၂ မိ 19
19
19
ၦအံၫစရ လၭဖိၪလဖၪ ထီးခိၪလီၩ့စဲနၫ.
1ၦအံၫစရ့လၭဖိၪစဲၪ့ထၪ့ခွံၬယူၭ လၧခးအံဇံၭအဖၧၩ့ အလးခဲၫ့တၭ, လၩၥၧၫ့ဘံၪ့လဘံၪ့ ဎွ့ၩထၪ့ဝ့ၫလနံၩ 2နီၪ,အဝ့ၫၥံၪ လ့ၩထီၩ့လၧၡါမုနၧၫ့ဖၫ စဲနၫနီၪလီၫ. အ ဝ့ၫၥံၪစဲၪ့ထၪ့ခွံၬယူၭ လၧရဖံဒံၫ့တၭ, ဂဲၫထီၩ့ယူၭလၧ စဲနၫအမံၩ့လၬကျၩနီၪ, ဒဲအီၪတဲၩ့ဝဲၩဆၧလၧၡါမုနၧၫ့ ဖၫတၭ,အံၫစရ့လၭဖိၪၥံၪ ၥုၪ့အတဲၩထီးနီၪ လၧခိၪလီၩ့ 3လဖျိၪ့နီၪ အမ့ၬယၫလီၫ.- စမိစ့ၭလ့ၩထၪ့လၧယွၩအ အီၪတၭ, ယဟိဝၩကိၭထၪ့ဝ့ၫ လၧခိၪလီၩ့အခိၪနီၪတၭ, စံၭဝ့ၫဒၪ, နဘၪလီၩစယၫကူၭအဂံၪ့ဖိၪတၭ, ဒုၭနဲၪၦ 4အံၫစရ့လၭဖိၪဘဲၫယီၩ,- ဆၧမၩဘၪၦအံဇံၭဖိၪဘဲၫ အံၩဘဲၫအိၩနီၪ, နၥံၪဒၪဘၪယူၭ, ဒဲလၧယဆိၬထၪ့နၥံၪ လၧလံၬကျီၫ့ကျီၫ့အဒံၭအဖၫ့ခိၪတၭ, ဒုၭဂဲၫထၪ့နၥံၪလၧ 5ယအီၪဒၪယဝ့ၫယီၩလီၫ.- ဘိၩ့နဲၪ့ယီၩနၥံၪအ့ၪခိၭနၪ တၡါယလူ, ဒဲထီးန့ယဆၧအုၩ့လၩ့တၭ, နၥံၪမိကဲၪ ထၪ့ဆၧလူဒိၪဎွ့ၩဒိၪ လၩ့မဲၩဒၪဆၧလၧယဂး ဒိၪနဲၪ့ ၦဆၨၩထီးအလူၬလီၫး အဂဲးဘဲၫယီၩ ဂၪ့ခိၪထၧၫ့ဖျိၪ့ 6ယၫမွဲယဆၧလီၫ.- တၭနၥံၪမိကဲၪ ထၪ့ၦလုဆၧလဖၪ အဘၩ့အမုး, ဒဲၦဆံၫ့ဎံၪလဆၨၩလီၫ. အယီၩမွဲဆၧချဲၩ့ လဖၪလၧနဘၪလီၩ ဘၪၦအံၫစရ့လၭဖိၪလီၫ.
7စမိစ့ၭဂဲၫထီၩ့တၭ, ကိၭၦခမျၧးအၥုၪ့က့ၭၥၭၡါတၭ အီၪက့ၪကယဲဆၧချဲၩ့လဖၪ လၧယဟိဝၩမၪလူၬဝ့ၫလၧ 8အဝ့ၫၥံၪအမ့ၬယၫလီၫ.- ၦခမျၧးၥံၪချဲၩ့ဆၧၫ့ဆၧလဖၧၫ့ ဎးတၭ, စံၭဝ့ၫဒၪ, ကယဲဆၧလၧယဟိဝၩ စံၭဆၧနီၪပမိ မၩလီၫ. တၭစမိစ့ၭၥိၫ့ထဲၩ့ၦခမျၧး အဆၧချဲၩ့လဖၪ လၧယဟိဝၩ အအီၪနီၪလီၫ.
