လံာ်စီၤယိၤဘး 4
4
တၢ်ကတိၤသကိးလိာ်သးအခီၣ်ထံးတဘျီ
(၄:၁-၁၄:၂၂)
1-2အန့ၣ်ဒီးပှၤတ့ၤမၣ်ဖိစီၤအလံဖးစးစံးဝဲ, စီၤယိၤဘးဧၢ, ယမ့ၢ်ကတိၤတၢ်ဒီးနၤဒီးမ့ၢ်နသးကဘၣ်တံာ် တာ်ဧါ. ယအိၣ်ဃိကလာ်တကဲလၢၤဘၣ်.
3ကွၢ်ကွၢ်, နသိၣ်လိသီလိတ့ၢ်ပှၤအါဂၤလံ, ဒီးနဒုးဆူၣ် ထီၣ်တ့ၢ်လံပှၤဂံၢ်စၢ်ဘါစၢ်သ့ၣ်တဖၣ်န့ၣ်လီၤ.
4ဖဲပှၤတဂၤဂၤဘၣ်ကိၢ်ဘၣ်ဂီၤ, အဂံၢ်စၢ်ဘါစၢ်ဒီးလီၤဘှံးဝဲ န့ၣ်နတၢ်ကတိၤတဖၣ်ဟ့ၣ်ဆူၣ်ထီၣ်အီၤဒ်သိးကဂဲၤဆၢထၢၣ် ဝဲဒၣ်န့ၣ်လီၤ.
5မ့မ့ၢ်ခဲကနံၣ်အံၤတၢ်ဟဲဘၣ်နၤဒီးနသူၣ်တစူၤသးသစူၤလၢၤဘၣ်. တၢ်ထိးဘၣ်နၤဒီးနသးဟးဂူာ်ဟးဂီၤလီၤ.
6နတၢ်ပျံၤကစၢ်ယွၤန့ၣ်တမ့ၢ်နတၢ်သန့ၤနသးအဂ့ၢ်ဘၣ်ဧါ. နတၢ်အိၣ်မူအလၢအပှဲၤန့ၣ်တမ့ၢ်နတၢ်မုၢ်လၢ်ဘၣ်ဧါ.
7ဆိကမိၣ်ထီၣ်က့ၤခဲအံၤတက့ၢ်. မ့ၢ်မတၤတဂၤလၢတၢ်ပာ်တၢ် ကမၣ်လၢအလိၤအလီၢ်တအိၣ်ဘၣ်န့ၣ်တုၤဆူတၢ်ဟးဂီၤတစုစုန့ၣ် လဲၣ်. မ့တမ့ၢ်ပှၤတီပှၤလိၤဘၣ်တၢ်ဒီၣ်တဲာ်ကွံာ်အီၤဖဲလဲၣ်ပူၤလဲၣ်.
8ဒ်ယထံၣ်တ့ၢ်ယဲအသိး, ပှၤလၢအထဲၣ်တၢ်အၢဒီးသူၣ်လီၤ တၢ်ကိၢ်တၢ်ဂီၤန့ၣ်ကူးဘၣ်က့ၤဝဲတၢ်န့ၣ်တမံၤဃီလီၤ.
9ဒီးကစၢ်ယွၤအတၢ်သးထီၣ်မၤဟးဂီၤကွံာ် အဝဲသ့ၣ်ဒ်ကလံၤမုၢ်အသိးန့ၣ်လီၤ.
10ပှၤတတီတလိၤကညီၤတၢ်ဒီးကညီၤထီၣ်တၢ်ဒ်ခ့ယုၢ်တဖၣ်ကညီၤတၢ် အသိး, ဘၣ်ဆၣ်ဒီးကစၢ်ယွၤဒုးအိၣ်ဃိကလာ်ကွံာ်အဝဲသ့ၣ် ဒီးမၤကၢ်ကွံာ်အဝဲသ့ၣ်အမဲတဖၣ်လီၤ.
