လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၁၃
၁၃
1ယမ့ၢ်ကတိၤတၢ်လၢ ပှၤကညီဒီးကလူးအပျ့ၤတဖၣ် ဘၣ်ဆၣ်ဒီး, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး,ယ မ့ၢ်ဒ်တိၢ်ဘီသီၣ်အသိး, ဒီးဒ်စှၢၣ်စှံးသီခြၣ်ခြၣ်အသိး န့ၣ်လီၤ. 2ဒီးယကတိၤတၢ်လၢဝံအကျိာ်မ့ၢ်သ့,ဒီးက ယဲၢ် တၢ်အဒီၣ်အယိာ်ယနၢ်မ့ၢ်ပၢၢ်, ဒီးယမ့ၢ်သ့ၣ်ညါ တၢ်ခဲလၢာ်, ဒီးယမ့ၢ်န့ၢ်ဘၣ်တၢ်နာ်ခဲလၢာ်, တုၤယ မၤသုးကစၢၢ်ကလိသ့, ဘၣ်ဆၣ်ဒီးယတၢ်အဲၣ်တၢ်ကွံ မ့ၢ်တအိၣ်ဘၣ်ဒီး, ယမ့ၢ်တၢ်ကလီကလီလီၤ.-
3ဒီးယမ့ၢ်ဟ့ၣ်အီၣ်ပှၤဂၤလၢယတၢ်ဖိတၢ်လံၤခဲလၢာ်,ဒီးယမ့ၢ် ဟ့ၣ်လီၤကွံာ်ယနီၢ်ခိဒ်သိး အကဘၣ်တၢ်ဆူးကိၢ်ဃိာ် အီၤဘၣ်ဆၣ်ဒီး, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတဘၣ်ဘျုးဘၣ်ဖှိၣ်လၢတၢ်နီတမံၤဘၣ်. တၢ်အဲၣ်တၢ်ကွံ ဝံသးစူၤတၢ်ဃဲးဃဲး, ဒီးမၤဂ့ၤတၢ်, တၢ်အဲၣ်တၢ်ကွံတသးကါဘၣ်တၢ်ဘၣ်, တပာ်ဘၣ် အသးကဖၢလၢဘၣ်, တပာ်ထီၣ်ထီဘၣ်အသးဘၣ်. 4တၢ်အဲၣ်တၢ်ကွံ ဝံသးစူၤတၢ်ဃဲးဃဲး, ဒီးမၤဂ့ၤတၢ်,တၢ်အဲၣ်တၢ်ကွံတသးကါဘၣ်တၢ်ဘၣ်, တပာ်ဘၣ်အသးကဖၢလၢဘၣ်, တပာ်ထီၣ်ထီဘၣ်အသးဘၣ်.-
5တမၤဘၣ်တၢ်တဂ့ၤတဘၣ်န့ၣ်ဘၣ်, တဃုဘၣ်အတၢ် ဒၣ်ဝဲဘၣ်, အသးတဒိၣ်ထီၣ်ဘၣ်,တဆိကမိၣ်ဘၣ်တၢ် အၢတၢ်သီဘၣ်. 6အသးတခုဘၣ်လၢ တၢ်တတီတ လိၤအပူၤဘၣ်, မ့မ့ၢ်အသးခုဝဲလၢတၢ်အမ့ၢ်အတီအ ပူၤလီၤ. 7ဒိးတၢ်ခဲလၢာ်,နာ်တၢ်ခဲလၢာ်,မုၢ်လၢ်တၢ်ခဲ လၢာ်, ဝံသးစူၤတၢ်ခဲလၢာ်လီၤ. 8တၢ်အဲၣ်တၢ်ကွံန့ၣ်, တလီၤတူာ်လီၤကာ်ဘၣ်, မ့မ့ၢ်တၢ်ကတိၤလၢဝံအ ကျိာ်ကပူၤကွံာ်, ပျ့ၤတဖၣ်ကဆိတ့ၢ်ဝဲ,ဒီးတၢ်သ့ၣ်ညါ ကပူၤကွံာ်လီၤ. 9အဂ့ၢ်ဒ်အံၤ,ပသ့ၣ်ညါတၢ်တနီၤဧိၤ, ဒီးပကတိၤတၢ်လၢဝံအကျိာ်တနီၤလီၤ. 10မ့မ့ၢ်တုၤတၢ် လၢတၢ်ပှဲၤဟဲဝဲဒီး, တၢ်တနီၤန့ၣ်ကပူၤကွံာ်ဝဲလီၤ.
11လၢယမ့ၢ်ဖိသၣ်န့ၣ်, ယကတိၤတၢ်ဒ်ဖိသၣ်အသိး, ယနၢ်ပၢၢ်တၢ်ဒ်ဖိသၣ်အသိး, ယကူၣ်တၢ်ဒ်ဖိသၣ်အ သိးလီၤ. မ့မ့ၢ်တုၤယသးပှၢ်ထီၣ်ဒီး, ယကွံာ်တ့ၢ်ကွံာ် ဖိသၣ်အတၢ်န့ၣ်လီၤ. 12အဂ့ၢ်ဒ်အံၤ,ခဲကနံၣ်အံၤ,ပထံၣ် ဘၣ်တၢ်လၢမဲာ်ထံကလၤ လၢအတဖျါဘၣ်, မ့မ့ၢ်ခဲ ကိာ်န့ၣ်,လၢမဲာ်သကိးမဲာ်လီၤ. ခဲကနံၣ်အံၤ, ယသ့ၣ် ညါတၢ်တနီၤ, မ့မ့ၢ်ခဲကိာ်န့ၣ်,ယကသ့ၣ်ညါထံတၢ်ဒ် တၢ်သ့ၣ်ညါထံယၤအသိးန့ၣ်လီၤ.
13ဒီးခဲကနံၣ်အံၤ, တၢ်နာ်,တၢ်မုၢ်လၢ်,တၢ်အဲၣ်တၢ်ကွံ, သၢမံၤန့ၣ် အိၣ်ဒၣ်တၢ်လီၤ. ဒီးတၢ်အဒိၣ်ကတၢၢ်လၢ အကျါန့ၣ်မ့ၢ်တၢ်အဲၣ်တၢ်ကွံလီၤ.
Currently Selected:
လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၁၃: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.