Псалманууд 90
90
1[Бурханай хүн Моисейн зальбарал.]
Эзэн, Та үеһөө үедэ маанадай оршохо газар мүн.
2Хадануудай бии болохоһоо урид,
газар дэлхэй болон юртэмсэ мүндэлхэһөөнь урид,
эгүүриһээ эгүүри хүрэтэр Та Бурхан мүн.
3Та хүниие һөөргэнь, шорой руу бусаажа,
«Хүнэй хүбүүд, һөөргөө бусагты!» гэнэт.
4Мянган жэл хадаа Танда үнгэрһэн үдэртэл гү,
али һүниин нэгэ харуулай хугасаа мэтэ.
5Та зониие үерэй уһандал туугаат,
тэдэ нойрто абтаа.
Үглөөгүүр тэдэ шэнээр ургаһан ногоон мэтэ.
6Үглөө тэдэ сэсэглэжэ, шэнээр ургадаг.
Үдэшэ дүтэлхэдэ, тэдэ хагдаран хатадаг.
7Иигэжэ бидэ Танай уур хилэнгээр шатаагдажа,
Танай уур хилэнһээ айнабди.
8Та манай бурууе Өөрын урда табижа,
манай нюусые Өөрын оршоһон гэрэлдэ байлгабат.
9Иигэжэ манай бүхы үдэрнүүд уур хилэн дундатнай үнгэрөө.
Бидэ һанаа алдаһан мэтэ он жэлнүүдээ дууһаабди.
10Маанадай амидарха хугасаа далан жэл,
хүн хүсэ шадалтай байбал, наян жэл.
Гэбэшье тэдэнэй эгээл ехэнхинь зоболон, ажал соо үнгэрдэг,
энэшье үнгэржэ, бидэ хиидэн ошонобди.
11Танай уур хилэнгэй хүсые хэн мэдэхэб?
Танһаа айхань уур хилэндэтнай адли хүсэтэй.
12Үдэрнүүдээ яажа тоолохыемнай һургыт,
сэсэн ухаатай байхыемнай үршөөгыт.
13Эзэн, һөөргөө бусыт! Хэды болотор юм?
Өөрын зарасанарые хайрлыт.
14Маанадай бүхэли наһаараа баясан, хүхилдэн байхын тула
үглөө маанадта энэрэл хайраа элбэг хайрлыт.
15Маанадые зүдэрүүлһэн үдэрэй тоогоор,
маанадай хохидол үзэһэн жэлнүүдэй тоогоор
бидэниие баясуулыт.
16Бидэндэ, Өөрын зарасанарта, Өөрын хэрэгүүдэй гайхамшагые,
зарасанарайнгаа хүбүүдтэ алдар солоёо үзүүлыт!
17Эзэн Бурханаймнай талархал маанад дээрэ байхань болтогой!
Хэһэн хэрэгүүдтэмнай туһалыт, хэһэн хэрэгүүдтэмнай туһалыт!
Currently Selected:
Псалманууд 90: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
