၂ မိ 15
15
15
စမိစ့ၭအထၭခိၪ.
1ထီးနီၪလဖၧၫ့စမိစ့ၭ ဒဲၦအံၫစရ့လၭဖိၪ ၥံၫကျံၩဆၧ ထၭခိၪယီၩ, လၧယဟိဝၩအဂဲးနီၪ, ချဲၩ့ဆၧတၭ, စံၭ ဝ့ၫဒၪး ယမိၥံၫကျံၩထၪ့ယဟိဝၩ, အကယးဒိၪအကဖးဒိၪအ ဂဲးနီၪတၭ, ကၥ့ၪဒဲၦထူၬကၥ့ၪနီၪ, မွဲအခွံၬလၩ့ခွံၬဝ့ၫ 2လၧမၫဆမံၭအဖၧၩ့လီၫ.- ယဂဲးယဘၭ ဒဲယဆၧၥံၫ ကျံၩယီၩ မွဲယဟိဝၩတၭကဲၪထၪ့ဝ့ၫ လၧဆၧမၩဖီၩ့ မၩဖျ့ၭယၧၩ, အဝ့ၫဒၪနီၪမွဲယယွၩတၭ, ယမိစံၭထၪ့ အၪ့အူၭ, မွဲယဖါလဖၪအယွၩတၭ, ယမိအီၪက့ၪထၪ့ ထီၫအဝ့ၫလီၫ.
3ယဟိဝၩမွဲၦဒုၭၥုၭ, အမံၩ့မွဲယဟိဝၩတၭ ခွံၬလၩ့ ခွံၬဖၫရိၫ အလဲၪ့ၥုၭၥံၪ, ဒဲအၥုၭမုခမျၧး လၧမၫဆမံၭ 4ဖၧၩ့,- ဒဲအၥုၭဖိၪအခိၪ လၧအဘၪဆၧရွံန့ဝ့ၫလဖၪလၩ့ 5အုၭၥံၫလၧမၫဆမံၭအံဒံၫ့အဖၧၩ့,- ဆၧယိၬ အထံၫမၩ ဘံၭမၩဘၧၩ့အဝ့ၫၥံၪ, မွဲအလၩ့ဒၭဝ့ၫဘဲၫလိးအၥိၭနီၪ 6လီၫ.- နစူၪထွ့ၪယဟိဝၩဧ့, အီၪလၧအကယးကဖးလၧ ဆၧအစီၩ့အမၩ့, နစူၪထွ့ၪ, ယဟိဝၩဧ့, မၩလၩ့ဘျ့ၭ 7ဆၧအဒုၪအဒၩ,- တၭနမၩဂၭဂီၩ့ခွံၬ ၦလၧအထၫ့ဒုၪ ဒၩနၧၩ လၧနကယးကဖးအဒိၪအထီၫနီၪ, နအၪ့မၧၫ့ လၩ့နဆၧၥၭထၪ့, လၧအအၪ့ခွံၬအဝ့ၫၥံၪ ဘဲၫလီခၫ့အ 8ၥိၭတၭ,- ထံၫအီၪကီၪ့လၧနနၫၡိၫထၪ့ခွံၬ ဆၧအကၠီၩ့ နီၪ,ထံၫလဖၪ ဆၧၫ့ထုၪ့ဘဲၫဆၧစီၩ့ထၪ့အၥိၭး ဆၧယိၬ 9အထံၫနီၩ့ထၪ့ လၧမၫဆမံၩ့အကျၩ,- ဆၧအဒုၪအဒၩ စံၭဝ့ၫ, ယမိလီၩ့ဆီးဝ့ၫတၭ, ယမိချႃၭန့ဝ့ၫ, ယမိအၪ့နၩ့ ဖၭဆၧအၪ့ဂူၬန့, ယၥၭမိမံၫ့လၧအဂဲး, ယမိထုၭထၪ့နၭ, ယစူၪမိမၩဂၭဂီၩ့ခွံၬ အဝ့ၫၥံၪလီၫ.
