SALAMO 115
115
Ko te Atua Tonu e Tokotasi
1Ko koe fua e tokotasi, Te Aliki, ko koe fua tokotasi
E 'tau o tavaegina kae se ko matou,
E tusa mo tou alofa tumau mo tou fakamaoni.
2Ai a e fesili mai a malo ki a tatou penei,
“Tefea te Atua o koutou?”
3A te motou Atua e nofo i te lagi;
E pule eiloa a ia i mea e fai ne ia.
4 #
Sala 135.15-18; Iele 4-73
Faka 9.20
A olotou atua ne faite ki siliva mo aulo,
Ne faite ki lima o tino ola.
5E isi olotou gutu kae se mafai o faipati,
E isi olotou mata kae se ile.
6E isi olotou taliga kae se 'logo,
E isi olotou isu kae se 'sogi.
7E isi olotou lima kae 'mate,
E isi olotou vae kae se mafai o sasale;
E seai ne olotou leo.
8Ko latou kola ne faite ne latou a tupua kona mo tino katoa kola e talitonu ki ei,
Ke pena eiloa latou mo tupua kona ne faite ne latou.
9Tali'tonu ki te Aliki, koutou tino Isalaelu.
A ia e fesoasoani kae tausi ki a koutou.
10A koutou faitaulaga a te Atua, talitonu ki te Aliki.
A ia e fesoasoani kae tausi ki a koutou.
11A koutou katoa kola e tapuaki ki te Aliki, talitonu ki a ia.
A ia e fesoasoani kae puipui ki a koutou.
12E masaua tatou ne te Aliki, kae fakamanuia foki ki a tatou;
Ka fakamanuia ne ia a tino Isalaelu,
Mo faitaulaga katoa a te Atua.
13 #
Faka 11.18; 19.5 Ka fakamanuia ne ia a latou katoa kola e mataku ki a ia,
E pau faeloa i a ia a tino maluga mo tino malalo.
14Ke avatu ne te Aliki ne tamaliki ma koutou,
Ko koutou mo otou fanau!
15A te Aliki tela ne faite ne ia te lagi mo te lalolagi,
Ke fakamanuia atu ki a koutou!
16A te lagi e o te Aliki tokotasi,
Kae ne tuku atu ne ia te lalolagi ki tino.
17A te Aliki e se tavae ne tino 'mate,
E se tavaegina foki ne tino ko i lalo i tanuga. #115.17 Te fenua taligoligoa: Te lalolagi o tino mate (onoono ki te Sala 6.5).
18Ka ko tatou tino ola, ke fakafetai atu ki a ia,
E kamata atu nei ke oko ki te se gata mai.
Viki atu koutou ki te Aliki!
Currently Selected:
SALAMO 115: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
