံၪလချႃၭမံၫနၩ့ဒံၭဘၪနီၪ, ၦဒိၩ့ဖိၪ, ၦစီဒၧၫ့ဖိၪလၧအၥၭဘၪ့မွဲဂ့ၩ, အၥၭၡါမွဲဂ့ၩ, ကယဲၦခမျၧး လၧလခီၫလါလါနီၪ, ဂဲၫအီၪဝၬဖီၩ့ဂံၪ့ 5လဖျိၪ့နီၪလီၫ.- အဝ့ၫၥံၪကိၭထၪ့စလီၭတၭ, စံၭအဝ့ၫ, ၦလၧအဂဲၫ လၧနအီၪလဂၪယီၩ, မွဲအအီၪခီၫခီၫလဲၪ, ဂဲၫဆိၬထၪ့န့အဝ့ၫၥံၪ လၧပအီၪ, ဘဲၫၥိၭပမိၥ့ၪယၫအ 6ဝ့ၫၥံၪအၥိၭနီၪဆံၭ.- စလီၭလ့ၩထၪ့လၧဖၧၩ့ၥၭလၧ အဝ့ၫၥံၪအအီၪတၭ, ကၭဘံၭထၬတရၫ့ လၧအလးခဲၫ့ 7လီၫ.- တၭစံၭဝ့ၫဒၪ, ယထၧၫ့ဖုဝဲၥံၪဧ့, မွဲနၥံၪထီးမၩ 8ဆၧအၧၩ့ဆၧၥၫ့လဂ့ၩ,- ယိခွါ, ယအီၪလၧယဖိၪမုၪ နံၫဂၩလၧအလၥ့ၪယၫဘၪၦခွၫတၭ, ဖ့ၪလၫ့ယဂဲၫဆိၬ အဝ့ၫၥံၪလၧနၥံၪအအီၪတၭ, မၩထီးဒၪအဂ့ၩ လၧနၥံၪ အမ့ၬၥၪဖၧၩ့ဆံၭ. အ့ၪမွဲၦလဖၪယီၩ, မွဲနၥံၪထီးမၩ လၧဆၧနးမံၩ့လဂ့ၩ, မွဲအဂဲၫဝ့ၫလၧယဂံၪ့ခိၪအကဒုၩ 9ဖၧၩ့လၧဆၧနီၪလမံၩ့အဂဲးလီၫ.- အဝ့ၫၥံၪစံၭဝ့ၫဒၪ, ပျဲၩ ပၧၩတၭ, စံၭဝ့ၫဒၪ, အဝ့ၫလဂၩယီၩ, ဂဲၫအီၪမွံၩတၭ, မိစ့ၩရၫ့တၡါဆၧလီၫ. ဘိၩ့နဲၪ့ယီၩ ပမိမၩနၧၩနၭနဲၪ့ အဝ့ၫၥံၪနီၪဒံၭလီၫ. တၭဆၪ့မၬၦလဂၩနီၪ စလီၭလဂၩ 10တၭ, ဘူၭလၧအမိမၩထ့ဖၭတရၫ့လီၫ.- ၦၡၩနီၪယူၬ ထၪ့အစူၪတၭ, ကၠူၭန့စလီၭလၧအအီၪ လၧဂံၪ့ဖၧၩ့ 11တၭ, ကၭဘံၭထၬတရၫ့နီၪလီၫ.- တၭမၩဘျီၪၦလၧ အအီၪလၧတရၫ့ထံၭအမ့ၬၥၪ, ၦလၧအဆံၭလဖၪ, ဒဲၦ လၧအဒိၪလဖၪဆ့လီၫ. တၭအဝ့ၫၥံၪမၩပွံၭအၥၭဘဲၫ ၥိၭအမိဒၪန့ဘၪတရၫ့နီၪလီၫ.
စလီၭစဲၪ့ထၪ့ခွံၬလၧဝံးစီဒၧၫ့.