10နအူၪဆၧလၧနလံၩ, မၫဆမံၭမၩလၩ့ဘံၭခွံၬအဝ့ၫ ၥံၪတၭ, အဝ့ၫၥံၪလၩ့ဒၭဝ့ၫဘဲၫၡၬၥၧၫ့အၥိၭ လၧထံၫဖၭ 11ဒိၪအဖၧၩ့,- ယဟိဝၩဧ့, မွဲပလၫမိလၩ့ဂၬနၧၩ လၧကဆါ လဖၪအကျၩလဂၩလဲၪး မွဲပလၫ မိလၩ့ဂၬနၧၩ လ ဂၩလဲၪး အီၪလၧဆၧလၩဖၩ့ လၧဆၧဆံၫ့ဎံၪအဖၧၩ့, ဆၧၥၭမဲၪအလး လၧဆၧ စံၭထၪ့အၪ့အူၭအဖၧၩ့, မၩ ဆၧလၩ့လၭလဖၪလီၫ.
12နယၩ့ထၪ့နစူၪထွ့ၪတၭ, ဂၪ့ခိၪယုလၩ့ခွံၬအဝ့ၫၥံၪ, လီၫ. ၦခမျၧးလၧနဎွ့ၩန့ထဲၩ့နီၪ, နမီၩ့ထၪ့လၧနဆၧယၫ့ 13ၥၭအဖၧၩ့,- နၥိၫ့အဝ့ၫၥံၪ လၧနဂဲးနဘၭ လၧနအီၪအ 14လးဆံၫ့ဎံၪလီၫ.- ၦခမျၧးမိနါဂၧၫ့, မိၥၭမဲၪဝ့ၫ, ဆၧၥၭ 15အုၭမိဖီၪ့ထၬ ၦဖလံၡၫဖိၪလီၫ.- ထီးနီၪလဖၧၫ့ ခးအံ ဒၧၫ့အစခၩ့လဖၪ မိထီၫမံၫထီၫမၪ, မိအၭအၦဒိၪလဖၪ နီၪ, ဆၧဝၭထိၬမိဖီၪ့ထၬအဝ့ၫၥံၪ, ၦကၫနအၫ့ဖိၪၥံၪမိ 16ဖံထၪ့ခွံၬဝ့ၫ ထီးအလူၬတၭ,- ဆၧၥၭမဲၪၥၭဖျဲၩ့မိဘၪအ ဝ့ၫၥံၪ, လၧနစူၪဒူၪအဒိၪအကၠီၩ့နီၪ အဝ့ၫၥံၪမိအီၪဂုး ဖုးဘဲၫလိးအၥိၭနီၪလီၫ. ထီးနၡၩခမျၧး ခၫ့ဂၬဆၧ, ယ ဟိဝၩဧ့, ထီးၦခမျၧး လၧနဎွ့ၩန့ထဲၩ့ဝ့ၫ မိခၫ့ဂၬယူၭဝ့ၫ 17လီၫ.- နမိဒုၭဂဲၫနုၬဝ့ၫ, ဒဲၥုၪ့လၩ့အဝ့ၫၥံၪ, လၧနဆၧန့ၥၫ အခိၪလီၩ့အလီၩ့, ထီးနအီၪက့ၪ လၧနအီၪအလး,ယ ဟိဝၩဧ့, ဆၧအလးဆံၫ့ဎံၪ, လၧနစူၪတဲၩ့ဝဲၩဝ့ၫ, ယဟိ 18ဝၩဧ့,- ယဟိဝၩ မိကဲၪစဎွၩ အဆိၩဆိၩအကၠၫကၠၫ လီၫ.
နးမံရအၫ့အထၭခိၪ.
19အဂဲးဘဲၫယီၩ ဖၫရိၫအကၥ့ၪ ဒဲအလဲၪ့ၥုၭၥံၪ, ဒဲအ ၡၩထူၬကၥ့ၪလ့ၩနုၬ လၧမၫဆမံၭဖၧၩ့တၭ, ယဟိဝၩ ဒုၭဂဲၫထဲၩ့ဒီၭ မၫဆမံၭထံၫ လၧအဝ့ၫၥံၪ အဖၫ့ခိၪလီၫ. အ့ၪမွဲၦအံၫစရ့လၭဖိၪ လ့ၩလၧခီၫ့ လၧမၫဆမံၭအကျၩ နီၪလီၫ.
