Mâ-lâ-kî Sû 1

1Yî-ha he Song-chú thûng-ko Mâ-lâ-kî khí-sṳ pûn Yî-set-lie̍t-ngìn ke fa.

Song-chú tui Yî-set-lie̍t ke Thung-siak

2Song-chú kóng: “Ngài yit-chhṳ̍t thung-siak ngì-têu.”

Chúng-he ngì-têu en-kóng: “Ngì sṳt ngióng-pân thung-siak ngài-têu nè?”

Song-chú kóng: “Yî-so kám m̀-he Ngâ-kok ke hiûng-thi? Chúng-he, Ngài siak Ngâ-kok, 3nâu Yî-so, sṳ́ Yî-so ke sân fông-liòng, chiông kì ke thú-thi kâu-pûn khóng-yâ ke yâ-kiéu.”

4Na-he Yî-so ke heu-thoi Yî-tûng-ngìn kóng: “Ngài-têu ke sàng-sṳ su pho-fái, chúng-he ngài-têu oi chiông kì chhùng-kien hí-lòi”; Song-chú — Van-kiûn ke Ngièn-soi oi án-ngiòng kóng: “Yù-chhai kì-têu chhùng-kien; chúng-he, Ngài yit-thin voi chiông kì chhak-thet. Phe̍t-ngìn voi ham kì-têu ôn-to ‘Chhui-ok ke koet’ ya he ‘Song-chú yún-yén só-nâu ke ngìn-mìn.’

5“Ngì-têu Yî-set-lie̍t-ngìn thin-chho̍k voi chhîn-ngién khon-tó liá-sṳ, ya voi kóng: ‘Song-chú chhai Yî-set-lie̍t koet-ngoi me su chûn-chhung!’ ”

Song-chú Kín-kie Chi-sṳ̂

6Song-chú — Van-kiûn ke Ngièn-soi tui chi-sṳ̂ kóng: “Lai-é chûn-kin â-pâ, phu̍k-ngìn kin-vi chú-ngìn. Ngài he ngì-têu ke Â-pâ, ngì-têu ngióng-pân m̀ chûn-kin Ngài? Ngài he ngì-têu ke chú-ngìn, ngì-têu ngióng m̀ kin-vi Ngài? Ngì-têu chi-sṳ̂ méu-sṳ Ngài ke miàng, hàn en-kóng: ‘Ngài-têu nai-yû méu-sṳ Ngì ke miàng?’ 7Ngì-têu chiông mò chhiang-li ke sṳ̍t-vu̍t hien chhai Ngài ke chi-thàn táng, hàn mun: ‘Ngài-têu nai-yû siet-thu̍k Ngì nè?’ He yîn-vi ngì-têu sióng: ‘Song-chú ke chok-è he cho-tet méu-sṳ ke.’ 8Ngì-têu chiông mô-muk ke, pâi-kiok ke lâu yû-phiang ke thèu-sâng tai-lòi hien-pûn Ngài; liá kám m̀-he khó-vu mâ? Ngì-têu chiông án-ngiòng ke thung-vu̍t sung pûn ngì ke sén-chóng chhṳ-khon, khon kì voi fôn-hí mò? Voi khon-cho he ngì ke hó-yi mò?” Liá he Song-chú — Van-kiûn ke Ngièn-soi kóng ke.

9Ngì liá-têu chi-sṳ̂ â, hi khién-khiù Song-ti sṳ̂-ên pûn ngài-têu! Ngì-têu ki-yèn chiông án-ngiòng ke chi-vu̍t hien-pûn Kì, Kì yit-thin m̀-voi thâng ngì-têu ke khì-tó!

10Song-chú — Van-kiûn ke Ngièn-soi kóng: “Ngài tông hî-mong ngì-têu yû-ngìn chiông sṳn-thien ke mùn koân hí-lòi, ngì-têu chhiu m̀-voi chhai Ngài ke chi-thàn táng tiám mò-yung ke fó. Ngài mò fôn-hí ngì-têu, ya mò-oi chiap-su ngì-têu ke sú só-hien ke chi-vu̍t. 11Tui ngit-chhut to ngit-lo̍k chṳ̂ thi, van-koet lûng-chúng chûn-kin Ngài. Kì-têu chhai kok thi-fông hiong Ngài sêu-hiông, hien chhiang-li ke chi-vu̍t, yîn-vi Ngài — Song-chú, Van-kiûn Ngièn-soi ke sṳn-miàng chhai van-koet chûng su chûn-kin. 12Ngì-têu fán-chón siet-thu̍k Ngài, kóng: ‘Chú ke chok-è he lá-sap ke; chok-táng ke sṳ̍t-vu̍t he ngài-têu khon m̀-sông ngién ke.’ 13Ngì-têu yu kóng: ‘Ái! Hàn fi-hi ô!’ chhiu phi-khûng khieu-khieu m̀ chhap Ngài — Song-chú, Van-kiûn ke Ngièn-soi. Ngì-têu chiông chhióng-lòi ke, pâi-kiok ke, yû-phiang ke thung-vu̍t hien-pûn Ngài. Ngài — Song-chú kám voi tui ngì-têu ke sú chiap-su án-ngiòng ke tûng-sî mâ? 14Ngìn hí-ngien oi chiông yòng-khiùn chûng ke hó kûng-yòng hien-pûn Ngài, fán-chón hien pot-phiang mò chṳn-sòng ke, án-ngiòng khî-phien ke ngìn yin-tông su chu-chú. Yîn-vi Ngài he thai kiûn-vòng! Sṳ-song van-koet lûng-chúng kin-vi Ngài. Ngài — Song-chú, Van-kiûn ke Ngièn-soi án-ngiòng siên-pu lé.”

Currently Selected:

Mâ-lâ-kî Sû 1: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mâ-lâ-kî Sû 1

Video for Mâ-lâ-kî Sû 1

Malachi 1-2

BibleProject

Mâ-lâ-kî Sû 1

Popular Bible Verses from
Mâ-lâ-kî Sû 1

Video for Mâ-lâ-kî Sû 1

Malachi 1-2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-lâ-kî Sû 1

Mâ-lâ-kî Sû 1

Popular Bible Verses from Mâ-lâ-kî Sû 1

Video for Mâ-lâ-kî Sû 1

Malachi 1-2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-lâ-kî Sû 1

Popular Bible Verses from
Mâ-lâ-kî Sû 1