၂ မိ 17
17
17
ထံၫဂဲၫထၪ့လၧလိးဖၧၩ့.
(၄ မိ ၂ဝ:ၥ-ၥ၃)
1တၭကယဲ ၦအံၫစရ့လၭဖိၪ အဆၧအီၪကီၪ့ထီးအ လူၬစဲၪ့ထၪ့ခွံၬဝ့ၫ လၧမံၩ့လၬကျၩဇံၫ့အဖၧၩ့, ဘဲၫအ လ့ၩဆၧအၥိၭ ထီးဒၪယဟိဝၩမၪလူၬဝ့ၫနီၪတၭ, ၥုၪ့ အတဲၩလၧရဖံဒံၫ့အဖၧၩ့တၭ, ထံၫလၧၦခမျၧးမိအီၩဝ့ၫ 2အဂးနီၪအီၪအ့ၬ.- ၦခမျၧးအဲၪ့လိၬစမိစ့ၭတၭ, စံၭဝ့ၫ ဒၪ,ဖ့ၪလၫ့ပၧၩလၧထံၫဘဲၫၥိၭပမိအီၩဆံၭ. တၭစမိစ့ၭ စံၭအဝ့ၫၥံၪမွဲဘၪနီၫ လၧနၥံၪအဲၪ့လိၬယၧၩလဲၪး တၭ 3နၥံၪကျဲၩ့ဖစီၩ့ ယဟိဝၩနီၪမွဲဘၪလဲၪ.- ၦခမျၧးၥံၪၥၭဝံ အၥၭလၧထံၫထီးနီၪတၭ, ၦခမျၧးၥူၭဝံၪၥူၭလၩထၫ့ဒုၪ ဒၩစမိစ့ၭတၭ, စံၭဝ့ၫဒၪ, ဆၧယီၩမွဲဘၪနီၫလၧနဒုၭစဲၪ့ ထၪ့ခွံၬပၧၩ လၧအံဇံၭအဖၧၩ့ ဘဲၫၥိၭနမိမၩၥံၫပၧၩ ဒဲပဖိၪပလံၩ, ဒဲပဆၧဖိၪဆၧဎါအဒိၩ့ လၧဆၧၥၭဝံအ ၥၭလၧထံၫနီၪလဲၪ.
4စမိစ့ၭကိၭထၪ့ယဟိဝၩတၭ, စံၭဝ့ၫဒၪ, ယမိမၩၦ ခမျၧးယီၩဘဲၫၥ့ၪလဲၪ, ဘူၭလၧအဝ့ၫၥံၪ မိခွံၬယၧၩလၧ 5လိးလီၫ.- ယွၩစံၭစမိစ့ၭ, လ့ၩလၧၦခမျၧးအမ့ၬယၫ တၭ, အၪ့မၩန့ၦၡၩ လၧအံၫစရ့လၭ အၥုၪ့က့ၭၥၭၡါ အကျၩလနၩ့တၭ, မၩန့ထၪ့နနိၪထိၭဘီၩ့ လၧနဒိၪထံၫ 6မိၡါနီၪ လၧနစူၪဖၧၩ့တၭ, လ့ၩဆၧဆံၭ.- ယိခွါ, ယမိ ဆၧၫ့ထုၪ့ လၧနမ့ၬယၫထီးနီၪ, ထီးလိးအဖၫ့ခိၪ လၧ ဟိရ့ၭအလီၩ့တၭ, နဘၪဒိၪလိးနီၪတၭ, ထံၫမိဂဲၫထၪ့ လၧအဖၧၩ့, ဘဲၫၦခမျၧးမိအီၩဝ့ၫအၥိၭလီၫ. တၭစမိစ့ၭ မၩဝ့ၫဘဲၫနီၪ လၧအံၫစရ့လၭ အၥုၪ့က့ၭၥၭၡါၥံၪအ 7မ့ၬယၫလီၫ.- တၭဆၧအလးနီၪ ကိၭဝ့ၫအမံၩ့ မၭစၫဒဲ မ့ၫရဘၫ, လၧၦအံၫစရ့လၭဖိၪ အဆၧအဲၪ့လိၬအၥၭ အကၠီၩ့,ဒဲလၧအကျဲၩ့ဖစီၩ့ ယဟိဝၩအကၠီၩ့ထီးအစံၭယ ယဟိဝၩအီၪလၧပကျၩ, လအီၪဘၪလဲၪနီၪလီၫ.
