Sat-kâ-li-â Sû 14

Yâ-lu-sat-lâng lâu Lie̍t-koet

1Song-chú sṳ́m-phan ke ngit-è voi to lé, ke-sṳ̀ Yâ-lu-sat-lâng voi pûn-ngìn chhióng; ngìn voi chhai ngì-têu mien-chhièn pûn chhióng-lòi ke tûng-sî. 2Song-chú oi chhi-si̍p só-yû ke koet-kâ lâu Yâ-lu-sat-lâng siông-chhṳ̀. Liá-sàng voi pûn-ngìn kûng-pho, fòng-vuk voi pûn-ngìn chhióng, fu-ńg voi pûn-ngìn khiòng-kiên; sàng-tú yit-pan ke ngìn voi pûn-ngìn chok-chéu, chhûn hâ-lòi ke voi liù chhai sàng-tú.

3Yèn-heu, Song-chú oi chhut-hi lâu ke-têu koet-kâ siông-chhṳ̀, chhiong Kì yî-chhièn án-ngiòng. 4Ke-ngit, Kì ke kiok oi khî chhai Yâ-lu-sat-lâng tûng-phién ke Kám-lám-sân táng. Kám-lám-sân voi chhai tûng-ông lie̍t-khôi, tui-tûng to-sî sàng-cho thai sân-lak, sân ke yit-pan hiong-pet sái, nang-ngoi yit-pan hiong-nàm sái. 5Ngì-têu oi tui Song-chú ke sân-lak thò-chéu, yîn-vi liá sân-lak chhṳ̍t theu-to Â-sat#14:5 “Ngì-têu oi ... Â-sat”: Hî-pak-lòi-vùn ke yi-sṳ mò chhîn-chhú.. Ngì-têu voi thò-chéu, chhiong ngì-têu ke chú-siên chhai Yù-thai-vòng Vû-sî-ngâ ke sṳ̀ thò-sám thai thi-thûng án-ngiòng. Yèn-heu Song-chú — ngài ke Song-ti oi kong-lìm, tai-tén só-yû ke sṳn-chá khiung-ha lòi.

6Ke-ngit, m̀-voi chai yû kông, hòn-lâng, lo̍k-sông#14:6 “m̀-voi chai yû ... lo̍k-sông”: Hî-pak-lòi-vùn ke yi-sṳ mò chhîn-chhú., 7ya mò vû-am; mò pûn ngit-sṳ̀-thèu, ya mò pûn am-pû-thèu, chhiu-son am-pû-sṳ̀ hàn-voi yû kông-mìn. Liá ngit-è chṳ́-yû Song-chú chang tî.

8Chhai ke-ngit, voi yû sâng-miang-súi tui Yâ-lu-sat-lâng liù chhut-lòi, yit-pan liù-ngi̍p Sí-hói, yit-pan liù-ngi̍p Thi-chûng-hói; lièn kha châu-hôn ke ngie̍t-thiên ya-he tûng-thiên, hàn-he khiung-yong yû liá-súi.

9Song-chú yit-thin voi cho chhiòn sṳ-kie ke vòng. Ke-ngit, sà-sà lûng-chúng oi sṳ̀n-ngin Kì he thu̍k-yit vù-ngi ke Song-chú; Kì ke miàng ya he thu̍k-yit vù-ngi ke.

10Tui pet-phién ke Kâ-pâ to Yâ-lu-sat-lâng nàm-phién ke Lìm-mùn, chhiòn thi-khî oi pien-cho phiàng-thi. Yâ-lu-sat-lâng voi pí chû-vì ke thi kha-kô; sàng voi tui Phien-ngâ-mén-mùn chhṳ̍t theu-to Kok-mùn (liá thi-fông yî-chhièn yû yit-ke khiu-mùn), tui Ha̍p-nàm-ngia̍p-lèu to vòng ke chiú-fut. 11Ngìn-mìn voi ôn-kî lo̍k-ngia̍p he̍t chhai Yâ-lu-sat-lâng, m̀-voi chai yû pûn-ngìn me̍t-mòng ke ngùi-hiám.