11ဒ်ခ့ယုၢ်တဖၣ်လၢအကမၤသံတၢ်ဒီးအီၣ်တၢ်တအိၣ်ဘၣ်အသိးအဝဲ သ့ၣ်သံဝဲဒီးကယဲၢ်အဖိတဖၣ်လီၤပြံလီၤပြါကွံာ်ဝဲဒၣ်န့ၣ်လီၤ.
12တၢ်ကစီၣ်တမံၤဘၣ်တၢ်ဟဲစိာ်ခူသူၣ်အီၤဆူယအိၣ်ဒီး ယနၢ်ဟူဘၣ်ဒၣ်အီၤကသွံဒံန့ၣ်လီၤ.
13ဒီးဒ်တၢ်မံမီၢ်ပျီၢ်သီအၢအသိးမၤတံာ်တာ်ယတၢ်မံန့ၣ်လီၤ.
14တၢ်ပျံၤလီၤဘၣ်ယၤဒီးယကနိးကစုာ်ဒီးယဃံခဲလၢာ်ဟူးဝး ဝဲန့ၣ်လီၤ.
15ကလံၤကဖီလီအူဘၣ်ယမဲာ်သၣ်ဒီးယဆူၣ်တကံထီၣ်လၢတၢ်ပျံၤ တၢ်ဖုးအပူၤန့ၣ်လီၤ.
16ယထံၣ်ဘၣ်တၢ်တမံၤအိၣ်ဆၢထၢၣ်ဖဲန့ၣ်, ဒီးယကွၢ်စူၣ်အီၤဘၣ် ဆၣ်ဒီးယတဲလၢအဂ့ၢ်တသ့ဘၣ်. တုၤနုၤတစုယနၢ်ဟူတၢ်က လုၢ်သီၣ်ထီၣ်လၢတၢ်ဘှ့ၣ်တၢ်ဘှီၣ်အပူၤ,
17“ပှၤကညီလၢအသံသ့န့ၣ်ကတီကလိၤဝဲလၢကစၢ်ယွၤအမဲာ်ညါ ဘၣ်ကသ့ဧါ. ပှၤကညီကကဆှီဝဲလၢပှၤလၢအတ့လီၤအီၤ အမဲာ်ညါဘၣ်ကသ့ဧါ.”
18ကစၢ်ယွၤနာ်န့ၢ်အခ့အပှၤမ့ၢ်တသ့ဒီးယွၤမ့ၢ်ထံၣ်ဒၣ်လဲာ်တၢ်ကမၣ် လၢအကလူးတဖၣ်န့ၣ်ဒီး,
19နဆိကမိၢ်လၢအဝဲကနာ်န့ၢ်တၢ်ဘၣ်တ့တမံၤလၢအမ့ၢ်ဟီၣ်ခိၣ်က ပံာ်, ဒီးတၢ်တမံၤလၢအကဲထီၣ်လၢဖၣ်ဆါလၢအဘၣ်တၢ်မၤသ ဘှံးအီၤသ့ဒ်ဂၢၢ်တဖျၢၣ်အသိးန့ၣ်ဧါ.
20ပှၤကညီတဂၤကမူဝဲလၢမုၢ်ဂီၤဘၣ်ဆၣ်သံဝဲလၢတၢ်တပာ်သူၣ် ပာ်သးဘၣ်အပူၤတချုးမုၢ်ဟါလီၤဒံးဘၣ်န့ၣ်လီၤ.
21တၢ်လၢအအိၣ်ဒီးအီၤခဲလၢာ်ဘၣ်တၢ်စိာ်ကွံာ်လံအီၤ, ဒီးသံဝဲ, ဒီးတအိၣ်ဘၣ်ဒီးတၢ်ကူၣ်ဘၣ်ကူၣ်သ့ဘၣ်န့ၣ်လီၤ.
Currently Selected:
လံာ်စီၤယိၤဘး 4: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
