SALAMO 113
113
Ko Vikiga ki te Aga'lei o te Aliki
1Ke viki atu koutou ki te Aliki!
A koutou tavini a te Aliki,
Viki atu ki tena igoa!
2Ke vikia tena igoa,
Nei ke oko ki te se gata mai.
3Mai te saegala ki te togala,
Ke vikia te igoa o te Aliki!
4A te Aliki e pule i malo katoa;
A tena 'malu e maluga atu i te lagi.
5E seai se tino e fakatusa ki ei te Aliki te tou Atua.
E nofo a ia i koga maluga,
6Kae punou ifo a ia
Ke lavea ne ia te lagi mo te lalolagi.
7E avake ne ia a te tino mativa mai tena olaga masei;
E siki ake ne ia ki luga a tino sogea mai te lotou puapuagatia
8E fai foki ne ia latou ke taugasoa mo pelenise,
Ko pelenise o tena fenua.
9E faka'malu ne ia te fafine avaga tela e seai ne ana tama i tena kaiga;
E avatu ne te Aliki ne fanau ma ia mo fakafiafia a ia.
Viki atu koutou ki te Aliki!
Currently Selected:
SALAMO 113: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
