SALAMO 116
116
A te Tino ne Fakaolagina mai te Mate ko 'Viki ki te Atua
1Au e alofa ki te Aliki, me ne talia ne ia au;
Ne talia foki ne ia aku talosaga.
2E fakalogo mai ki a au,
i taimi katoa e kalaga atu ei au ki a ia.
3Au ne mataku kae manavase,
i te mea moi lavelave au i malei o te mate;
Ko pili mai foki ki a au a te fakamataku o te tanuga.
4Tena ne kalaga atu ei au ki te Aliki penei,
“Te Aliki, fakamolemole fakasao mai au!”
5A te Aliki e alofa kae aga 'lei;
A te tou Atua e loto alofa.
6A te Aliki e tausi ki tino e ola fakaa'lofa;
Ne fakasao ne ia au i taimi e maua ei au ne fakalavelave.
7Toku loto, koe ke toka me i te Aliki ne alofa mai ki a au.
8Au ne fakasao ne te Aliki mai te mate;
Ne fakagata ne ia oku loimata
Ne tausi foki ne ia au ke mo a ma takavale.
9Tenei la, au ko sasale i mua o te Aliki
i te lalolagi o tino ola.
10 #
2Koli 4.13
E ui eiloa i aku pati e fai
i au ko takavale masei;
Kae tumau eiloa toku talitonu ki te Aliki.
11E tiga foki eiloa toku mataku mo aku pati e fai aka pela,
“E seai se tino e talitonu au ki ei,” ka ko au e talitonu faeloa ki te Aliki.
12Se a taku mea ka avatu ma te Aliki
Mo taui atu tena aga 'lei ki a au?
13Ka avatu ne au te taulaga ko te ipu uaina o te fakaolataga ki te Aliki,
O fakafetai atu mō toku fakaolaga.
14I taimi e maopoopo ei ana tino katoa;
Ka avatu ei ne au ki a ia a mea kola ne tauto au ki ei.
15Ko oko eiloa i te 'mafa ki te Aliki,
Manafai ko mate se tino tokotasi tela e talitonu ki a ia.
16Te Aliki, au ko tau tavini,
Au e tavini atu ki a koe e pela eiloa mo te tavini atu o toku matua.
Ko oti ne fakasao ne koe au mai te mate.
17Ka avatu ne au se taulaga fakafetai,
Ka 'talo atu foki au ki a koe.
18-19I te maopoopoga ou tino katoa
i loto i tou Faletapu i Ielusalema
Ka avatu ei ne au ki a koe te mea ne fai feagaiga au ki ei.
Ke viki koutou ki te Aliki!
Currently Selected:
SALAMO 116: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
