၂ မိ 20

ဆၧမၪလူၬဆံၫထံၪ.

(၅မိ ၅:ၥ-၂ၥ)

1ယွၩချဲၩ့ဆၧချဲၩ့လဖၪယီၩ ထီးအလူၬတၭစံၭဝ့ၫဒၪ, 2ယဝ့ၫဒၪယီၩ, ယမွဲယဟိဝၩ နယွၩလၧအဒုၭစဲၪ့ထၪ့ ခွံၬနၧၩလၧခးအံဇံၭအဖၧၩ့, လၧၦဎီးဖိၪအဂံၪ့ဖၧၩ့နီၪ လီၫ.

3အ့ၪလမွဲဘၪယၧၩတၭ, ထီးအီၪလၧနယွၩအဂူၫဂၩ 4လဖၪနးဂၩလဂ့ၩ.- ထီးတဲၩ့ဆၧဂၩ့ဆၧဖၪ့ လၧနဂး လဂ့ၩ, ဆၧအီၪလၧမူၭခိၪထၭမွဲဂ့ၩ, ဆၧအီၪလၧဂၪ့ ခိၪချိၫ့မွဲဂ့ၩ, ဆၧအီၪလၧထံၫကျၩ လၧဂၪ့ခိၪအဖၫ့လၬ 5မွဲဂ့ၩ, ထီးတဲၩ့အခံးအဂၩ့ လၧနဂးနးမံၩ့လဂ့ၩ,-ထီး ဘၩထၪ့လဂ့ၩ, ထီးမၩအဆၧလဂ့ၩ, အဂဲးဘဲၫယီၩ ယဝ့ၫဒၪယဟိဝၩ နယွၩယီၩ, ယမွဲယွၩလၧအၥၭကဲၪ့ ဆၧ,လၧအဒုၭအီၪထၪ့ဖါလဖၪ အဆၧဒဲၩဘၭ, လၧဖိၪ လဖၪအလီၩ့ ထီၩ့လၩ့လၧၦၥၭဂဲၫ့ယၧၩ ၥၧၫ့ဆိၩလ 6ဆိၩဒဲလံဆိၩလဆိၩ,- ဒဲလၧအမၩခိးမၩတၩၦအထီၫ့ ၥံၪ, လၧအအဲၪယၧၩ ဒဲထီးန့ယဆၧမၪလူၬ လဖၪနီၪ လီၫ.

7ထီးကိၭထၪ့ ယဟိဝၩ နယွၩအမံၩ့ ပျီၩပျီၩလဂ့ၩ, အဂဲးဘဲၫယီၩ ၦလၧအကိၭထၪ့အမံၩ့ ပျီၩပျီၩနီၪ, ယ ဟိဝၩအီၪက့ၪအဝ့ၫ ဘဲၫၦလၧအဆၧဒဲၩဘၭ လအီၪဘၪ အၥိၭနီၪ, မွဲအ့ၬ.

8နၪ့ထၪ့ထဲၩ့ မးၥံၫအနံၩ, ဘဲၫနမိအီၪက့ၪဆံၫ့ဎံၪဝ့ၫ 9အၥိၭနီၪဆံၭ.- နမိဘၪမၩဆၧဎူၫနံၩတၭ, မၩနဆၧမၩ 10ထီးအလူၬလီၫ.- အ့ၪမွဲမုနွ့ၫနံၩလနံၩနီၪ, မွဲယဟိဝၩ နယွၩအမးၥံၫအနံၩလီၫ. နဝ့ၫဒၪမွဲဂ့ၩ, နဖိၪခွၫမွဲဂ့ၩ, နဖိၪမုၪမွဲဂ့ၩ, နဎီးနၡၩခွၫမွဲဂ့ၩ, နဎီးနၡၩမုၪမွဲဂ့ၩ,နဆၧ ဖိၪဆၧဎါအဒိၩ့မွဲဂ့ၩ, ၦမွံၩဖိၪ လၧအအီၪလၧနတရၫ့ 11အဖၧၩ့မွဲဂ့ၩ, နၥံၪထီးမၩဆၧနးမံၩ့လဂ့ၩ,- အဂဲးဘဲၫ ယီၩဎူၫနံၩအထးဖၧၩ့နီၪ, ယဟိဝၩမၩကဲၪထၪ့မူၭခိၪ ဒဲဂၪ့ခိၪ,မၫဆမံၭ, ဒဲကယဲဆၧအီၪ လၧအဝ့ၫၥံၪအဖၧၩ့ တၭ, အီၪပွံၭဝ့ၫလၧမုနွ့ၫနံၩလနံၩနီၪလီၫ. မၩအၥၭ ဘဲၫနီၪတၭ, ယဟိဝၩဆိၪဂ့ၩ မုနွ့ၫနံၩလနံၩနီၪ, အီၪ က့ၪဆံၫ့ဎံၪဝ့ၫဒၪလီၫ.

12ဘဲၫၥိၭနမုနံၩလဖၪ မိအၪထၪ့လၧခးဖၧၩ့ လၧယဟိ ဝၩနယွၩဖ့ၪလၫ့နၧၩတၭ, ယူၭယၪ့နမိနဖါဆံၭ.

13ထီးမၩၥံၫၦၡၩလဂ့ၩ.