9တၭယဟိဝၩစံၭစမိစ့ၭ, ယိခွါ,ယဂဲၫလၧနအီၪလၧ ဆၧအုၪ့တၪ့အဖၧၩ့, ဘဲၫၦခမျၧးမိနါဂၧၫ့ယချဲၩ့ဆၧ လၧနၧၩ,ဒဲနဲၩထဲၩ့နၧၩဆ့အဆိၩအကၠၪလီၫ. တၭစမိစ့ၭ 10လီၩဘၪထဲၩ့ၦခမျၧးအဆၧချဲၩ့ လၧယဟိဝၩလီၫ.-ယ ဟိဝၩစံၭစမိစ့ၭ, လ့ၩလၧၦခမျၧးအအီၪတၭ, အီၪက့ၪ ဆံၫ့ဎံၪအဝ့ၫၥံၪ လၧမုလနံၩယီၩ, ဒဲကဲဂီၩခိၬနးနံၩဆံၭ. 11မွဲအအၪ့ဆူၫဝၭအကီၩ့အၥိၭဆံၭ.- ဒဲအီၪတဲၩ့ဝဲၩဆၧ လၧၥၧၫ့နံၩလနံၩ အဂးဆံၭ. အဂဲးဘဲၫယီၩ ၥၧၫ့နံၩလ နံၩနီၪယဟိဝၩမိဂဲၫလၩ့ လၧၦခမျၧးထီးအလူၬ အမ့ၬ 12ယၫလၧခိၪလီၩ့ စဲနၫအလီၩ့လီၫ.- တၭ နဘၪအီၪ က့ၪဆၧဝၬဖီၩ့ၦခမျၧးတၭ, စံၭထီးလၩ့နၥံၪအၥၭလၧ နၥံၪထီးလ့ၩထၪ့လၧခိၪလီၩ့, ဒဲထိၭဘၪအနဲၩ့ထံၭနီၪ လဂ့ၩး ထီးဒၪၦလၧအထိၭဘၪခိၪလီၩ့ လဂၩလါလါ 13နီၪ,မိဘၪၥံၫတၡါလီၫ.- တၭဆၧအစူၪထိၭဘၪဝ့ၫအ့ၬ, အဂဲးဘဲၫယီၩ မိဘၪဆၧခွံၬဝ့ၫလၧလိးလီၫ. အ့ၪလမွဲ ဘၪဘဲၫနီၪတၭ, မိဘၪဆၧခၭဖျီၫ့ၥံၫခွံၬဝ့ၫ တၡါလီၫ. ဆၧဖိၪဆၧဎါမွဲဂ့ၩ, ၦၡၩမွဲဂ့ၩ, မၧၫ့ဘၪအ့ၬ. တၭထီး ခွ့ၩအ့ၪၥီၫထၪ့ယံၬယံၬတၭ, အဝ့ၫၥံၪမိဂဲၫထၪ့ဘၪဝ့ၫ လၧခိၪလီၩ့ထံၭနီၪလီၫ.
14စမိစ့ၭထဲၩ့လၩ့ထဲၩ့လၧခိၪလီၩ့ခိၪ, ထီၩ့လၧၦခမျၧး အအီၪတၭ, မၩဆံၫ့ဎံၪၦခမျၧးတၭ, အဝ့ၫၥံၪအၪ့ဆူၫ 15ဝၭအကီၩ့အၥိၭလီၫ.- တၭအဝ့ၫနီၪစံၭၦခမျၧးနီၪ, တဲၩ့ ဝဲၩနၥံၪအၥၭ လၧမုၥၧၫ့နံၩလနံၩအဂးဆံၭ. တၭထီး ၥုၭဘူၭနၥံၪအၥၭ လၧနၥံၪအမၫလဖၪ အအီၪလဂ့ၩ.
