၂ မိ 16
16
16
ကိၪမၪ့နၫ ဒဲထိၪဝံၪလဖၪ.
1တၭအဝ့ၫၥံၪစဲၪ့ထၪ့ခွံၬ လၧအံလံၫ့တၭ, လၧလၩနံၫ ဘံၪ့လဘံၪ့ လၩထၪ့လဆံၫယဲနံၩလနံၩ လၧအစဲၪ့ထၪ့ ခွံၬလၧခးအံဇံၭအလးခဲၫ့နီၪ, ၦအံၫစရ့လၭဖိၪအဆၧ အီၪကီၪ့ထီးအလူၬ ဂဲၫထီၩ့လၧမံၩ့လၬကျၩဇံၫ့, လၧ 2အအီၪလၧအံလံၫ့ဒဲစဲနၫအဘိၩ့ဆၧၩ့လီၫ.- တၭၦအံၫ စရ့လၭဖိၪ အဆၧအီၪကီၪ့ ထီးအလူၬ ၥူၭဝံၪၥူၭလၩ လၧစမိစ့ၭ, ဒဲစအၫရၧၫ့အလီၩ့ လၧမံၩ့လၬကျၩနီၪလီၫ. 3တၭၦအံၫစရ့လၭဖိၪ စံၭအဝ့ၫၥံၪ, လၧပဆၧၫ့နၩ့လၧ ဆၧယၪဖၧၩ့ၥၧၫ့အနဲၩ့ထံၭ, လၧပအၪ့ကိၪ ဘျဲၩအၪ့ နီၪ, မွဲပၥံၫလါပဝ့ၫလၧယဟိဝၩအစူၪ လၧခးအံဇံၭအ ဖၧၩ့နီၪ, ဂ့ၩဒၪဆၧဒံၭလီၫ. အဂဲးဘဲၫယီၩ နၥံၪဒုၭဂဲၫ ထၪ့ပၧၩလၧမံၩ့လၬကျၩယီၩ, ဘဲၫၥိၭနၥံၪမိဒုၭၥံၫခွံၬ ဆၧအီၪကီၪ့ထီးအလူၬ လၧဆၧၥၭဝံလၩ့ဒိၩလီၫ.
4ထီးနီၪလဖၧၫ့ ယဟိဝၩစံၭစမိစ့ၭ, ယိခွါ,ယမိဒုၭဂဲၫ ဆၧၩ့လၩ့ကိၪ လၧမူၭခိၪလၧနၥံၪအဂးတၭ, ၦခမျၧးမိ လ့ၩအၪ့ထုၫ့ထၪ့လနံၩ အဆၧလၧအဂးဒၪဝ့ၫ, လနံၩ လၧအဂးဒၪဝ့ၫ, အဝ့ၫၥံၪမိလ့ၩလၧယဆၧၥီၪ့ဆၧၥၫ့ အဖၧၩ့ဧၪ, လလ့ၩဘၪဧၪနီၪ, ဘဲၫၥိၭယမိၥ့ၪယၫတၭ, 5ယမိမၩခွါအဝ့ၫၥံၪလီၫ.- ဎူၫနံၩလနံၩနီၪ ဆၧမိမၩအ ၥၭလၧအဝ့ၫၥံၪ ဘၪတဲၩ့ဝဲၩဆၧ လၧအဂဲၫထဲၩ့ဆိၬဝ့ၫ တၭ,မိဘၪအီၪအၪနဲၪ့ အအၪ့ထုၫ့ထၪ့ဝ့ၫလနံၩအဂး, လနံၩအဂးနီၪ, နံၫစၩလီၫ.
