Mâ-lâ-kî Sû 2

1Song-chú — Van-kiûn ke Ngièn-soi tui ke-têu chi-sṳ̂ kóng: “Liá he pûn ngì-têu ke min-lin: 2Ngì-têu yit-thin oi yung hàng-vì chûn-kin Ngài. Ngì-têu m̀ thâng-chhiùng, ya m̀ chiông min-lin piong chhai sîm-tú, Ngài chhiu sṳ́ chu-chú lìm-to ngì-têu sṳ̂n-song, chiông ngì-têu ke fuk-fun#2:2 “fuk-fun” ya-he yi̍t-cho “chuk-fuk”. pien-cho chu-chú; sṳ-sṳ̍t-song, Ngài yí-kîn chu-chú lé, yîn-vi ngì-têu m̀ khon-chhung Ngài ke min-lin. 3Khon â! Ngài oi chit-fa̍t ngì-têu ke chṳ́-ńg, chiông ngì-têu chhai chiet-khì chûng só-hien thèu-sâng chhòng-tú ke sṳ́, kò ngì-têu ke mien; ngìn oi chiông ngì-têu lâu sṳ́ khiung-ha fit-thet. 4Ke-sṳ̀, ngì-têu chhiu voi tî, Ngài sṳt pûn ngì-têu liá-ke kie-min; án-ngiòng, Ngài lâu Li-vi heu-thoi ke chi-sṳ̂ só-li̍p ke yok chhiu yún-yén yû-háu. Ngài — Song-chú, Van-kiûn ke Ngièn-soi án-ngiòng siên-pu lé.

5“Chhai Ngài ke yok tî-poi, Ngài sṳt tap-yin su-pûn kì-têu sâng-miang lâu phìn-ôn. Ngài chiông liá-têu pûn kì-têu ke muk-tit, he oi kì-têu chûn-kin Ngài. Yî-chhièn kì-têu khok-sṳ̍t chûn-kin Ngài, kin-vi Ngài ke miàng. 6Kì-têu chhòn-kóng chṳ̂n-lî, m̀ kóng put-ngi ke fa. Kì-têu lâu Ngài khiung-ha hàng phìn-ôn chṳn-chhṳ̍t ke lu, ya sṳ́ chhin-tô ngìn lì-khôi chhui-ok. 7Chi-sṳ̂ ke choi oi pó-chhùn yû-koân Ngài ke chṳ̂n chṳ-sṳt; ngìn-mìn oi tui kì-têu ke khiéu-chûng chhìm-khiù Ngài ke kau-sṳ, yîn-vi kì-têu he Ngài — Song-chú, Van-kiûn Ngièn-soi ke sṳ́-chá.

8“Chúng-he, ngì liá-têu chi-sṳ̂ yí-kîn lì-khôi chṳn-tho; ngì-têu ke kau-thô hoi chhin-tô ngìn tiet-tó; ngì-têu fi-thet Ngài lâu Li-vi só-li̍p ke yok. 9Só-yî, Ngài oi sṳ́ ngì-têu pûn chung-ngìn méu-sṳ, khon-cho ha-chhien; yîn-vi ngì-têu m̀ chûn-hàng Ngài ke tho, yu chhai chṳp-hàng fap-li̍t ke sṳ̀-chiet, khon chhìn-mien, yû sṳ̂-sîm.” Liá he Song-chú — Van-kiûn ke Ngièn-soi só-kóng ke.