20တၭမီၪအမုၪစအၫရၧၫ့အထၧၫ့ဖုဝဲမုၪ, နးမံရအၫ့အၪ့ မၩန့ဖီၩ့ကုၭ လၧအစူၪဖၧၩ့တၭ, ၦမုၪထီးအလူၬ လ့ၩ ဖိၬထၪ့အခဲၫ့ လၧဖီၩ့ကုၭလဖၪ, ဒဲဆၧဂဲထုၪ့လံလီၫ. 21တၭနးမံရအၫ့စံၭဆၧၫ့အဝ့ၫၥံၪ, ၥံၫကျံၩထၪ့ယဟိဝၩ နီၪဆံၭ. မွဲအကယးဒိၪကဖးဒိၪအဂဲးလီၫ. အၥ့ၪဒဲၦ ထူၬကၥ့ၪနီၪ, အဝ့ၫဒၪခွံၬလၩ့ခွံၬ လၧမၫဆမံၭဖၧၩ့ လီၫ.
ထံၫအခၪ.
22တၭစမိစ့ၭဒုၭစဲၪ့ထၪ့ ၦအံၫစရ့လၭဖိၪ လၧမၫဆမံၭ အံဒၧၫ့တၭ, လ့ၩဝ့ၫလၧမံၩ့လၬကျၩၡၧၫတၭ, လ့ၩဝ့ၫ ၥၧၫ့နံၩဖၧၩ့ၥၭ လၧမံၩ့လၬကျၩနီၪတၭ, ဒၪန့ထံၫအ့ၬ. 23တၭအဝ့ၫၥံၪ ထီၩ့ဝ့ၫလၧမၫရၫတၭ, အီၩမၫရၫအထံၫ နီၪကဲၪအ့ၬ, အဂဲးဘဲၫယီၩ မွဲအခၪလီၫ. မၩအၥၭဘဲၫ 24နီၪတၭ, ကိၭဝ့ၫအမံၩ့လၧမၫရၫလီၫ.- တၭၦခမျၧးၥံၪ ၥူၭဝံၪၥူၭလၩ လၧစမိစ့ၭ အလီၩ့စံၭဝ့ၫဒၪ, မွဲပမိအီၩ 25ဆၧနီၪလဲၪ.- စမိစ့ၭကိၭထၪ့ယဟိဝၩတၭ, ယဟိဝၩ ဒုၭနဲၪအဝ့ၫ လၧၥံၪ့လထံၭလီၫ. အဝ့ၫဒၪ ခွံၬလၩ့ဝ့ၫ လၧထံၫကျၩတၭ, ထံၫနီၪဆၧၫ့ထၪ့ဝ့ၫဒၪလီၫ. ထီးနီၪ အီၪက့ၪလၩ့ၥနိၫ, ဒဲဆၧစ့ၩရၫ့လမံၩ့ လၧအဝ့ၫၥံၪအဂး 26တၭ,ထီးနီၪမၩယိခွါအဝ့ၫၥံၪလီၫ.- တၭစံၭဝ့ၫဒၪ နအ့ၪ ခိၭနၪယဟိဝၩနယွၩအလူ လၩ့ထံးလၩ့ဆ့ၭ, ဒဲမၩဆၧ တီၩဆၧလီၩ့ လၧအမ့ၬယၫ, ဒဲဒိၭနနါလၧအဆၧမၪလူၬ လဖၪ, ဒဲထီးန့ဖံၭထၬအၥနိၫလဖၪ ထီးအလူၬတၭ,ဆၧ စူၭဆၧဆၫလၧယဒုၭဘၪ ၦအံဇံၭဖိၪနီၪ, ယအီၪက့ၪ လၧနလီၩ့နးမံၩ့အ့ၬ. အဂဲးဘဲၫယီၩ ယမွဲယဟိဝၩလၧ အမၩဘျၪထဲၩ့နၧၩလီၫ.
27တၭအဝ့ၫၥံၪ ဂဲၫထီၩ့လၧအံလံၫ့, ထီးထံၫဖၧၩ့အီၪ လဆံၫနံၫဖၧၩ့, ဒဲစီၩ့မလီၫ့အထံၭအီၪ နွ့ၫဆံၫတၭ, အ ဝ့ၫၥံၪၥုၪ့အတဲၩ လၧထံၫဖၧၩ့အနဲၩ့ထံၭနီၪလီၫ.
Currently Selected:
၂ မိ 15: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