6တၭစမိစ့ၭ ဒဲစအၫရၧၫ့ စံၭၦအံၫစရ့လၭဖိၪ ထီးအ လူၬ,ကဲမုဂၪနီၪ, နၥံၪမိၥ့ၪယၫ လၧယဟိဝၩဒုၭစဲၪ့ထၪ့ 7ခွံၬယူၭနၥံၪ လၧခးအံဇံၭအဖၧၩ့လီၫ.- တၭထီးဆၧဖၩ့ ထၪ့နီၪ နၥံၪမိဒၪဘၪယဟိဝၩအလၩအဖၩ့, လၧအနါ ဂၧၫ့နၥံၪၥူၭဝံၪၥူၭလၩဆၧ လၧယဟိဝၩ အလီၩ့အကၠီၩ့ နီၪလီၫ. တၭလၧနၥံၪၥူၭဝံၪၥူၭလၩဆၧ ထၫ့ဒုၪဒၩပၧၩ 8အကၠီၩ့ယီၩ, ပဝ့ၫဒၪပမွဲပလၫလဖၪလဲၪ.- တၭစမိစ့ၭ စံၭဝ့ၫဒၪ, မုဂၪလၩ့ယဟိဝၩမိဖ့ၪလၫ့နၥံၪ လၧဆၧယၪ လၧနၥံၪအၪ့ဆၧအဂးတၭ, ဆၧဖၩ့ထၪ့နီၪ ကိၪလၧန ၥံၪဘျဲၩအၪ့အဂး, လၧယဟိဝၩ နါဂၧၫ့နၥံၪၥူၭဝံၪၥူၭ လၩဆၧ, လၧနၥံၪၥူၭဝံၪၥူၭလၩ ဆၧလၧအနၫ့ဆါအ လီၩ့အကၠီၩ့လီၫ. တၭပဝ့ၫဒၪယီၩ, ပမွဲပလၫလဖၪလဲၪ. နၥံၪၥူၭဝံၪၥူၭလၩဆၧနီၪ ဘၪပၧၩအ့ၬ, မွဲအဘၪယဟိ 9ဝၩလခီၫလီၫ.- တၭစမိစ့ၭစံၭစအၫရၧၫ့, လီၩဘၪၦအံၫ စရ့လၭဖိၪ အဆၧအီၪကီၪ့ထီးအလူၬ, ၥုၭဘူၭနၥံၪအ ၥၭလၧယဟိဝၩအမ့ၬယၫဆံၭ. အဂဲးဘဲၫယီၩ နၥံၪၥူၭ ဝံၪၥူၭလၩဆၧနီၪ မွဲအနါဂၧၫ့ယူၭဝ့ၫယူၭ.
10ဆၧမၩအၥၭ လၧစအၫရၧၫ့ချဲၩ့ဆၧ လၧၦအံၫစရ့လၭ ဖိၪအဆၧအီၪကီၪ့ ထီးအလူၬအထီနီၪတၭ, အဝ့ၫၥံၪယိ စိၩဆၧလၧမံၩ့လၬကျၩတၭ, ယိခွါ, ယဟိဝၩအလၩ 11အဖၩ့ဖျီၪထၪ့ဝ့ၫ လၧဆၧအုၪ့အလီၩ့နီၪလီၫ.- ယဟိဝၩ ချဲၩ့ဆၧလၧစမိစ့ၭတၭ, စံၭဝ့ၫဒၪ, ၦအံၫစရ့လၭဖိၪၥူၭ 12ဝံၪၥူၭလၩဆၧနီၪ ယနါဂၧၫ့ယူၭ.- လီၩဘၪအဝ့ၫၥံၪ တၭ,စံၭ, ထီးမုဂၪလၩ့နီၪ, နၥံၪမိအၪ့ဆၧယၪတၭ, ဆၧ ဖၩ့ထၪ့လခီၫနီၪ နၥံၪမိဘျဲၩအၪ့လၧကိၪလီၫ. တၭနၥံၪ မိၥ့ၪယၫလၧ ယမွဲ ယဟိဝၩ နၥံၪအယွၩလီၫ.
13ဆၧမၩအၥၭ လၧမုဂၪလၩ့နီၪ, ထိၪဝံၪဂဲၫထၪ့တၭ, မၩဘံၭခွံၬ ၦၥုၪ့တဲၩအလးတၭး လၧဆၧဖၩ့ထၪ့နီၪ, 14ဆၩ့ထံၫအီၪဝၬဖီၩ့ အတဲၩအလးလီၫ.- ထီးဆၩ့ထံၫၥွံၪ ထၪ့ဝ့ၫတၭ, ယိခွါ, ဆၧဖျိၪ့လွံၩပွံၪအီၪဝ့ၫ လၧမံၩ့လၬ ကျၩအလး, ဘဲၫဆၩ့ထံၫလၩ့ဒၭ လၧဂၪ့ခိၪ အၥိၭနီၪ 15လီၫ.-တၭထီးၦအံၫစရ့လၭဖိၪဒၪဘၪတၭ, စံၭလိၬအ ၥၭလဂၩဒဲလဂၩ, ဆၧယီၩမွဲဆၧနီၪလဲၪ, အဂဲးဘဲၫယီၩ မွဲဆၧနီၪလဲၪနီၪ, ၥ့ၪယၫဝ့ၫဒၪအ့ၬ. တၭစမိစ့ၭစံၭဝ့ၫ, အယီၩ, မွဲကိၪလၧယဟိဝၩဖ့ၪလၫ့ လၧနၥံၪအၪ့အဂး 16နီၪလီၫ.