12တၭၦလဖၪနီၪစံၭစလီၭ ထီးယီၩၦဘၪဆဲၫ့လၧနၧၩ မွဲအအီၪဒံၭၦလဖၪလဲၪ. နမၬၥံၪ, ဒဲနဖိၪခွၫၥံၪ, ဒဲနဖိၪ မုၪၥံၪနီၪ, ဒဲကယဲနဆၧအီၪဝ့ၫ လၧဒိၩ့ဖၧၩ့ လမံၩ့လါ 13လါနီၪ,ဒုၭစဲၪ့ထၪ့ခွံၬ လၧဆၧအလးယီၩဆံၭ.- အဂဲး ဘဲၫယီၩ ပမိမၩဂၭဂီၩ့ခွံၬ ဆၧအလးထီးယီၩလီၫ. အ ဂဲးဘဲၫယီၩ အဝ့ၫၥံၪအဆၧဂၪ့ကိၭဒိၪ ထၪ့ဘၭလၧယ ဟိဝၩအမ့ၬယၫတၭ, ယဟိဝၩအၪ့မၧၫ့ပဂဲၫမၩဂၭဂီၩ့ 14ခွံၬဝ့ၫဒၪလီၫ.- စလီၭစဲၪ့ထၪ့ဝ့ၫတၭ, ချဲၩ့ဆၧလၧအမၬ လဖၪလၧအန့မၫအဖိၪမုၪၥံၪတၭ, စံၭဝ့ၫဒၪ, ဂဲထုၪ့စဲၪ့ ထၪ့ခွံၬလၧဆၧအလးယီၩဘီၪး အဂဲးဘဲၫယီၩ, ယဟိ ဝၩမိမၩဂၭဂီၩ့ခွံၬ ဒိၩ့လဖျိၪ့ယီၩလီၫ. တၭလၧအမၬ ၥံၪအမ့ၬယၫနီၪ အဝ့ၫဒၪမၩအၥၭ ဘဲၫၦလၧအချဲၩ့လိၬ ကွ့ၩအၥိၭနီၪလီၫ.
15ထီးမုဆဲၪ့ထၪ့တၭ, အၥီၫ့ၥံၪအၪ့မၧၫ့စလီၭလ့ၩဆၧ ချဲၫ့ချဲၫ့တၭ, စံၭဝ့ၫဒၪ, ဂဲထုၪ့ဘီၪ, မၩန့နမၫ, ဒဲနဖိၪမုၪ နံၫဂၩလၧအအီၪထီးယီၩ, ဘဲၫၥိၭနထီးဘၪဆၧဂၭဂီၩ့ 16လၧဒိၩ့ယီၩအဆၧအၧၩ့ဆၧၥၫ့အဖၧၩ့လဂ့ၩ, ဧီၪ.- အ ဝ့ၫဒၪအီၪခိၭဒၪခလူၬတၭး လၧယဟိဝၩအဆၧယၫ့ၥၭ အကၠီၩ့, ၦလဖၪနီၪဖီၪ့ထၬအစူၪ, ဒဲအမၫအစူၪ, ဒဲအဖိၪ မုၪနံၫဂၩအစူၪ, ၥိၫ့ထၪ့ခွံၬဝ့ၫလၧဒိၩ့တၭ, အီၪက့ၪဝ့ၫ 17လၧခီၫ့နီၪလီၫ.- ဆၧမၩအၥၭထီးအဝ့ၫၥံၪဒုၭစဲၪ့ထၪ့ ဝ့ၫလၧခီၫ့ဂီၩ့တၭ, အဝ့ၫလဂၩ စံၭဝ့ၫဒၪ, စဲၪ့ဖီၩ့ဖျ့ၭ လၧနၥၭမၧၫ့အဂးဆံၭး ထီးယိထဲၩ့လၧနလးခဲၫ့ဒဲအီၪ လၧဆၧပျၩ့ဖၧၩ့ယီၩလဂ့ၩး စဲၪ့ဖီၩ့ဖျ့ၭခွံၬထီၩ့လၧခိၪ လီၩ့နီၪဆံၭး ဘၪလဘၪနမိထီၩ့ဘၪခိၬ လၧဆၧဂၭဂီၩ့ 18ဂၭစၪဖီၩၬ- တၭစလီၭစံၭအဝ့ၫၥံၪး ယကဆါဧ့, မွဲဆၧ 19ထီးမၩအၥၭဘဲၫနီၪအၥိၭလဂ့ၩ.- ယိခွါ, နဎီးနၡၩန့ ဘၪအခိးအတၩ လၧနမ့ၬယၫဒဲနဒုၭမၧၫ့ဒံၭယၥၭတၭ, နမၩဒိၪထၪ့နခိးနတၩ လၧနမၩယၧၩလီၫ. ယစဲၪ့ဖီၩ့ ဖျ့ၭခွံၬထီၩ့လၧခိၪလီၩ့နီၪၥ့ၪအ့ၬ, ဆၧအၧၩ့ဆၧၥၫ့လ 20မံၩ့မံၩ့နီၪ,မိဘၪဘၪခိၬယၧၩတၭ ယမိၥံၫလီၫ.