၂ မိ 18

စယံၭၥြိၫ လ့ၩအီၪၡီၩ့ စမိစ့ၭ.

1တၭထီးခးမံဒအၫ့ အၡၩလုဆၧ, စမိစ့ၭ အမံၩ့ၡါ စယံၭၥြိၫလဂၩနီၪ, နါဂၧၫ့ကယဲဆၧလၧ ယွၩမၩဆၧ လၧစမိစ့ၭအဂး, ဒဲလၧအၡၩခမျၧး အံၫစရ့လၭအဂး, လၧယဟိဝၩ ဒုၭစဲၪ့ထၪ့ခွံၬ အံၫစရ့လၭလၧအံဇံၭ အ 2ဖၧၩ့နီၪ,- တၭစမိစ့ၭအမံၩ့ၡါ စယံၭၥြိၫမၩန့စမိစ့ၭအ မၫ, နးဇံၭပိရၫ, လၧအအၪ့မၧၫ့ဝ့ၫ အထဲၩ့အလးခဲၫ့ 3နီၪ,- ဒဲအဖိၪခွၫနံၫဂၩလီၫ. အလဂၩအမံၩ့မွဲ စဂၧၡၧၫ့ လီၫ. အဂဲးဘဲၫယီၩစံၭဝ့ၫဒၪ, ယမွဲယူၭၦမွံၩ လၧၦလ 4ခီၫဘၩ့မုးအဖၧၩ့လီၫ.- တၭအလဂၩဒၪအမံၩ့မွဲ စအံၫ လအ့ဇၫလီၫ အဂဲးဘဲၫယီၩ စံၭဝ့ၫဒၪ, ယဖါအယွၩ မွဲဆၧမၩဘိၭမၩဆၧၩ့ယၧၩ, ဒဲမၩဖီၩ့မၩဖျ့ၭယၧၩလၧ 5ဖၫရိၫအဖၩ့အနၭလီၫ.- တၭစမိစ့ၭအမံၩ့ၡါ စယံၭၥြိၫ နီၪ, ဂဲၫန့စမိစ့ၭအဖိၪခွၫၥံၪ, ဒဲအမၫလၧစမိစ့ၭအအီၪ လၧၡါမုနၧၫ့ဖၫ, ထီးအၥုၪ့တဲၩ လၧယွၩအခိၪလီၩ့အ 6လးနီၪလီၫ.- တၭအဝ့ၫဒၪစံၭစမိစ့ၭ, ယဝ့ၫဒၪနမံၩ့ၡါ စယံၭၥြိၫယီၩ, ယဂဲၫန့နမၫ ဒဲနဖိၪခွၫနံၫဂၩ လၧနအီၪ 7လီၫ.- စမိစ့ၭလ့ၩထၪ့အၪ့ဂၬ အမံၩ့ၡါတၭ, ထွံၩလၩ့ လၧအမ့ၬယၫတၭ, အဲၪဂါဝ့ၫ အၪ့စၪ့လိၬအၥၭလဂၩ ဒဲလဂၩ, လၧအဆၧမုၬ အဂဲးအကၠီၪ့တၭ, ဂဲၫထဲၩ့နုၬ ထဲၩ့ဝ့ၫလၧတဲၩဖၧၩ့လီၫ.

