SALAMO 114
114
Ko te Pese o te Paseka
1 #
Eso 12.51
I te tiakinaga o Aikupito ne tino Isalaelu,
i te tiakinaga foki ne fanau a Iakopo a te fenua fakaatea tena,
2A Iuta ko fai mo tino tapu a te Aliki,
Ka ko Isalaelu ne fai mo ona tofi tonu.
3 #
Eso 14.21;
Iosu 3.16
Ne kilo atu te Tai Kula, ko te mea eiloa ko tele keatea;
A te Vaitafe o Iolitana ne se 'tafe.
4A mauga 'lasi ne evaeva e pela me ne kouti,
Ka ko mauga fo'liki ne tafukefuke e pela me ne tamā mamoe.
5Te tai, ai a ne tele ei koe keatea?
A koe foki te Iolitana, ai a ne se tafe ei koe?
6Koutou mauga 'lasi, ai a ne evaeva ei koutou e pela me ne kouti?
Koutou mauga fo'liki, ai a ne tafukefuke ei koutou e pela me ne tamā mamoe?
7Te laukele, ke galulu koe i te taimi e vau ei te Aliki,
Ke galulu foki koe i mua o te Atua o Iakopo,
8 #
Eso 17.1-7; Nume 20.2-13 Ko ia tela ne fuli ne ia a kaupapa ke fai mo pugapugaloto vai,
Ne fai foki ne ia matā papa lasi ke fai mo vaipuna.
Currently Selected:
SALAMO 114: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
