လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၁၂
၁၂
1ဒီးပုၢ်သ့ၣ်ဝဲၢ်သ့ၣ်ဧၢ, တၢ်ဟ့ၣ်တဖၣ်ဘၣ်ဃးဒီးသး အဂ့ၢ်အကျိၤန့ၣ်, လၢသုတသ့ၣ်ညါဘၣ်န့ၣ်,ယသးတ အိၣ်ဘၣ်.
2သုသ့ၣ်ညါလၢသုမ့ၢ်တ့ၢ်ပှၤကလုာ်တဖၣ်, ဒီးဘၣ် တၢ်ဆှၢသုဆူတၢ်ဂီၤလၢအတအုၣ်တဖၣ်အအိၣ်, ဖဲဒၣ် တၢ်ဆှၢသုအသိးန့ၣ်လီၤ. 3မၤသးဒ်န့ၣ်ဒီးယဘိးဘၣ် သ့ၣ်ညါသုလၢပှၤမ့ၢ်ကတိၤတၢ်လၢယွၤအသးဒီး, တ စံးဘၣ်လၢ ယ့ၣ်ရှူးမ့ၢ်တၢ်ဘၣ်ဆိၣ်အၢန့ၣ်, နီတဂၤ ဘၣ်. ဒီးမ့တမ့ၢ်ဘၣ်လၢသးစီဆှံဘၣ်ဒီး,ပှၤစံးလၢယ့ၣ် ရှူးမ့ၢ်ကစၢ်,တသ့ဘၣ်နီတဂၤဘၣ်.
4ဒီးတၢ်ဟ့ၣ်န့ၣ်အိၣ်လီၤဆီအါမံၤဘၣ်ဆၣ်ဒီး, သးန့ၣ် မ့ၢ်တဂၤဃီလီၤ. 5ဒီးတၢ်အခ့အပှၤအတၢ်မၤအိၣ်လီၤ ဆီအါမံၤဘၣ်ဆၣ်ဒီး, ကစၢ်မ့ၢ်တဂၤဃီလီၤ. 6ဒီးတၢ် ဖံးတၢ်မၤအိၣ်လီၤဆီအါမံၤဘၣ်ဆၣ်ဒီး, ယွၤလၢအမၤ တၢ်ခဲလၢာ်လၢပှၤခဲလၢာ်အပူၤ, မ့ၢ်တဂၤဃီလီၤ. 7ဒီး တၢ်ဟ့ၣ်လီၤပှၤတဂၤဒီးတဂၤ အတၢ်ဒုးဖျါထီၣ်သးန့ၣ် လၢတၢ်ဘျုးတၢ်ဖှိၣ်အဂီၢ်လီၤ. 8အဂ့ၢ်ဒ်အံၤ,တၢ်ဟ့ၣ် လီၤပှၤတဂၤလၢတၢ်ကတိၤကူၣ်သ့လၢသးန့ၣ်, ဒီးပှၤ တဂၤဒၣ်လၢ တၢ်ကတိၤသ့ၣ်ညါတၢ်, လၢသးတဂၤ ဃီ, 9ဒီးပှၤတဂၤဒၣ်လၢတၢ်နာ်, လၢသးတဂၤဃီ,ဒီး ပှၤတဂၤဒၣ်လၢတၢ်ဟ့ၣ်မၤဘျါက့ၤ တၢ်ဆူးတၢ်ဆါ, လၢသးတဂၤဃီ, 10ဒီးတဂၤဒၣ်လၢတၢ်မၤလီၤလးတၢ်, ဒီးတဂၤဒၣ်လၢတၢ်ကတိၤလၢဝံအကျိာ်, ဒီးတဂၤဒၣ် လၢတၢ်သ့ၣ်ညါနီၤဖး သးတဖၣ်အဆၢ, ဒီးတဂၤဒၣ် လၢပျ့ၤအကလုာ်ကလုာ်, ဒီးတၢ်ဂၤဒၣ်လၢတၢ်ဒုးနဲၣ် ပျ့ၤတဖၣ်အခီပညီလီၤ. 11ဘၣ်ဆၣ်ဒီး တၢ်တဖၣ်ခဲ လၢာ်အံၤမၤအသးလၢသးတဂၤဃီဒၣ်တၢ်,လၢအဟ့ၣ် နီၤဖးတၢ်တဂၤတမံၤ, တဂၤတမံၤ, အတၢ်လီၤဆီဖဲဒၣ် အသးလီၤ.