8တၭစမိစ့ၭ လီၩဘၪအမံၩ့ၡါ လၧကယဲဆၧလၧယ ဟိဝၩမၩဘၪဖၫရိၫ, ဒဲၦအံဇံၭဖိၪ လၧအံၫစရ့လၭအ ကၠီၩ့,ကယဲဆၧၡၪ့ဆၧနၭ လၧအဘၪအဝ့ၫၥံၪ လၧဖၧၩ့ 9ၥၭ,ဒဲယဟိဝၩ မၩဖီၩ့ဖျ့ၭဝ့ၫနီၪလီၫ.- စယံၭၥြိၫအၥုၪ့ ဎွံၫအၥၭယီၫ လၧကယဲဆၧဂ့ၩအကၠီၩ့ လၧယဟိဝၩဒုၭ ဘၪအံၫစရ့လၭ လၧအမၩဖီၩ့မၩဖျ့ၭအဝ့ၫၥံၪ လၧၦအံ 10ဇံၭဖိၪအစူၪဖၧၩ့လီၫ.- တၭစယံၭၥြိၫစံၭဝ့ၫဒၪ, ယဟိ ဝၩ,လၧအမၩဖီၩ့မၩဖျ့ၭနၥံၪ လၧၦအံဇံၭဖိၪ အစူၪ ဖၧၩ့,ဒဲလၧဖၫရိၫအစူၪဖၧၩ့, လၧအမၩဖီၩ့မၩဖျ့ၭၦခ မျၧးလၧၦအံဇံၭဖိၪ အစူၪဖၫ့လၬ လဂၩနီၪ, မွဲအဘၪ 11ဆၧဆိၪဂ့ၩဆံၭ.- ဘိၩ့နဲၪ့ယီၩ, ယၥ့ၪယၫ လၧယဟိဝၩ ဒိၪနဲၪ့ ကယဲယွၩ ထီးအလူၬဒံၭလီၫ. မွဲအဂဲးဘဲၫၥ့ၪ လဲၪမွဲဆၧလၧ အဝ့ၫၥံၪအီၪက့ၪထၪ့ထီၫ အၥၭတၭ,အ 12ဝ့ၫဒၪအီၪလၧအဖၫ့ခိၪနီၪ အဂဲးလီၫ.- တၭစမိစ့ၭအမံၩ့ ၡါစယံၭၥြိၫ အၪ့မၩန့ဆၧလုလဖၪ လၧယွၩအဂးတၭ, စအၫရၧၫ့ဂဲၫ, ဒဲအံၫစရ့လၭအၥုၪ့က့ၭၥၭၡါ ထီးအ လူၬဘဲၫအမိအၪ့ကိၪ လၧစမိစ့ၭအမံၩ့ၡါ အၥိၭ လၧ ယွၩအမ့ၬယၫလီၫ.

ဆၧအီၪက့ၪထၪ့ ၦစ့ၩရၫ့ဆၧလဖၪ.

(၅ မိ ၥ:၉-ၥ၈)

13ဆၧမၩအၥၭ လၧဆၧဖၩ့ထၪ့လနံၩနီၪ, စမိစ့ၭဆၧၫ့ နၩ့စ့ၩရၫ့ ၦခမျၧးတၭ, ၦခမျၧးဆၧၫ့ထုၪ့ လၧစမိစ့ၭ 14အနဲၩ့ထံၭ လၧမုဂီၩထီၩ့လၩ့လၧမုဂၪလၩ့လီၫ.- ထီး စမိစ့ၭအမံၩ့ၡါ ဒၪဘၪလၧကယဲဆၧလၧ အမၩၦခမျၧး ထီးအလူၬတၭ, စံၭဝ့ၫဒၪ, နမၩဆၧယီၩ, လၧၦခမျၧး ဘဲၫၥ့ၪလဲၪ, နဆၧၫ့နၩ့လဂၩဎးတၭ, ၦခမျၧးဆၧၫ့ထုၪ့ လၧနနဲၩ့ထံၭ လၧဆၧဖၩ့ထၪ့ထီၩ့လၩ့လၧ မုလၩ့နုၬနီၪ 15မွဲဘၪလဲၪ.- တၭစမိစ့ၭစံၭအမံၩ့ၡါ, ၦခမျၧးဂဲၫလၧ 16ယအီၪဘဲၫၥိၭ အမိအၪ့စၪ့ဆၧ လၧယွၩအဂဲးလီၫ.- ထီး အချဲၩ့ခွးအလးအ့ၪအီၪတၭ အဝ့ၫၥံၪဂဲၫ လၧယအီၪ တၭ,ယစ့ၩရၫ့ဆၧ လဂၩဒဲလဂၩ အဘိၩ့ဆၧၩ့နီၪ, ဒဲယ ဒုၭၥ့ၪယၫယွၩအဆၧမၪလူၬ ဒဲအဆၧၥီၪ့ဆၧၥၫ့လီၫ.