- ယိခွါ, ဒိၩ့လဖျိၪ့အီၪဘူၭ လၧယမိစဲၪ့လၧအအီၪတၭ, မွဲအ ဆံၭလဖျိၪ့လီၫ. ဒုၭစဲၪ့ဖီၩ့ဖျ့ၭခွံၬလါယၧၩလၧနီၪ ဆံၭ. တၭမွဲအဆံၭလဖျိၪ့လမွဲဘၪဧၪ, တၭယၥၭမိမၧၫ့ 21ဒံၭလီၫ.- အဝ့ၫဒၪစံၭဝ့ၫ, ယိခွါ, ယထိးဆၧၫ့နၧၩလၧ ဆၧလမံၩ့ယီၩအဂဲးအကၠီၪ့ဆ့ယူၭတၭ, ယလမၩဂၭ 22ဂီၩ့ဘၪဒိၩ့လဖျိၪ့ လၧနချဲၩ့ဆၧလၧအကၠီၩ့နီၪလီၫ.- စဲၪ့ ဖီၩ့ဖျ့ၭခွံၬချဲၫ့ချဲၫ့ထီၩ့လၧနီၪဆံၭး အဂဲးဘဲၫယီၩနလ ချႃၭလ့ၩထီၩ့ဒံၭဘၪထီးနီၪတၭ, ယမၩၥ့ၪနးမံၩ့အ့ၬး မၩအၥၭဘဲၫနီၪတၭ, ဒိၩ့လဖျိၪ့နီၪ ဘၪဆၧကိၭအမံၩ့ 23လၧဇိအၫလီၫ.- မုထၪ့လၧဂၪ့ခိၪချိၫ့တၭ, စလီၭလ့ၩနုၬ လၧဒိၩ့ဇိအၫအဖၧၩ့နီၪလီၫ.
ဝံးစီဒၧၫ့ဒဲဂမီရၫအဆၧဂၭဂီၩ့ဂၭစၪအဂဲး.
24ထီးနီၪလဖၧၫ့ ယဟိဝၩအၪ့မၧၫ့ဆၧဂဲၫဆၧၩ့လၩ့လၧ ကးဒဲမ့ၪတၭ, ဂဲၫလၩ့လၧယဟိဝၩအအီၪ လၧမူၭခိၪ 25နီၪ,ဘၪလၧဒိၩ့စီဒၧၫ့, ဒဲဂမီရၫအဖၫ့ခိၪလီၫ.- တၭအ ဝ့ၫမၩဂၭဂီၩ့ခွံၬဒိၩ့လဖၪနီၪ, ဒဲဆၧပျၩ့ထၧၫ့ဘံၪ့ယၫ, ဒဲကယဲၦဒိၩ့ဖိၪလဖၪ, ဒဲဆၧမဲၪထၪ့ လၧဂၪ့ခိၪချိၫ့နီၪ 26လီၫ.- အ့ၪမွဲအမၫလဂၩ ယိထဲၩ့အလးခဲၫ့တၭ, ကဲၪထၪ့ 27ဝ့ၫလၧထံၫလၪအထုၪ့လီၫ.- စအၫဘြဟၫ့ဂဲထုၪ့ထၪ့ ဂီၩဂီၩတၭ, လ့ၩဝ့ၫလၧအလး လၧအအီၪဆၧၫ့ထုၪ့ 28လၧယဟိဝၩအမ့ၬယၫ,- တၭယိဝ့ၫလၧစီဒၧၫ့ဒဲဂမီရၫ အအီၪဒဲလၧဆၧပျၩ့ဖၧၩ့ အဂၪ့ခိၪထၧၫ့ဘံၪ့ယၫအအီၪ, ဒဲယိထၪ့ဝ့ၫတၭ, ယိခွါ, ဂၪ့ခိၪအမ့ၪခူၪထၪ့ဝ့ၫဘဲၫဖံၫ့ ချၪအမ့ၪခူၪအၥိၭနီၪလီၫ.
29ဆၧမၩအၥၭထီးယွၩမၩဂၭဂီၩ့ ဆၧပျၩ့အဒိၩ့လဖၪ နီၪ, ယွၩနၪ့ထၪ့ထဲၩ့စအၫဘြဟၫ့တၭ, ထီးအမၩဂၭ ဂီၩ့ဒိၩ့လၧစလီၭအီၪဝ့ၫ လၧအဖၧၩ့လဖၪနီၪ, အဝ့ၫဒၪ အၪ့မၧၫ့စလီၭစဲၪ့ထၪ့ခွံၬ လၧဆၧဂၭဂီၩ့ အဖၧၩ့လီၫ.
