စံးထီၣ်ပတြၢၤ 87
87
လၢတၢ်စံးထီၣ်ပတြၢၤယရူၤၡလ့ၣ်
1ယွၤသူၣ်ထီၣ်အဝ့ၢ်လၢကစၢၢ်စီဆှံအဖီခိၣ်လီၤ.
2ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ
လၢအအိၣ်လၢအံၣ်စရ့လးအပူၤတက့ၢ်လီၤ.
3ကစၢ်ယွၤအဝ့ၢ်ဧၢ, ဒိကနၣ်
တၢ်လီၤလိၢ်လးတဖၣ်
လၢအဝဲစံးတၢ်လၢနဂ့ၢ်န့ၣ်တက့ၢ်. စ့လၤ
4ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ်
ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ.
ယကဂံၢ်ဃုာ်ပှၤဖလ့ၡသးဖိ,
ပှၤထါယၢၣ်ဖိဒီး ပှၤကူၤၡးဖိလၢ
ပှၤဝ့ၢ်ယရူၤၡလ့ၣ်အကျါန့ၣ်လီၤ.
5လၢစံယိၣ်အဂ့ၢ်န့ၣ် တၢ်ကစံးဝဲဒၣ်လၢ
ပှၤကိးကလုာ်ဒဲးဘၣ်ထွဲဖဲန့ၣ်,
ဒီးတၢ်စိတၢ်ကမီၤ
ခဲလၢာ်အကစၢ်
ကမၤဆူၣ်ထီၣ်အီၤလီၤ.
6ယွၤကကွဲးလီၤအပှၤဂီၢ်မုၢ်အမံၤ အတၢ်ကွဲးနီၣ်ဒီး
ဒၢနုာ်အဝဲသ့ၣ်ခဲလၢာ်ဒ် ဝ့ၢ်ယရူၤၡလ့ၣ်အပှၤဝ့ၢ်ဖိတဖၣ်အသိး န့ၣ်လီၤ. စ့လၤ
7အဝဲသ့ၣ် ဂဲၤကလံာ်ဒီး သူၣ်ဝံၣ်သးဆၢ
တၢ်စံးဝဲ,
“ပတၢ်ဆိၣ်ဂ့ၤခဲလၢာ်အဂံၢ်ထံးန့ၣ်
ဟဲလၢစံယိၣ်အပူၤလီၤ.”
Currently Selected:
စံးထီၣ်ပတြၢၤ 87: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