16တၭမုၥၧၫ့နံၩလနံၩ ဆၧဖၩ့ထၪ့နီၪ ဆၧမၩအၥၭလၧ ဆၧၥီၫလဖၪ, အီၪဒဲလၫ့ဝဲအဒံၭလဖၪ, ဒဲဆၧအုၪ့တၪ့ အီၪလၧခိၪလီၩ့ အလီၩ့နီၪ, ဒဲအခွ့ၩၥီၫ ဆီၪ့ဆီၪ့လ့ၬ တၭ,ကယဲၦခမျၧး လၧအအီၪလၧၥုၪ့တဲၩ အလးဖၧၩ့ 17ထီးအလူၬနီၪ ဝၭထိၬဝ့ၫဒၪလီၫ.- တၭစမိစ့ၭဒုၭစဲၪ့ထၪ့ ခွံၬၦခမျၧး လၧၥုၪ့တဲၩအလး ဘဲၫၥိၭအမိဒၪဘၪလိၬ အၥၭလၧယွၩတၭ, အဝ့ၫၥံၪဆၧၫ့ထုၪ့ အီၪလၧခိၪလီၩ့ 18အဖၫ့လၬနီၪလီၫ.- တၭခိၪလီၩ့စဲနၫအီၪလၧမ့ၪခူၪလၧ အလီၩ့ထၧၫ့ဖျိၪ့ယၫလီၫ. အဂဲးဘဲၫယီၩ ယဟိဝၩဂဲၫ လၩ့လၧအလီၩ့ လၧမ့ၪအကျၩတၭ, အခူၪထၪ့ဘဲၫမ့ၪ လၧဖံၫ့ချၪဖၧၩ့ အၥိၭနီၪတၭ, ခိၪလီၩ့ဝၭဝ့ၫထၧၫ့ဖျိၪ့ 19ယၫစွၪမၬလီၫ.- ဆၧမၩအၥၭ ထီးအခွ့ၩၥီၫထၪ့ယံၬ တၭ,ဒံၩ့ယံၬဒံၩ့ၥီၫ ဒံၩ့ယံၬဒံၩ့ၥီၫနီၪ, စမိစ့ၭချဲၩ့ဆၧ 20တၭ,ယွၩချဲၩ့ဆၧၫ့လၧဆၧအလူလီၫ.- ယဟိဝၩဂဲၫ လၩ့လၧခိၪလီၩ့စဲနၫအလီၩ့ လၧခိၪလီၩ့ဒၩ့ခိၪနီၪတၭ, ယဟိဝၩကိၭထၪ့စမိစ့ၭ လၧခိၪလီၩ့အဒၩ့ခိၪနီၪတၭ, စမိစ့ၭလ့ၩထၪ့ဝ့ၫဒၪလီၫ.
21တၭယဟိဝၩစံၭစမိစ့ၭထဲၩ့လၩ့ မၪလူၬၦခမျၧးဘီၪ, ဘၪလဘၪ အဝ့ၫၥံၪ မိမၩဖိးဆၧထီးယဟိဝၩ အအီၪ ဘဲၫၥိၭအမိယိဖၧၩ့ဆၧတၭ, မိၥံၫဘၪခိၬ လၧအကျၩ 22အၪဂၩလီၫ.- တၭၦလုဆၧလဖၪလၧအဂဲၫဘူၭဆ့လၧ ယဟိဝၩနီၪ, မွဲအဝ့ၫၥံၪမၩဆံၫ့ဎံၪ ဒၪအၥၭဆံၭ. တၭ 23ယဟိဝၩမိမၩဖျီၫ့ဆီၪ့ဘၪခိၬ ဆၧလၧအအီၪလီၫ.- တၭ စမိစ့ၭစံၭယဟိဝၩ, ၦခမျၧးၥံၪဂဲၫထၪ့ လၧခိၪလီၩ့စဲနၫ အလီၩ့ယီၩၥ့ၪအ့ၬ. အဂဲးဘဲၫယီၩ နမၪလူၬပၧၩတၭ, စံၭ,မၩဝၬဖီၩ့ထၬခိၪလီၩ့ ဒဲအီၪက့ၪဆံၫ့ဎံၪဝ့ၫနီၪဆံၭ. 24တၭယဟိဝၩစံၭဝ့ၫဒၪ, လ့ၩ, ထဲၩ့လၩ့နဝ့ၫဘီၪ. တၭနမိ ဂဲၫထၪ့နဝ့ၫဒၪ, ဒဲစအၫရၧၫ့လၧနၥိၭဆ့လီၫ. အ့ၪမွဲဘဲၫ ၥိၭအမိဂဲၫ လၧယဟိဝၩအအီၪနီၪ, မွဲၦလုဆၧလဖၪ ဒဲၦခမျၧးၥံၪ ထီးဘုၪ့ဖိးဆၧလဂ့ၩ ဘၪလဘၪအဝ့ၫနီၪ 25မိဘုၪ့ဖိးဘၪခိၬ လၧအဝ့ၫၥံၪအလီၩ့နီၪလီၫ.- စမိစ့ၭ ထဲၩ့လၩ့ လၧၦခမျၧးအအီၪတၭ, လီၩလၩ့ဆၧလၧအ ဝ့ၫၥံၪလီၫ.
Currently Selected:
၂ မိ 19: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