14ထီးအဲၪဘိၩ့မၫအဲၪဘိၩ့ဝၩလဂ့ၩ.

15ထီးအၪ့ဂူၪဆၧလဂ့ၩ.

16ထီးထိးနၥၭလၧဆၧချဲၩ့ဘျံၭချဲၩ့ဘျၪ ထၫ့ဒုၪဒၩၦလၧ နနဲၩ့ထံၭလဂ့ၩ.

17ထီးၥၭကွံၩၦလၧနနဲၩ့ထံၭအဂံၪ့လဂ့ၩ, ၦလၧနနဲၩ့ ထံၭအမၫမွဲဂ့ၩ, အဎီးအၡၩခွၫမွဲဂ့ၩ, အဎီးအၡၩမုၪ မွဲဂ့ၩ,အချီမွဲဂ့ၩ, အကၥ့ၪယီၩမွဲဂ့ၩ, ထီးဒၪၦလၧနနဲၩ့ ထံၭအဆၧလမံၩ့လါလါမွဲဂ့ၩတၭ, ထီးၥၭကွံၩလဂ့ၩ.

ၦခမျၧးလဖၪ ၥၭမဲၪဆၧ.

(၅ မိ ၅:၂၂-၃၃)

18တၭကယဲၦခမျၧးထီးအလူၬ, ဒၪဘၪလၫ့ဎွံၩ့, ဒဲလၫ့ ဝဲအဒံၭ, ဒဲခွ့ၩအၥီၫ, ဒဲမ့ၪခူၪထၪ့ဝ့ၫလၧခိၪလီၩ့နီၪတၭ, ထီးၦခမျၧးဒၪဘၪဝ့ၫနီၪ ၥုၭအလးတၭ, ဆၧၫ့ထုၪ့ဝ့ၫ 19လၧအယဲၩ့လီၫ.- တၭအဝ့ၫၥံၪစံၭစမိစ့ၭ ချဲၩ့နဝ့ၫလၧ ပၧၩဘီၪး တၭပမိခိၭနၪလီၫ. အ့ၪမွဲယွၩလဂၩနီၪထီး 20ချဲၩ့လၧပၧၩလဂ့ၩး ပမိၥံၫဘၪခိၬလီၫ.- တၭစမိစ့ၭ စံၭၦခမျၧးနီၪ, ထီးၥၭမဲၪလဂ့ၩ, အဂဲးဘဲၫယီၩယွၩဂဲၫ လၩ့မၩယိခွါနၥံၪ, ဘဲၫၥိၭအဆၧၥၭမဲၪမိအီၪလၧနၥံၪ 21အမ့ၬယၫ, လၧနၥံၪထီးမၩမၪဘၪဆၧလဂ့ၩလီၫ.- ၦ ခမျၧးဆၧၫ့ထုၪ့လၧအယဲၩ့တၭ, စမိစ့ၭ ၥုၭဘူၭအၥၭ လၧဆၧခံၭတၪ့ ထီးယွၩအီၪဝ့ၫ အလးနီၪလီၫ.

ဆၧၥီၪ့ဆၧၥၫ့လၧအဘၪဆဲၫ့ ဆၧလုလးလဖၪအဂဲး.

22တၭယဟိဝၩစံၭစမိစ့ၭ, နဘၪလီၩဘၪၦအံၫစရ့လၭ ဖိၪဘဲၫယီၩ, နၥံၪဒၪဘၪယူၭ လၧယချဲၩ့ဆၧလၧနၥံၪ 23လၧမူၭခိၪလီၫ.- တၭထီးမၩကဲၪထၪ့ယွၩၥံၪ လၧစ့ၩ လၧယၥိၭနးဂၩလဂ့ၩး တၭထီးမၩကဲၪထၪ့ ယွၩၥံၪ 24လၧထီၫ့လၧနၥံၪအဂးလဂ့ၩ,- နဘၪမၩဆၧလုအလး လၧဂၪ့ခိၪလၧယဂးတၭ, နဘၪလုထၪ့ နဆၧလုမ့ၪဒဲန ဆၧလုဘၪလိၬအိၭလိၬ, နၥိၪဒဲဘ့ၪ, ဒဲနချီလဖၪအဖၫ့ ခိၪလီၫ. ကယဲဆၧအလး ထီးယအီၪက့ၪ ဆၧနၪ့ထၪ့ ထဲၩ့ယမံၩ့လစီၪ့လါလါနီၪ ယမိဂဲၫလၧနအီၪလၧယ 25မိဆိၪဂ့ၩနၧၩလီၫ.- နအ့ၪမၩကဲၪထၪ့ ဆၧလုအလး လၧလိးလၧယဂးတၭ မၩလၧလိးစိၭအၥၭလဂ့ၩ, အ ဂဲးဘဲၫယီၩနအ့ၪတဲၩ့ ဆၧလၧလိးစိၭအၥၭနီၪတၭ, န 26မၩၥၭလိၪဝ့ၫလီၫ.- တၭနထၪ့ဘၪ, ယဆၧလုအလးလၧ ဎၫ့အ့ၬ, ဘဲၫၥိၭနဆၧအီၪဘိၪ့ ထီးအီၪဖျီၪလၧအဖၫ့ခိၪ နီၪလဂ့ၩလီၫ.

Currently Selected:

၂ မိ 20: pwokyn2

Highlight

Copy