လံာ်စီၤယိၤဘး 6
6
1-2တုၤနုၤတစုစီၤယိၤဘးစံးဆၢဝဲဒၣ်, “ယတၢ်ကိၢ်တၢ်ဂီၤဒီးယတၢ်နးတၢ်ဖှီၣ်သ့ၣ်တဖၣ်မ့ၢ်ဘၣ် တၢ်စီၤအီၤလၢစီၤပီၢ်န့ၣ်ဒီး,
3ကဃၢဒိၣ်န့ၢ်ဒံးပီၣ်လဲၣ်အမဲးတဖၣ်တက့ၢ်န့ၣ်လီၤ. လၢတၢ်န့ၣ်အဃိယတၢ်ကတိၤတပျူာ်တပျီၤသ့ၣ်တဖၣ် တကြၢးဒုးကမၢကမၣ်သုဘၣ်.
4သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.
5ကသ့ၣ်ယီၤမံၤသူၣ်မံသးမံဖဲအအီၣ်ဘၣ်နီၣ်ဧိၤမံၤဧိၤဒီးဂီၤ ဖံးအိၣ်ဘှီၣ်ဖဲအအီၣ်နီၣ်ဃ့န့ၣ်လီၤ.
6ဘၣ်ဆၣ်ဒီးတၢ်အီၣ်အဘျါလၢတအိၣ်ဒီးအံသၣ်န့ၣ်မတၤအီၣ် ကဝံၣ်လဲၣ်. လၢထိၣ်ဒံၣ်အကပိၤဝါပူၤန့ၣ်တၢ်အဝံၣ်အဘဲမနုၤ တမံၤအိၣ်လဲၣ်.
7တၢ်အီၣ်ဒ်န့ၣ်အသိးတဖၣ်န့ၣ်ယသးတဃ့အီၣ်ဘၣ်. ဒီးကယဲၢ်တၢ်လၢယအီၣ်ခဲလၢာ်န့ၣ်ကဲထီၣ်တၢ်ဆူးတၢ်ဆါ လၢယဂီၢ်လီၤ.
8ဘၣ်မနုၤလၢကစၢ်ယွၤတဟ့ၣ်ယၤတၢ်လၢယဃ့န့ၣ်လဲၣ်. ဘၣ်မနုၤလၢအဝဲတစံးဆၢယတၢ်ထုကဖၣ်န့ၣ်လဲၣ်.
9မ့ၢ်အသးအိၣ်ဒၣ်ထဲလၢကမၤသံယၤန့ၣ်ဧါ. ကပျၢ်စုပျၢ်ခီၣ်ဒီး ဒီၣ်တဲာ်ကွံာ်ယၤန့ၣ်ဧါ.
10ယမ့ၢ်သ့ၣ်ညါတ့ၢ်လၢကမၤဝဲဒ်န့ၣ်ဒီး, ယတၢ်နးတၢ်ဖှီၣ်မ့ၢ် ဒိၣ်ထဲလဲၣ်ဘၣ်ဆၣ်ယစံၣ်ထီၣ်လၢတၢ်သးခုအပူၤလီၤ. အဂ့ၢ်ဒ်အံၤယသ့ၣ်ညါလၢကစၢ်ယွၤန့ၣ်စီဆှံဝဲဒီးအတၢ်မၤလိာ် တဖၣ်န့ၣ်ယတထီဒါအီၤနီတစုဘၣ်.
11တၢ်ဂံၢ်တၢ်ဘါမနုၤတမံၤလၢအိၣ်ဒီးယၤလၢကဒုးမူဒံးယၤဆူ ညါအဂီၢ်န့ၣ်လဲၣ်. ဖဲယတၢ်မုၢ်လၢ်တအိၣ်လၢၤဘၣ်န့ၣ်ဘၣ်မနုၤ လၢယဘၣ်အိၣ်မူဒံးဆူညါန့ၣ်လဲၣ်.
12မ့ၢ်ယဘၣ်တၢ်တ့ယၤလၢလၢၢ်ဧိၤလ့ဧိၤန့ၣ်ဧါ. ဒီးယနီၢ်ခိနီၢ်ခီမ့ၢ်တိာ်ဧိၤပှာ်ဧိၤန့ၣ်ဧါ.
13လၢယကအုၣ်က့ၤခီၣ်က့ၤလီၤယသးဒၣ်ယဲအဂီၢ်ယဂံၢ်ယဘါ တအိၣ်တ့ၢ်လၢၤနီတစဲးဘၣ်. တၢ်လီၢ်တအိၣ်ဝဲနီတပူၤဒ်သိး ယကကွၢ်ထီၣ်တၢ်လၢတၢ်မၤစၢၤအဂီၢ်န့ၣ်ဘၣ်.
14လၢ တၢ်ကီတၢ်ခဲ ဒ်သိးအံၤအပူၤန့ၣ်, ယလိၣ်ဘၣ်တံၤသကိးလၢ အသူၣ်တီသးလိၤတဖၣ်, ဖဲယညိကွံာ်ကစၢ်ယွၤမ့ၢ်ဂ့ၤ, တညိကွံာ်အီၤဘၣ်မ့ၢ်ဂ့ၤန့ၣ်လီၤ.
