လံာ်စီၤယိၤဘး 7
7
1ပှၤကညီအတၢ်အိၣ်မူလၢဟီၣ်ခိၣ်ချၢအံၤလီၤဂာ်ဒီးသုးမုၢ်အတၢ် မၤလၢအအိၣ်ဒီး, တၢ်မၤဆူၣ်မၤနၢၤ, ဒ်ပှၤဒိးလဲအသးအတၢ်အိၣ်မူအဆူၣ်အကိၢ်အသိး,
2ဒ်ကုၢ်တဂၤလၢအဆၢန့ၢ်တၢ်ကဒုအသိး, ဒီးဒ်ပှၤမၤတၢ်ဖိတဂၤလၢ အခိးကွၢ်လၢ်အဘူးအလဲအသိးန့ၣ်လီၤ.
3တလါဝံၤတလါလၢယကမူယဲအဂီၢ်ယတအိၣ်ဒီးတၢ်နီတမံၤဘၣ်. မုၢ်နၤတနၤဝံၤတနၤဟဲစိာ်န့ၢ်ယၤတၢ်သူၣ်အုးသးအုးန့ၣ်လီၤ.
4တုၤယမံလီၤဒ်သိးယကမံန့ၣ်, တၢ်ဆၢကတီၢ်လၢာ်ကွံာ်ဃၢမး, ယဃၣ်ယသးယၢ်ခီယၢ်ခီသီတနၤကျၢၤဒီးဆၢလၢမုၢ်ကဆ့ၣ် ဝါထီၣ်န့ၣ်လီၤ.
5ယနီၢ်ဒီတဂၤညါပှဲၤဝဲဒီးလၢၣ်ဧိၤဆှးဧိၤတဖၣ်, ဘၣ်တၢ်ကျၢၢ်ဘၢအီၤလၢတၢ်ပူၤလီၢ်သးဃ့တဖၣ်, ဒီးတၢ်အဖံအစီၤသ့ၣ်တဖၣ်ယွၤလီၤဝဲလၢယပူၤလီၢ်တဖၣ်န့ၣ်လီၤ.
6ယမုၢ်နံၤမုၢ်သီသ့ၣ်တဖၣ်လဲၤပူၤကွံာ်ဝဲလၢတၢ်မုၢ်လၢ်တအိၣ် ဘၣ်အပူၤ, ဒီးလဲၤပူၤကွံာ်ဝဲချ့န့ၢ်ပှၤထါထၣ်ဖိအလုၣ်ထွံ တက့ၢ်န့ၣ်လီၤ.
7ကစၢ်ယွၤဧၢ, သ့ၣ်နီၣ်ထီၣ်က့ၤလၢယတၢ်အိၣ်မူအံၤမ့ၢ်ဒၣ်ထဲတၢ် သါတဘီဧိၤန့ၣ်တက့ၢ်. ယတၢ်သူၣ်ဖှံသးညီကတၢၢ်ကွံာ်တ့ၢ်လံ.
8နထံၣ်ယၤခဲကနံၣ်အံၤဘၣ်ဆၣ်လၢခံနတထံၣ်ဘၣ်ယၤနီတစု လၢၤဘၣ်. နမ့ၢ်ကွၢ်ဃုယၤဒီးယတအိၣ်လၢၤဘၣ်.
9ဒ်တၢ်အၢၣ်လၢအဒံကွံာ်ဒီးဟါမၢ်ကွံာ်အသိးန့ၣ်, ပှၤတဂၤသံဝဲဒီးတဟဲက့ၤကဒါက့ၤနီတစုလၢၤဘၣ်. 10အဝဲဘၣ်တၢ်သးပ့ၤနီၣ်ကွံာ်အီၤလၢပှၤလၢအသ့ၣ်ညါတ့ၢ်အီၤ ခဲလၢာ်န့ၣ်လီၤ.
11လၢတၢ်န့ၣ်အဃိယအိၣ်ဃိကလာ်တသ့ဘၣ်. ယကကတိၤ တၢ်လၢတၢ်ကိၢ်တၢ်ဂီၤပှဲၤယသးဒီးကဒူးကဒၣ်လၢ ယတၢ်သးဆါအပူၤလီၤ. 12ဘၣ်မနုၤအဃိနကွၢ်ဟုၣ်ကွၢ်စုာ်ယၤန့ၣ်လဲၣ်. မ့ၢ်နဆိကမိၢ်လၢယမ့ၢ်ပီၣ်လဲၣ်ပယိၤန့ၣ်ဧါ.
13ယမံလီၤဒီးဂုာ်ကျဲးစၢးအိၣ်ဘှံးယဲ, ယဃုတၢ်မၤမုာ်ထီၣ်က့ၤ ယၤလၢယတၢ်ဆူးတၢ်ဆါန့ၣ်လီၤ.
14ဘၣ်ဆၣ်နၤ, နမ့ၢ်ပှၤလၢအမၤပျံၤမၤဖုးယၤလၢတၢ်မံမီၢ်သ့ၣ် တဖၣ်, နဟ့ၣ်လီၤယၤတၢ်ထံၣ်မှံထံၣ်ပျီၢ်သ့ၣ်တဖၣ်ဒီးတၢ်မံမီၢ် ပျီၢ်သီအအၢသ့ၣ်တဖၣ်,
15တုၤဒၣ်လဲာ်ယအဲၣ်ဒိးဘၣ်တၢ်စံၢ်သံယၤဒိၣ်န့ၢ်ဒံးယကအိၣ် မူလၢယနီၢ်ခိနီၢ်ကစၢ်လၢအဘၣ်နးဘၣ်ဖှီၣ်အပူၤအံၤတက့ၢ်န့ၣ်လီၤ.
16ဘၣ်လံ. ယသးလၢာ်ကွံာ်တၢ်အိၣ်မူလံ. ပျဲယအိၣ်ဒၣ်ယတၢ်တက့ၢ်. ယတၢ်အိၣ်မူအခီပညီ တအိၣ်ဘၣ်.
17ဘၣ်မနုၤပှၤကညီမ့ၢ်တၢ်အကါဒိၣ်လၢနဂီၢ်ထဲန့ၣ်လဲၣ်. ဘၣ်မနုၤနပာ်သူၣ်ပာ်သးလၢအမၤတၢ်တဖၣ်န့ၣ်လဲၣ်.
18နသမံသမိးအီၤကိးမုၢ်ဂီၤဒီးနမၤကွၢ်အီၤကိးဆၢကိးကတီၢ် ဒဲးန့ၣ်လီၤ.
19မ့ၢ်နတဃၣ်ကွံာ်နသးယံာ်ယံာ်ဒ်သိးယကယူၢ်လီၤကွံာ်ဘၣ် ယထူၣ်ပျ့ၤထံဘၣ်ဧါ.
20ပှၤကွၢ်ထွဲပှၤကညီတဖၣ်တဂၤဧၢ, မ့ၢ်ယမၤဆါတ့ၢ်နၤလၢ ယတၢ်ဒဲးဘးအဃိဧါ. ဘၣ်မနုၤလၢနပာ်ယၤလၢနခးတၢ် အပနီၣ်န့ၣ်လဲၣ်. မ့ၢ်ယကဲထီၣ်တၢ်ဝံဃၢလၢနဂီၢ်ဖးဒိၣ်ဧါ.
21နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.
Currently Selected:
လံာ်စီၤယိၤဘး 7: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