- တၭအယီၩ, မွဲဆၧလၧယဟိဝၩမၪလူၬ, အၪ့ ထုၫ့ထၪ့န့ဘဲၫအအၪ့ဆၧအၥိၭ လဂၩအဂးလအိမၧၫ, (ဘဲၫပစံၭဆၧအၥိၭလတလိၭ) လဂၩအဂးလအိမၧၫ နီၪ ဆုၬဆုၬဆံၭ. အၪ့မၩန့ဆၧ ဘဲၫဆၧဝံဆၧနၬထၪ့ ၦၡၩအီၪဝ့ၫ လၧအတဲၩဖၧၩ့အၥိၭနီၪ ဆုၬဆုၬဆံၭ. 17ၦအံၫစရ့လၭဖိၪ မၩဝ့ၫဘဲၫနီၪတၭ, အၪ့ထုၫ့ထၪ့န့ဆၧ, 18အၪလနၩ့ၡၩလနၩ့လီၫ.- တၭတိၪ့ဝ့ၫလအိမၧၫ (တ လိၭ) လဖျိၪ့တၭ, ၦလၧအအၪ့ထုၫ့ထၪ့န့ ဆၧအၪလ ဂၩနီၪအဆၧအီၪဘျဲၪအ့ၬ. တၭၦလၧအအၪ့ထုၫ့ထၪ့ န့ဆၧၡၩလဂၩနီၪ, အဆၧၡၩလၨၪအ့ၬၦအၪ့ထုၫ့န့ 19ဆၧဘဲၫအအၪ့ဝ့ၫအၥိၭ ဆုၬဆုၬလီၫ.- တၭစမိစ့ၭစံၭ ဝ့ၫဒၪ,ၦထီးအီၪက့ၪလၩ့ထး ထီးဆၧဖၩ့ထၪ့နးဆံၭလ 20ဂ့ၩ.- တၭအဝ့ၫၥံၪခိၭနၪစမိစ့ၭအလူအ့ၬး တၭၦလနၩ့ နၩ့လၧအကျၩအီၪက့ၪဝ့ၫ ထီးဆၧဖၩ့ထၪ့တၭ, လိၪ့အီၪ ထၪ့လၧအဖၧၩ့ဒဲနၧၫ့အုၪဝ့ၫတၭ, စမိစ့ၭၥၭထၪ့အဝ့ၫ 21ၥံၪလီၫ.- တၭၦအၪ့ထုၫ့ဝ့ၫကိၭဂီၩဒ့ၭ ဘဲၫအအၪ့ဆၧ အၥိၭ, လဂၩဘဲၫအအၪ့ဆၧအၥိၭလီၫ. ထီးဆၧခိထၪ့ တၭ, ဖံထၪ့ခွံၬဝ့ၫဒၪလီၫ.
22တၭလၧဎူၫနံၩလနံၩနီၪ ဆၧမၩအၥၭ လၧၦအၪ့ထုၫ့ ကီၪ့နံၫအိမၧၫ (နံၫတလိၭ) မွဲလၧလဂၩအဂးအၪ့နဲၪ့ အလးနံၫစၩလီၫ. တၭဆၧအီၪကီၪ့အၦဒိၪ ထီးအလူၬ 23ဂဲၫလီၩဘၪစမိစ့ၭနီၪလီၫ.- တၭအဝ့ၫဒၪစံၭအဝ့ၫၥံၪ, အယီၩမွဲဆၧလၧယဟိဝၩ လီၩဘၪဝ့ၫ, ကဲဂီၩခိၬလနံၩ နီၪမွဲမးၥံၫအနံၩ, ဆၧအီၩပွံၭဆံၫ့ဎံၪ လၧယဟိဝၩအ ဂးတၭ, ဆၧလၧနၥံၪမိအၪ့ဎိၪနီၪ အၪ့ဎိၪဆံၭ. တၭဆၧ လၧနၥံၪမိအၪ့ဎွံနီၪအၪ့ဎွံဆံၭ. တၭဆၧလၧအအီၪလၩ့ ထးနီၪ အီၪက့ၪလၧနၥံၪအဂး ဘဲၫၥိၭအမိအီၪထီးဆၧ 24ဖၩ့ထၪ့ဆံၭ.- တၭအဝ့ၫၥံၪ အီၪက့ၪဝ့ၫထီးဆၧဖၩ့ထၪ့ ဘဲၫစမိစ့ၭမၪလူၬဝ့ၫအၥိၭနီၪတၭ, နၧၫ့အုၪလၧၩ့အ့ၬ, 25ဒဲလိၪ့အီၪလၧအဖၧၩ့နးဘီၩ့ဆ့အ့ၬ.- တၭစမိစ့ၭစံၭဝ့ၫ ဒၪ,အၪ့ဆၧနီၪ လၧမုလနံၩယီၩ, အဂဲးဘဲၫယီၩမွဲမးၥံၫ အနံၩ လၧယဟိဝၩအဂးလီၫ. လၧမုဆၫလနံၩယီၩ, 26နၥံၪဒၪဘၪလၧၩ့ဆၧနီၪ လၧဆၧပျၩ့ဖၧၩ့အ့ၬ.