17တၭစမိစ့ၭအမံၩ့ၡါ စံၭအဝ့ၫဒၪ, ဆၧလၧနမၩဆၧ 18နီၪဂ့ၩအ့ၬ.- နဝ့ၫဒၪမွဲဂ့ၩ, ၦခမျၧးမွဲဂ့ၩ,မိလၩ့ပွံၭလၩ့ ထၩ့ဝ့ၫတၡါလီၫ. အဂဲးဘဲၫယီၩ ဆၧလမံၩ့ယီၩ, ဎၧၫ့ 19လၨၪလၧနဂးလီၫ. နမၩလဂၩဎးကဲၪအ့ၬ.- ဘိၩ့နဲၪ့ ယီၩ,ခိၭနၪယလူနးထံၪဘီၪ. ယမိဖ့ၪလၫ့ဆၧကိၪ့လၧ နၧၩတၭ, ယွၩမိအီၪလၧနၥိၭလီၫ. အီၪနဝ့ၫလၧၦခမျၧး အဂးလၧယွၩ အမ့ၬယၫတၭ, ဒုၭဂဲၫထၪ့ အဆၧလၧ 20ယွၩအအီၪနီၪဆံၭ.- တၭနဘၪၥီၪ့လိၪ အဝ့ၫၥံၪ လၧ ဆၧမၪလူၬ, ဒဲဆၧၥီၪ့ဆၧၥၫ့တၭ, နဘၪဒုၭၥ့ၪယၫအ ဝ့ၫၥံၪလၧဖၧၩ့ ၥၭလၧအဘၪလီၩ့ဖိၬဝ့ၫနီၪ, ဒဲဆၧမၩ 21လၧအဘၪမၩနီၪလီၫ.- တၭနဘၪအၪ့ဎၬန့ ၦလၧအ မၩဆၧၥ့ၪ, လၧအၥၭမဲၪယွၩ, ၦအမွဲအတီၩ, ၦလၧအ ၥၭဂဲၫ့ဆၧလီၫ့ကီၩ့ ၥၭကွံၩ ဆၧလဖၪ လၧၦခမျၧးအ ကျၩလီၫ. တၭနဘၪအီၪက့ၪအဝ့ၫၥံၪ လၧၦလထီၫ့အခိၪး ၦလယၩအခိၪး ၦယဲဆံၫအခိၪး ၦလဆံၫအခိၪး လၧ 22အဖၫ့ခိၪလီၫ.- တၭမွဲအဝ့ၫၥံၪမိစ့ၩရၫ့ ၦခမျၧးကိၭအ ဆၧၫ့အထီဒ့ၭဆံၭ. တၭဆၧမိမၩအၥၭ လၧအမိဘၪ ဒုၭဂဲၫထၪ့ဆၧအဒိၪ ကိၭအမံၩ့ဒ့ၭလၧနအီၪ, အ့ၪမွဲဆၧ အဆံၭလဖၪ ကိၭအမံၩ့ဒ့ၭနီၪ, အဝ့ၫၥံၪမိစ့ၩရၫ့ဝ့ၫ လီၫ.မိယီၫဒံၭလၧနဂးတၭ, ၦမိထိးဎုၬဆၧ လၧနၥိၭ 23လီၫ.- နအ့ၪမၩဆၧယီၩ, ဒဲယွၩမၪလူၬဝ့ၫတၭ, နထိးမိ ကဲၪတၭ, ၦခမျၧးထီးအလူၬယီၩ, မိထဲၩ့ထဲၩ့လၧအ လးလဖၪ မုၬမုၬဆ့လီၫ.

24တၭစမိစ့ၭခိၭနၪအမံၩ့ၡါအလူတၭ, မၩကယဲဆၧ 25လၧအစံၭဝ့ၫနီၪလီၫ.- တၭစမိစ့ၭအၪ့ရွံန့ ၦလၧအမၩ ဆၧၥ့ၪလၧအံၫစရ့လၭဖိၪ ထီးအလူၬအကျၩတၭ, အီၪ က့ၪဝ့ၫလၧၦလထီၫ့အခိၪး ၦလယၩအခိၪး ၦယဲဆံၫအ 26ခိၪး ၦလဆံၫအခိၪး လၧၦခမျၧးအဖၫ့ခိၪလီၫ.- တၭအ ဝ့ၫၥံၪစ့ၩရၫ့ ၦခမျၧးကိၭအဆၧၫ့အထီဒ့ၭတၭ, ဒုၭဂဲၫ ထၪ့ဆၧအကၪလမံၩ့ လါလါနီၪ လၧစမိစ့ၭအအီၪ,အ့ၪ မွဲဆၧအဆံၭလမံၩ့လါလါနီၪ အဝ့ၫ ၥံၪ စ့ၩ ရၫ့ ဒၪ ဝ့ၫ 27လီၫ.- စမိစ့ၭဖျါခွံၬအမံၩ့ၡါတၭ, အဝ့ၫနီၪထဲၩ့ထဲၩ့လၧ အခးဒၪဝ့ၫနီၪလီၫ.

Currently Selected:

၂ မိ 18: pwokyn2

Highlight

Copy