Popular Bible Verses from စံးထီၣ်ပတြၢၤ 91

Share

ကစံးဘၣ်ယွၤ, “နမ့ၢ်ယတၢ်အိၣ်တဒၢအလီၢ်ဒီးယတိာ်, ယကစၢ်ယွၤလၢယသန့ၤယသးလၢအီၤန့ၣ်လီၤ.”

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

အဂ့ၢ်ဒ်အံၤ, အဝဲကမၤလိာ်အကလူးတဖၣ်လၢ နဂ့ၢ်နကျိၤဒီး လၢကအံးထွဲကွၢ်ထွဲနၤလၢနကျဲခဲလၢာ်အပူၤလီၤ.

အဝဲကကျၢၢ်ဘၢနၤလၢအဒံးဆ့တဖၣ်, နကဘၣ်တၢ်မၤပူၤဖျဲးနၤလၢ အတၢ်အံးထွဲကွၢ်ထွဲနၤအပူၤ, ဒီးအတၢ်သူၣ်တီသးလိၤ ကကဟုဘံၣ်ကယာ်ဘၢနၤဒီးကဒီသဒၢနၤလီၤ.

အဂ့ၢ်ဒ်အံၤ, နဒုးကဲထီၣ်တ့ၢ်လံယွၤလၢ နတၢ်ပူၤဖျဲးအလီၢ် ဒီးတၢ်ထီကတၢၢ်တဂၤလၢ နတၢ်အိၣ်တၢ်ဆိးအလီၢ်န့ၣ်လီၤ. တၢ်အၢတလီၤဘၣ်လၢနလိၤနီတမံၤဘၣ်, ဒီးတၢ်သံသတြိာ်တဟဲဘူးဘၣ်ဒီးနၤဘၣ်.

အဂ့ၢ်ဒ်အံၤ, အဝဲကမၤပူၤဖျဲးနၤလၢ ပှၤဖီၣ်န့ၢ်ခူသူၣ်ထိၣ်အပျံၤသကွီၤ, ဒီးလၢတၢ်သံသ့အတၢ်ဆူးတၢ်ဆါတဖၣ်န့ၣ်လီၤ.

ပှၤတကထိကလီၤဃံၤသံလၢနဃၢၤ, ဒီးပှၤတကလးအိၣ်ဝးတရံးနၤ ဘၣ်ဆၣ်နတဘၣ်တၢ်မၤဆါနၤဘၣ်.

နတပျံၤဘၣ်တၢ်ပျံၤတၢ်ဖုးတဖၣ်လၢမုၢ်နၤမ့ၢ်ဂ့ၤ, တၢ်ထီဒါသတူၢ်ကလာ်တဖၣ်လၢမုၢ်ဆါမ့ၢ်ဂ့ၤ, တၢ်သံသတြိာ်လၢအလဲၤတၢ်လၢတၢ်ခံးကျါမ့ၢ်ဂ့ၤ, ဒီးတၢ်အၢတၢ်သီတဖၣ်လၢ အမၤသံတၢ်လၢမုၢ်ဆါမ့ၢ်ဂ့ၤန့ၣ်ဘၣ်.