- နၥံၪဘၪ အၪ့ထုၫ့ထၪ့ဝ့ၫ ဎူၫနံၩလီၫ. အ့ၪမွဲမုနွ့ၫနံၩလနံၩ, မးၥံၫ 27အနံၩနီၪ, အီၪဘၪနးဆံၭအ့ၬ.- တၭဆၧမၩအၥၭလၧ ၦလနၩ့နၩ့ လ့ၩထၪ့ဝ့ၫ လၧမုနွ့ၫနံၩလနံၩ ဘဲၫၥိၭအမိ 28အၪ့ထုၫ့ဆၧတၭ, ဒၪန့ဝ့ၫအ့ၬ.- တၭယဟိဝၩစံၭစမိစ့ၭ, မွဲနၥံၪလခိၭနၪဘၪ ယဆၧမၪလူၬလဖၪနီၪ, နၥံၪမိဂဲး 29လိၬဆံၭယံၬလဲၪ.- ယိခွါ, မွဲယဟိဝၩ ဖ့ၪလၫ့နၥံၪလၧ မးၥံၫအနံၩလီၫ. မၩအၥၭဘဲၫနီၪတၭ, လၧမုဎူၫနံၩလ နံၩနီၪဖ့ၪလၫ့နၥံၪ အကိၪလၧနံၫနံၩအဂးလီၫ. မွဲၦၡၩ အီၪလၧအအီၪအလးဆံၭ. မွဲၦထီးစဲၪ့ထၪ့ လၧမုနွ့ၫ 30နံၩနီၪနးဂၩလဂ့ၩ.- တၭၦခမျၧးအီၪပွံၭဝ့ၫ လၧမုနွ့ၫနံၩ 31နီၪလီၫ.- တၭၦအံၫစရ့လၭအဂံၪ့ဖိၪ ကိၭဆၧနီၪအမံၩ့ လၧမၪ့နၫလီၫ. တၭမၩအၥၭဘဲၫနၪ့နၪ့အချံၫအၥိၭဘွၩ ဝ့ၫတၭ, ၦထဲးယိနီၪ, မၩအၥၭဘဲၫကိၪအပၪပဲၪလၧအ အီၪလၧန့ၫစၩ့အၥိၭနီၪလီၫ.
32တၭစမိစ့ၭစံၭဝ့ၫ, အဝ့ၫဒၪယီၩ, မွဲဆၧလၧယဟိဝၩ မၪလူၬဝ့ၫ, မၩဎွ့ၩထၪ့လအိမၧၫ (တလိၭ) လဖျိၪ့လၧ ဆၧယီၩဘဲၫၥိၭဆၧမိအီၪက့ၪထၬ လၧနၥံၪအဆၨၩအ ဆၬအဂး, ဘဲၫၥိၭအမိဒၪဘၪကိၪ လၧယဒုၭအၪ့နၥံၪ လၧမံၩ့လၬကျၩနီၪ, လၧယဒုၭစဲၪ့ထၪ့ခွံၬနၥံၪ လၧခးအံ 33ဇံၭအဖၧၩ့နီၪလီၫ.- တၭစမိစ့ၭစံၭစအၫရၧၫ့, အၪ့မၩ န့ဖၧၩ့လဖျိၪ့တၭ, ဒုၭနုၬမၪ့နၫလအိမၧၫ (တလိၭ) လၧ အဖၧၩ့တၭ, အီၪက့ၪလၧယဟိဝၩအမ့ၬယၫ လၧဆၧမိ 34အီၪက့ၪထၬလၧနၥံၪ အဆၨၩအဆၬအဂးနီၪဆံၭ.- ဘဲၫ ယဟိဝၩ မၪလူၬစမိစ့ၭအၥိၭနီၪ, စအၫရၧၫ့အီၪက့ၪ ဝ့ၫလၧဆၧအုၩ့လၩ့ အမ့ၬယၫ, ဘဲၫအမိဘၪဆၧအီၪ 35က့ၪထၬဝ့ၫအၥိၭလီၫ.- တၭၦအံၫစရ့လၭဖိၪ အၪ့မၪ့ နၫအနံၪ့လံဆံၫ ထီးအထီၩ့လၧခးလဘံၪ့ အီၪလၧၦၡၩ ၥံၪလီၫ. မွဲအအၪ့မၪ့နၫ ထီးအထီၩ့ လၧခးကၫနအၫ့ 36အနဲၩ့ထံၭနီၪလီၫ.- တၭဆၧလၧအိမၧၫ (တလိၭ) လ ဖျိၪ့နီၪမွဲအန့ၫဎီၩ့ လၧအ့ဖၭဆံၫပိၩ့လပိၩ့လီၫ.
Currently Selected:
၂ မိ 16: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
