စံးထီၣ်ပတြၢၤ 91
91
ကစၢ်ယွၤလၢအကဟုဘံၣ်ကယာ်ဘၢပှၤ
1ပှၤလၢအအိၣ်ဝဲဆိးဝဲလၢ
တၢ်ထီကတၢၢ်တဂၤအလီၢ်တဒၢ,
ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,
2ကစံးဘၣ်ယွၤ,
“နမ့ၢ်ယတၢ်အိၣ်တဒၢအလီၢ်ဒီးယတိာ်,
ယကစၢ်ယွၤလၢယသန့ၤယသးလၢအီၤန့ၣ်လီၤ.”
3အဂ့ၢ်ဒ်အံၤ, အဝဲကမၤပူၤဖျဲးနၤလၢ
ပှၤဖီၣ်န့ၢ်ခူသူၣ်ထိၣ်အပျံၤသကွီၤ,
ဒီးလၢတၢ်သံသ့အတၢ်ဆူးတၢ်ဆါတဖၣ်န့ၣ်လီၤ.
4အဝဲကကျၢၢ်ဘၢနၤလၢအဒံးဆ့တဖၣ်,
နကဘၣ်တၢ်မၤပူၤဖျဲးနၤလၢ
အတၢ်အံးထွဲကွၢ်ထွဲနၤအပူၤ,
ဒီးအတၢ်သူၣ်တီသးလိၤ
ကကဟုဘံၣ်ကယာ်ဘၢနၤဒီးကဒီသဒၢနၤလီၤ.
5နတပျံၤဘၣ်တၢ်ပျံၤတၢ်ဖုးတဖၣ်လၢမုၢ်နၤမ့ၢ်ဂ့ၤ,
တၢ်ထီဒါသတူၢ်ကလာ်တဖၣ်လၢမုၢ်ဆါမ့ၢ်ဂ့ၤ,
6တၢ်သံသတြိာ်လၢအလဲၤတၢ်လၢတၢ်ခံးကျါမ့ၢ်ဂ့ၤ,
ဒီးတၢ်အၢတၢ်သီတဖၣ်လၢ
အမၤသံတၢ်လၢမုၢ်ဆါမ့ၢ်ဂ့ၤန့ၣ်ဘၣ်.
7ပှၤတကထိကလီၤဃံၤသံလၢနဃၢၤ,
ဒီးပှၤတကလးအိၣ်ဝးတရံးနၤ
ဘၣ်ဆၣ်နတဘၣ်တၢ်မၤဆါနၤဘၣ်.
8နကကွၢ်တၢ်ဒီးထံၣ်ဘၣ်ပှၤတတီတလိၤတဖၣ်
ဘၣ်တၢ်သိၣ်ဃီၣ်အီၤဒ်လဲၣ်န့ၣ်လီၤ.
9အဂ့ၢ်ဒ်အံၤ, နဒုးကဲထီၣ်တ့ၢ်လံယွၤလၢ
နတၢ်ပူၤဖျဲးအလီၢ်
ဒီးတၢ်ထီကတၢၢ်တဂၤလၢ
နတၢ်အိၣ်တၢ်ဆိးအလီၢ်န့ၣ်လီၤ.
10တၢ်အၢတလီၤဘၣ်လၢနလိၤနီတမံၤဘၣ်,
ဒီးတၢ်သံသတြိာ်တဟဲဘူးဘၣ်ဒီးနၤဘၣ်.
11အဂ့ၢ်ဒ်အံၤ, အဝဲကမၤလိာ်အကလူးတဖၣ်လၢ
နဂ့ၢ်နကျိၤဒီး
လၢကအံးထွဲကွၢ်ထွဲနၤလၢနကျဲခဲလၢာ်အပူၤလီၤ.
12အဝဲသ့ၣ်ကစိာ်ထီၣ်နၤလၢအစုဒ်သိး
နခီၣ်အသုတဘၣ်ဒိဘၣ်ထံးဒီး
လၢၢ်တဖၣ်တဂ့ၤလီၤ.
13နကယီၢ်တံၢ်ခ့ယုၢ်တဖၣ်ဒီးဂုၢ်သီတဖၣ်,
ခ့ယုၢ်ဖိဒီးဂုၢ်လၢအစုၣ်အၢန့ၣ်နကယီၢ်တံၢ်အီၤလၢ
နခီၣ်အဖီလာ်လီၤ.
14ကစၢ်ယွၤစံးဝဲဒၣ်, မ့ၢ်အသးစဲဘူးဒီးယၤဒီး
ယကမၤပူၤဖျဲးအီၤ,
ယကပာ်ထီၣ်ထီအီၤလၢ
အသ့ၣ်ညါယမံၤအဃိလီၤ.
15တုၤအကိးထီၣ်ယၤန့ၣ်ယကစံးဆၢအီၤ,
ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ,
ယကမၤပူၤမၤဖျဲးအီၤဒီးမၤလၤကပီၤအီၤလီၤ.
16ယကဒုးမံသူၣ်မံသးအီၤလၢတၢ်အိၣ်ကၢအိၣ်ခိး,
ဒီးဒုးနဲၣ်အီၤယတၢ်အုၣ်က့ၤခီၣ်က့ၤလီၤ.”
Currently Selected:
စံးထီၣ်ပတြၢၤ 91: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