Ngìn-mìn Tui Song-ti Mò Chûng-sîm

10Ngài-têu kám m̀-he khiung yit-ke Â-pâ mâ? M̀-he khiung yit-ke Song-ti chho ngài-têu mâ? Ngài-têu tông-chûng cho-má-ke m̀ fu-siông sú sin-yung? Cho-má-ke méu-sṳ Song-ti lâu ngài-têu chú-siên só-li̍p ke yok? 11Yù-thai-ngìn mò chûng-sîm, chhai chhiòn-koet lâu Yâ-lu-sat-lâng cho yit-hong sià-ok ke sṳ; yîn-vi Yù-thai-ngìn tá-lá-sap Song-chú só-oi ke sṳn-thien, chiông pai ngoi-pâng sṳ̀n-mìn ke ńg-chṳ́ thó-lòi cho pû-ngiòng. 12Só-yû cho liá-sṳ ke ngìn, mò-lun má-ngìn, chhiu-son hien lî-vu̍t pûn Song-chú — Van-kiûn ke Ngièn-soi, ngien Song-chú chhiùng Ngâ-kok ke heu-thoi chûng chiông kì chhù-thet, sṳ́ kì yún-yén cho-m̀-tet hiong Song-chú hien-chi.

13Ngì-têu yu cho nang-ngoi yit-hong sṳ: Ngì-têu yung kieu lâu than-sit châ-koi Song-chú ke chi-thàn; yîn-vi Song-chú mò-chai khon-chhung lî-vu̍t, ya m̀ chiap-na̍p ngì-têu sú só-hien ke. 14Ngì-têu hàn mun: “Ngióng-voi án-ngiòng?” Yîn-vi, ngì lâu heu-sâng sṳ̀ só-thó ke pû-ngiòng, Song-chú he chṳn-fûn ngìn. Ngiâ pû-ngiòng he Kì phi-pûn ngì ke phân, ngì yu fat-sṳ oi tui kì chûng-sîm, chúng-he ngì mò cheu án-ngiòng cho. 15Song-ti m̀-he sṳ́ ngì lâu kì sàng-cho yit-thí mâ?#2:15 “Song-ti ... mâ?”: Hî-pak-lòi-vùn ke yi-sṳ mò chhîn-chhú. Song-ti án-ngiòng cho he oi ngì-têu yû khièn-sṳ̀n ke heu-thoi. Só-yî ngì-têu oi kiún-sṳ́m ngì-têu ke sîm, m̀-hó tui ngì-têu heu-sâng sṳ̀ só-thó ke pû-ngiòng mò chûng-sîm. 16Song-chú — Yî-set-lie̍t ke Song-ti kóng: “Hiû-chhî lâu yung khiòng-phau tui-thai pû-ngiòng ke ngìn he Ngài tông hen ke! Só-yî oi kiún-sṳ́m ngì-têu ke sîm, m̀-hó cho-ngìn mò chûng-sîm.” Liá he Song-chú — Van-kiûn ke Ngièn-soi só-kóng ke.

Sṳ́m-phan ke Ngit-è Voi To Lé

17Ngì-têu só-kóng ke fa, Song-chú thâng-to chhin-fàn! Ngì-têu hàn mun: “Ngài-têu cho má-ke sṳ pûn Kì án-fàn nè?” Chhiu-he yîn-vi ngì-têu kóng: “Song-chú chiông só-yû cho fái-sṳ ke ngìn chhiòn-phu chún-cho hó-ngìn; Kì fôn-hí kì-têu.” Ya-he yîn-vi ngì-têu kóng: “Kûng-ngi ke Song-ti chhai nai-vi?”

Currently Selected:

Mâ-lâ-kî Sû 2: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mâ-lâ-kî Sû 2

Videos for Mâ-lâ-kî Sû 2

Malachi

BibleProject

Malachi 1-2

BibleProject

Mâ-lâ-kî Sû 2

Popular Bible Verses from
Mâ-lâ-kî Sû 2

Videos for Mâ-lâ-kî Sû 2

Malachi

Malachi 1-2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-lâ-kî Sû 2

Mâ-lâ-kî Sû 2

Popular Bible Verses from Mâ-lâ-kî Sû 2

Videos for Mâ-lâ-kî Sû 2

Malachi

Malachi 1-2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-lâ-kî Sû 2

Popular Bible Verses from
Mâ-lâ-kî Sû 2