1. Mose 10
10
Noah sein Fluch un Säajen äwa siene Nokomen
1Un dit sent de Jeschlajchta de Säns Noah, Sem, Ham un Jafet: Un daut worden an Säns no de Sindflut jebuaren.
2De Säns Jafet: Gomer un Magog un Madai un Jawan un Tubal un Meschech un Tiras. 3Un de Säns Gomer: Askenas un Rifat un Togarma. 4Un de Säns Jawan: Elisa un Tarsis, de Kittim un de Dodanim. 5Von dise ut vedeelden sikj de Bewona de Inslen de Nazionen en äare Lenda, eene jiedre no äare Sproak, no äare Famielje, en äare Nazion.
6Un de Säns Ham: Kusch un Mizraim un Put un Kanaan. 7Un de Säns Kusch: Seba un Hawila un Sabta un Raghma un Sabteka. Un de Säns Raghma: Scheba un Dedan. 8Un Kusch jebua Nimrod; dee funk aun, een Jewault doonenda oppe Ieed to sennen. 9Hee wia een jewaultja Jäaja ver däm Harn; doarom sajcht maun: Aus Nimrod, een jewaultja Jäaja ver däm Harn! 10Un de Aunfank von sienem Rikj wia Babel un Erek un Akkad un Kalne em Launt Sinear. 11Von disem Launt trock hee ut no Assur un bud Ninive un Rechobot-Ir un Kalach, 12un Resen tweschen Ninive un Kalach: Daut es de groote Staut.
13Un Mizraim jebua de Ludim un de Anamim un de Lehabim un de Naftuchim, 14un Pathrusim un de Kasluchim, von dee de Filista utjegonen sent, un de Kaftorim.
15Un Kanaan jebua Sidon, sienen Ieeschtjebuarnen, un Het, 16un de Jebusita un de Amorita un de Girgasita, 17un de Hewita un de Arkita un de Sinita, 18un de Arwadita un de Zemarita un de Hamatita. Un no häa ha sikj de Famieljes de Kanaanita vestreit. 19Un de Jäajent de Kanaanita wort utjebreet von Sidon no Gerar han, bat Gasa; no Sodom un Gomorra un Adama un Zebojim han, bat Lescha.
20Doa sent de Säns Ham no äare Famieljes, no äare Sproaken, en äare Lenda, en äare Nazionen.
21Un däm Sem, däm Voda aule Säns Hebers, däm Brooda Jafet, däm elsten, uk am worden Säns jebuaren. 22De Säns Sem: Elam un Assur un Arpachschad un Lud un Aram. 23Un de Säns Aram: Uz un Hul un Geter un Masch. 24Un Arpachschad jebua Schelach, un Schelach jebua Heber. 25Un däm Heber worden twee Säns jebuaren: De Nomen von eenem wia Peleg, dan en siene Doag wort de Ieed vedeelt; un de Nomen von sienem Brooda wia Joktan. 26Un Joktan jebua Almodad un Schelef un Hazarmawet un Jerach, 27un Hadoram un Usal un Dikla, 28un Obal un Abimael un Scheba, 29un Ofir un Hawila un Jobab; dise aula wieren Säns Jokans. 30Un äa Wonstäd wia Meschar no Sefar han, de Boaj nom Oosten.
31Daut sent de Säns Sem no äare Famieljes, no äare Sproak, en äare Lenda, no äare Nazionen.
32Daut sent de Famieljes de Säns Noah no äare Jeschlajchta, en äare Nazionen; un von dise ut ha sikj no de Sintflut de Nazionen oppe Ieed vedeelt.
Currently Selected:
1. Mose 10: PBJHF
Highlight
Share
Copy
Want to have your highlights saved across all your devices? Sign up or sign in
© SW-Radio e.V.