ၦမိအၭဖိၪဒဲၦအၫမၧၫ့ဖိၪ အခၪ့ထံၭခၪ့ဎၧၩ့.
30စလီၭစဲၪ့ထၪ့ခွံၬလၧဇိအၫတၭ, အီၪဝ့ၫလၧခိၪလီၩ့ ထိၩ့ချိၬ, ဒဲအဖိၪမုၪနံၫဂၩ အီၪလၧအၥိၭလီၫ အဂဲး ဘဲၫယီၩအီၪဝ့ၫ လၧဇိအၫအဖၧၩ့နီၪ ၥၭမဲၪဝ့ၫဒၪလီၫ. အဆၧအီၪဝ့ၫ လၧအဆၧအိၩဖၧၩ့တၭ အဝ့ၫနီၪဒဲအဖိၪ 31မုၪၥံၪနံၫဂၩအီၪ လၧအၥိၭလီၫ.- အဝဲၡါလဂၩစံၭအ ဖု,ပဖါအၥၭၡါယူၭတၭ, ၦလၧအမိဂဲၫနုၬ လၧပအီၪ ဘဲၫၦဂၪ့ခိၪဖိၪအထူၫအရူၫအၥိၭနီၪ အီၪဝ့ၫလၧဂၪ့ခိၪ 32ချိၫ့နးဂၩအ့ၬ.- ဂဲၫဘီၪ, အၪ့မၧၫ့ၡီၩ့ပဖါ အီၩစဘံၭထံၫ တၭ, ပမိမံၫဎုၬဝ့ၫ ဘဲၫၥိၭပမိဒုၭမၧၫ့ထၪ့ဆၧ အချံၫအ 33ၥၪလၧပဖါနီၪဆံၭ.- ဆၧလၧမုနၩနီၪ အဝ့ၫၥံၪဒုၭအီၩ အဖါလၧစဘံၭထံၫတၭ, အဝဲၡါလဂၩ လ့ၩနုၬမံၫဎုၬ ဝ့ၫလၧအဖါလီၫ. တၭမံၫနၩ့မွဲဂ့ၩ, ဂဲထုၪ့မွဲဂ့ၩ, အဖါ 34လၥ့ၪယၫဘၪဝ့ၫလီၫ.- တၭဆၧမၩအၥၭလၧမုဆဲၪ့ထၪ့ လနံၩနီၪ, အဝဲစံၭအဖု, ယိခွါ, လၧမုဂၪလနၩနီၪယမံၫ ဎုၬ လၧယဖါလီၫ. တၭမွဲပအၪ့မၧၫ့ၡီၩ့ အအီၩဒီၭစ ဘံၭထံၫကဲမုနၩယီၩတၭ, လ့ၩနုၬမံၫဎုၬနဝ့ၫ ဘဲၫၥိၭပ 35မိဒုၭမၧၫ့ထၪ့ ဆၧအချံၫအၥၪ လၧပဖါနီၪလီၫ.- အဝ့ၫ ၥံၪဒုၭအီၩအဖါလၧစဘံၭထံၫ လၧမုလနၩနီၪတၭ, အဖု လဂၩလ့ၩမံၫဎုၬဝ့ၫ လၧအဝ့ၫဒၪတၭ, မံၫနၩ့မွဲဂ့ၩ, ဂဲ 36ထုၪ့မွဲဂ့ၩ, အဖါလၥ့ၪယၫဘၪဝ့ၫလီၫ.- တၭစလီၭအ 37ဖိၪမုၪနံၫဂၩနီၪ ဒၧၩ့ထၪ့ဝ့ၫလၧအဖါလီၫ.- အဝဲၡါလဂၩ အီၪဖျဲၪန့အဖိၪခွၫတၭ, ကိၭဝ့ၫအမံၩ့ လၧစမိအၭလီၫ. တၭအဝ့ၫနီၪ မွဲၦမိအၭဖိၪအဖါ ခီးဘိၩ့နဲၪ့ယီၩလီၫ. 38တၭအဖုလဂၩအီၪဖျဲၪန့အဖိၪခွၫဆ့တၭ, ကိၭဝ့ၫအမံၩ့ လၧစဘံၪ့အၫမဲၫလီၫ. တၭအဝ့ၫနီၪ မွဲၦအၫမၧၫ့ဖိၪအဖါ ခီးဘိၩ့နဲၪ့ယီၩလီၫ.
Currently Selected:
ၥ မိ 19: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