12အဂ့ၢ်ဒ်အံၤ, ဒ်နီၢ်မ့ၢ်တဂၤဃီဒီး အိၣ်ဒီးအက့ၢ်အဂီၤ အါမံၤ, ဒီးနီၢ်တဂၤအက့ၢ်အဂီၤခဲလၢာ်အိၣ်အါမံၤဘၣ် ဆၣ်ဒီး, မ့ၢ်နီၢ်တဂၤဃီအသိးန့ၣ်,ခရံာ်မ့ၢ်စ့ၢ်ကီးဒ်န့ၣ် အသိးလီၤ. 13အဂ့ၢ်ဒ်အံၤ,ပဝဲဒၣ်အံၤ,ပှၤယူဒၤဖိမ့ၢ်ဂ့ၤ, ပှၤဟ့းလ့ၣ်ဖိမ့ၢ်ဂ့ၤ, ပှၤကုၢ်ဖိမ့ၢ်ဂ့ၤ, ပှၤသဘျ့ဖိမ့ၢ်ဂ့ၢ်, လၢသးတမံၤဃီပဒိးဘျၢ*ပသးခဲလၢာ်ဆူ နီၢ်တဂၤဃီ အပူၤ, ဒီးတၢ်ဒုးအီပှၤလၢသးတမံၤဃီအပူၤ, ခဲလၢာ် လီၤ.
14အဂ့ၢ်ဒ်အံၤ, နီၢ်မ့ၢ်အက့ၢ်အဂီၤတမံၤဧိၤတမ့ၢ်စ့ၢ်ကီး ဘၣ်. မ့ၢ်အါမံၤလီၤ. 15ခီၣ်မ့ၢ်စံး,ယတမ့ၢ်ဘၣ်စုဘၣ်, ဒီးယတဘၣ်ဃးဘၣ်ဒီးနီၢ်ဘၣ်န့ၣ်ဒီး, မၤသးဒ်န့ၣ်ဒီး, မ့ၢ်အတဘၣ်ဃးဘၣ်ဒီးနီၢ်ဘၣ်ဧါ. 16ဒီးနၢ်မ့ၢ်စံး,ယတ မ့ၢ်ဘၣ်မဲာ်ဘၣ်, ဒီးယတဘၣ်ဃးဘၣ်ဒီးနီၢ်ဘၣ်န့ၣ် ဒီး, မၤသးဒ်န့ၣ်ဒီးမ့ၢ်အတဘၣ်ဃးဘၣ်ဒီးနီၢ်ဘၣ်ဧါ.-
17နီၢ်မ့မ့ၢ်မဲာ်ဒီဂၤညါဒီး, နၢ်ဟူတၢ်ကအိၣ်ဖဲလဲၣ်.နီၢ်မ့မ့ၢ် နၢ်ဒီဂၤညါဒီး,နၢတၢ်ကအိၣ်ဖဲလဲၣ်.
18ဘၣ်ဆၣ်ဒီးခဲကနံၣ်အံၤ, ယွၤပာ်တၢ်အက့ၢ်အဂီၤတ မံၤဒီးတမံၤလၢနီၢ်အပူၤ, ဖဲဒၣ်အသးလီၤ. 19ဒီးတၢ်ခဲ လၢာ်မ့မ့ၢ်တၢ်အက့ၢ်အဂီၤတမံၤဧိၤဒီး, နီၢ်ကအိၣ်ဖဲ လဲၣ်. 20မ့မ့ၢ်ခဲကနံၣ်အံၤ, တၢ်အက့ၢ်အဂီၤအိၣ်အါမံၤ, ဒီးနီၢ်အိၣ်တဂၤဃီလီၤ. 21ဒီးမဲာ်န့ၣ်စံးဘၣ်စု,ယမၤတၢ် ဒီးနၤအလီၢ်တအိၣ်ဘၣ်န့ၣ်,တသ့ဘၣ်. မၤကဒီးတစု, ခိၣ်န့ၣ်စံးဘၣ်ခီၣ်, ယမၤတၢ်ဒီးသုအလီၢ်တအိၣ်ဘၣ် န့ၣ်,တသ့ဘၣ်. 22မ့မ့ၢ်အါန့ၢ်အန့ၣ်တက့ၢ်အက့ၢ်အဂီၤ လၢအလီၤဂၤလၢ အဂံၢ်အဘါစၢ်ဒိၣ်တက့ၢ်တဖၣ်န့ၣ်, ပမၤအီၤအလီၢ်အါတက့ၢ်လီၤ. 23ဒီးနီၢ်အက့ၢ်အဂီၤလၢ ပဆိကမိၣ်လၢအလၤကပီၤဆံးတက့ၢ်တဖၣ်န့ၣ်, ပပာ် လၤကပီၤအီၤဒိၣ်ဒၣ်တၢ်တက့ၢ်လီၤ. ဒီးပက့ၢ်ပဂီၤလၢ အလၤကပီၤတအိၣ်ဘၣ်တဖၣ်န့ၣ်, အိၣ်ဒီးအလၤက ပီၤဒိၣ်ဒၣ်တၢ်တက့ၢ်လီၤ. 