ဆၧဒုၭလိၬၥၭ လၧၦအၫမလ့ၭဖိၪ.
8တၭၦအၫမလ့ၭဖိၪဂဲၫဒုၭၥုၭ လၧအံၫစရ့လၭလၧရ 9ဖံဒံၫ့အဖၧၩ့နီၪလီၫ.- တၭစမိစ့ၭစံၭ စယီရှုၫအ့ၫရွံန့ၦ ၡၩလဖၪ လၧပဂးတၭ, လ့ၩထၪ့ဒုၭၥုၭ လၧၦအၫမလ့ၭ ဖိၪနီၪဆံၭ. တၭကဲဂီၩခိၬ ယမိအီၪဆၧၫ့ထုၪ့ လၧခိၪ လီၩ့အဒၩ့ခိၪနီၪ အီၪလၧယွၩအနိၪထိၭဘီၩ့ လၧယစူၪ 10ဖၧၩ့လီၫ.- တၭစယီရှုၫအ့ၫနီၪ မၩဝ့ၫဘဲၫစမိစ့ၭမၪလူၬ ဝ့ၫအၥိၭတၭ, ဒုၭၥုၭလၧၦအၫမလ့ၭဖိၪနီၪ စမိစ့ၭ, ဒဲ စအၫ့ရၧၫ့, ဒဲစဟၧၫ လ့ၩထၪ့လၧခိၪလီၩ့ အဒၩ့ခိၪနီၪ 11လီၫ.- တၭထီးစမိစ့ၭယူၬထၪ့အစူၪတၭ, ဆၧမၩအၥၭ လၧအံၫစရ့လၭ မၩနၧၩ့ဆၧတၭ, ထီးအအီၪက့ၪလၩ့ 12ထဲၩ့အစူၪတၭ, ၦအၫမလ့ၭဖိၪမၩနၧၩ့ဝ့ၫလီၫ.- စမိစ့ၭ အစူၪၡၪတၭ, အဝ့ၫၥံၪမၩန့လိးလဖျိၪ့တၭ, အီၪက့ၪ လၩ့ဝ့ၫလၧ အဖၫ့လၬတၭ, ဆၧၫ့နၩ့ဝ့ၫလၧအဖၫ့ခိၪနီၪ, စအၫရၧၫ့ဒဲစဟၧၫနံၫဂၩ ဆိၬထၪ့ဆၧၩ့ အစူၪလဂၩလ ခီၫလဂၩလခီၫ တၭအစူၪအီၪဂုးအီၪခၧၫ့ဝ့ၫ ထီးမုလၩ့ 13နုၬလီၫ.- တၭစယီရှုၫအ့ၫမၩနၧၩ့မၩစၪ ၦအၫမလ့ၭဖိၪ 14လၧနၭအနါလီၫ.- ယဟိဝၩစံၭစမိစ့ၭ, ကွ့ၭဆၧနီၪလၧ ဆၧနၪ့ထၪ့ထဲၩ့အဂး လၧလံၬဖၧၩ့တၭ, လီၩလၩ့လၬ လၩ့အဝ့ၫ လၧစယီရှုၫအ့ၫအနါဖၧၩ့ဆံၭ. အဂဲးဘဲၫယီၩ ယမိထူၭခွံၬ ၦအၫမလ့ၭဖိၪအဆၧနၪ့ထၪ့ထဲၩ့ လၩ့ထံး 15လၩ့ဆ့ၭ လၧမူၭခိၪအဖၫ့လၬယီၩလီၫ.- စမိစ့ၭမၩဆၧ 16လုအလးတၭ, ကိၭဝ့ၫအမံၩ့ယဟိဝၩနံစံၫလီၫ.- အဂဲး ဘဲၫယီၩ စံၭဝ့ၫဒၪ, ဆၧအစူၪအီၪလၧယဟိဝၩအလး ဆီၩ့ဆီ အဖၫ့ခိၪတၭ, ယဟိဝၩမိဒုၭၥုၭ လၧၦအၫမ လ့ၭဖိၪလဆိၩဘၪလဆိၩ ထီၩ့လၧလဆိၩဘၪလဆိၩ လီၫ.
Currently Selected:
၂ မိ 17: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