15မ့မ့ၢ်သုဝဲ, ယတံၤသကိးသ့ၣ်ဧၢ, သုလီယၤလီၤဂာ်ဒ်ထံကျိဖိ တဖၣ်လၢအလီၤသံးကွံာ်ဝဲဖဲတၢ်တဟဲစူၤဘၣ်အကတီၢ်န့ၣ်လီၤ.
16ထံကျိဖိတဖၣ်န့ၣ်ဘၣ်တၢ်ခဲဘၢအီၤလၢမူခိၣ်ဖီဒီးထံလီၤသ ကၤန့ၣ်လီၤ.
17ဒီးတုၤတၢ်ဟဲကိၢ်ထီၣ်အကတီၢ်န့ၣ်မူခိၣ်ဖီဒီးထံလီၤသကၤဟါ မၢ်ကွံာ်ဝဲ, ဒီးထံကျိဖိအလီၢ်တဖၣ်န့ၣ်လီၤသံးကွံာ်ဝဲဒီး ဃ့ထီကွံာ်ဝဲလီၤ.
18ပှၤလဲၤတၢ်ဖိသ့ၣ်တဖၣ်ဟးကမၣ်ကျဲလၢအတၢ်ဃုထံၣ်န့ၢ် ထံအဃိ, အဝဲသ့ၣ်ဟးဝ့ၤဝီၤဝဲဒီးသံကွံာ်ဝဲဒၣ်မဲးမုၢ်ခိၣ် န့ၣ်လီၤ.
19တ့မၤဒီးၡဘၤအပှၤလဲၤတၢ်ဖိသ့ၣ်တဖၣ်ဃုဝဲလၢတၢ်မုၢ်လၢ်အ ပူၤ,
20ဘၣ်ဆၣ်အတၢ်မုၢ်လၢ်လၢာ်ကွံာ်ဝဲဖဲထံကျိဖိလၢအလီၤသံးကွံာ် အကပၤန့ၣ်လီၤ.
21လၢယဂီၢ်န့ၣ်သုလီၤဂာ်ထံကျိဖိဒ်န့ၣ်တဖၣ်အသိးလီၤ. သုထံၣ်ယတၢ်နးတၢ်ဖှီၣ်ဒီးသုဂုၤက့ၤဆူလီၢ်ခံလၢတၢ်ပျံၤတၢ် ဖုးအပူၤန့ၣ်လီၤ.
22မ့ၢ်ယဃ့တ့ၢ်လံသုလၢသုကဟ့ၣ်ယၤတၢ်ဟ့ၣ်တမံၤမ့တမ့ၢ် လၢသုကဟ့ၣ်ခိၣ်ဖးလာ်ဆှိးဆူပှၤတဂၤဂၤလၢယခၢၣ်စးမ့ၢ်ဂ့ၤ,
23တၢ်မၤပူၤဖျဲးယၤလၢဒုၣ်ဒါတနီၤအစုပူၤမ့ၢ်ဂ့ၤဒီးလၢပှၤ ပၢၤတၢ်အၢအၢသီသီတနီၤအစုပူၤမ့ၢ်ဂ့ၤန့ၣ်ဧါ.
24ဂ့ၤလံ, သိၣ်လိယၤတက့ၢ်. ဒုးသ့ၣ်ညါယၤယတၢ်ကမၣ်တဖၣ်တက့ၢ်. ယကအိၣ်ဘှ့ၣ်အိၣ်ဘှီၣ်ဒီးဒိကနၣ်သုလီၤ.
25တၢ်ကတိၤအတီအလိၤတဖၣ်န့ၣ်လီၤနာ်ဝဲဘၣ်ဆၣ်သုတၢ်ကတိၤ တဖၣ်န့ၣ်မ့ၢ်တၢ်ကလီကလီလီၤ.
26သုဆိကမိၣ်လၢယကတိၤတၢ်ကလီကလီလၢအခီပညီတအိၣ် ဘၣ်လီၤ. ဒီးဘၣ်မနုၤလၢသုစံးဆၢယတၢ်သးဟးဂီၤအတၢ် ကတိၤတဖၣ်န့ၣ်လဲၣ်.
27ဒီးသုကဖီၣ်ဒၣ်လဲာ်တၢ်ဖးလၢတၢ်မၤန့ၢ်ကုၢ်ဖိၣ်ဃဲဖိတဖၣ်အ ဂီၢ်ဒီးဆါလီၤကွံာ်သုတံၤသုသကိးတံၢ်နီၢ်တဖၣ်လၢသုကထူး ထီၣ်တီၤထီၣ်အဂီၢ်န့ၣ်လီၤ.
28ကွၢ်ယမဲာ်ထံထံဆးဆးတက့ၢ်. ယတလီတၢ်ဘၣ်.
29သုလဲၤတလၢကွံာ်အခၢးလံ. ဆိကတီၢ်သုတၢ်စံၣ်ညီၣ်တတီ န့ၣ်တက့ၢ်. စံးအၢစံးသီယၤတဂ့ၤ. ယအိၣ်လၢတၢ်အဘၣ် တကပၤလီၤ.
30ဘၣ်ဆၣ်သုဆိကမိၣ်လၢယလီတၢ်လီၤ. သုဆိကမိၣ်လၢယနီၤ ဖးတၢ်အဘၣ်ဒီးတၢ်အကမၣ်တသ့ဘၣ်လီၤ.
Currently Selected:
လံာ်စီၤယိၤဘး 6: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