12Song-chú oi sṳ́ ke-têu lâu Yâ-lu-sat-lâng siông-chhṳ̀ ke koet-kâ ngìn-mìn pot-vûn. Kì-têu khî-tén hó-hó ke sṳ̀, ngiuk chhiu mièn-thet, muk-chû-yìn thap-thet, sa̍t-mà ya lan-thet.

13Chhai ke-ngit, Song-chú oi sṳ́ kì-têu thai-lon, thai chho̍k-kiâng; sà-sà khiú-lòi khiú-hi, tá-lòi tá-hi. 14Yù-thai-ngìn oi vi Yâ-lu-sat-lâng chên-chan; kì-têu voi chhióng-chéu si-vì kok-koet ke chhòi-pó, yû tông-tô ke kîm-é, ngiùn-è lâu sâm-fu.

15Lie̍t-koet ke mâ-é, lò-è, lo̍k-thò, lì-è lâu yàng-thi só-yû ke thung-vu̍t, ya chhiòn-phu voi pot-vûn.

16Heu-lòi, só-yû lòi kûng-tá Yâ-lu-sat-lâng ke lie̍t-koet, hàn-sâng ke ngìn ngièn-ngièn oi sông-lòi kin-pai thai kiûn-vòng — Song-chú, Van-kiûn ke Ngièn-soi, pin sú Tap Liàu-è Chiet. 17Thi-song van-chhu̍k chûng na-he yû m̀ sông-lòi Yâ-lu-sat-lâng kin-pai thai kiûn-vòng — Song-chú, Van-kiûn ke Ngièn-soi ke, yí-súi chhiu m̀-voi lo̍k chhai kì-têu ke thú-thi song. 18Na-he Âi-khi̍p-ngìn m̀ sông-lòi, yí-súi ya m̀-voi lo̍k chhai ke thi-song, fán-chón voi pot-vûn, yîn-vi Song-chú oi kûng-kit ke-têu mò lòi sú Tap Liàu-è Chiet ke lie̍t-koet. 19Liá chhiu-he Âi-khi̍p lâu só-yû m̀ sông-lòi sú Tap Liàu-è Chiet ke koet-kâ oi su ke chit-fa̍t.

20Chhai ke-ngit, lièn mâ-é ke lìn-lòng voi khat-tén ‘Kûi Song-chú vì-sṳn’ liá-ki fa. Sṳn-thien tú ke vo̍k-thèu ya voi chhiong chi-thàn chhièn ke vón khiung-yong he sṳn ke. 21Só-yû chhai Yâ-lu-sat-lâng lâu Yù-thai ke vo̍k-thèu, chhiòn-phu oi kûi Song-chú — Van-kiûn ke Ngièn-soi vì-sṳn. Hien-chi ke ngìn lûng-chúng oi yung liá vo̍k-thèu lòi chú chi-ngiuk. Chhai ke-ngit, Song-chú — Van-kiûn Ngièn-soi ke sṳn-thien tú, m̀-voi chai yû cho sên-lî ke ngìn#14:21 “cho sên-lî ke ngìn” ya-he yi̍t-cho “Kâ-nàm-ngìn”..

Currently Selected:

Sat-kâ-li-â Sû 14: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sat-kâ-li-â Sû 14

Video for Sat-kâ-li-â Sû 14

Zechariah 12-14

BibleProject

Sat-kâ-li-â Sû 14

Popular Bible Verses from
Sat-kâ-li-â Sû 14

Video for Sat-kâ-li-â Sû 14

Zechariah 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 14

Sat-kâ-li-â Sû 14

Popular Bible Verses from Sat-kâ-li-â Sû 14

Video for Sat-kâ-li-â Sû 14

Zechariah 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 14

Popular Bible Verses from
Sat-kâ-li-â Sû 14