24ဒီးပက့ၢ်ပဂီၤလၢအလၤအ ကပီၤအိၣ်ဝဲတဖၣ်န့ၣ်, န့ၢ်ဘၣ်တၢ်အလီၢ်တအိၣ်ဘၣ် မ့မ့ၢ်ယွၤကတဲာ်ကတီၤပနီၢ်ခိ, ဒီးဟ့ၣ်အလၤကပီၤဒိၣ် လၢတၢ်လၢအလၤကပီၤဆံးတဖၣ်န့ၣ်, 25ဒ်သိးတၢ်လီၤ မုၢ်လီၤဖးသုတအိၣ်လၢနီၢ်အပူၤတဂ့ၤ, မ့မ့ၢ်အက့ၢ်အ ဂီၤကအံးက့ၤကွၢ်က့ၤလိာ်အသး ထဲသိးထဲသိးန့ၣ် လီၤ. 26ဒီးတၢ်အက့ၢ်အဂီၤတမံၤမ့ၢ်ဘၣ်တၢ်နးတၢ်ဖှီၣ် ဒီး, တၢ်အက့ၢ်အဂီၤဘၣ်ဃုာ်ခဲလၢာ်စ့ၢ်ကီးလီၤ. ဒီး တၢ်အက့ၢ်အဂီၤတမံၤမ့ၢ်ဘၣ်တၢ်လၤကပီၤဒီး, တၢ်အ က့ၢ်အဂီၤခဲလၢာ်သးခုစ့ၢ်ကီးဒီးအီၤလီၤ.
27ဒီးသုမ့ၢ်ခရံာ်အနီၢ်ခိ, ဒီးအက့ၢ်အဂီၤစုာ်စုာ်လီၤ.
28ဒီးယွၤပာ်ပှၤလၢတၢ်အိၣ်ဖှိၣ်အပူၤန့ၣ်, အခီၣ်ထံးမ့ၢ် ပှၤတၢ်မၢဖိတဖၣ်, ပှဲၤထီၣ်ခံမံၤတမံၤ,ဝံဧိၤမီၣ်ဧိၤတဖၣ်, ပှဲၤထီၣ်သၢမံၤတမံၤ, ပှၤသိၣ်တၢ်သီတၢ်တဖၣ်,လၢခံ က့ၤန့ၣ်ပှၤမၤတၢ်လီၤလးတဖၣ်, လၢခံက့ၤန့ၣ်ပှၤမၤ ဘျါက့ၤတၢ်ဆူးတၢ်ဆါတဖၣ်, ပှၤမၤစၢၤတၢ်တဖၣ်,ပှၤ စံၣ်ညီၣ်တၢ်တဖၣ်, ပှၤကတိၤတၢ်လၢပျ့ၤအကလုာ်က လုာ်တဖၣ်လီၤ. 29ပှၤခဲလၢာ်မ့ၢ်ပှၤတၢ်မၢဖိဧါ. ပှၤခဲ လၢာ်မ့ၢ်ဝံဧါ. ပှၤခဲလၢာ်မ့ၢ်ပှၤသိၣ်တၢ်သီတၢ်ဧါ.ပှၤခဲ လၢာ်မ့ၢ်ပှၤမၤလီၤလးတၢ်ဧါ. 30ပှၤခဲလၢာ်မ့ၢ်ပှၤမၤဘျါ က့ၤတၢ်ဆူးတၢ်ဆါဧါ. ပှၤခဲလၢာ်မ့ၢ်ပှၤကတိၤတၢ်လၢ ပျ့ၤတဖၣ်ဧါ. ပှၤခဲလၢာ်မ့ၢ်ပှၤကတိၤကျိာ်တၢ်အဆၢ ဧါ. 31ဘၣ်ဆၣ်ဒီးသးကွံသပှၢ်ပှၢ်တၢ်ဟ့ၣ်လၢ အဂ့ၤ ကတၢၢ်တဖၣ်တက့ၢ်. မ့ၢ်နာ်သက့ဒ်န့ၣ်ဒီး,ယဒုးနဲၣ် သုကျဲလၢအဂ့ၤန့ၢ်အန့ၣ်တက့ၢ်လီၤ.
Currently Selected:
လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၁၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.