ZEKALIA 4

1ANGẸLI he to hódọ he mi lọ sọ vọ́ wá, bo dọhó hẹ mi, di omẹ he yè hẹn fọ́n sọn amlọn etọn mẹ de. 2Ewọ sọ dọ hlan mi dọ, Eté hiẹ mọ? Yẹn bo sọ dọmọ, Yẹn ko mọ, bo dayi e go, zògbántin sika dodo tọn de, po adingbén etọn po to aga etọn, po zògbán etọn ṣinawe lẹ po to e ji; po funnẹ̃ ṣinawe po hlan zògbán lẹ, he tin to aga etọn: 3Po atin oliviéli tọn awe po to e dali, dopo to adà adusi adingbén lọ tọn ji, awetọ sọ tin to adà amiọn eton ji. 4Yen sọ gblọn bo dọhó hlan angeli he to hodọ hẹ mi lọ, dọmọ, Eté we ehelẹ, kluno ṣie? 5Whenẹnu wẹ angẹli he to hódọ hẹ mi lọ gblọn bo dọ hlan mi dọ, Hiẹ ma yón núhe ehelẹ yín? Yẹn sọ dọmọ, Lala, klunọ ṣie. 6Whenẹnu wẹ ewọ gblọn bo sọ dọhó hlan mi, dọmọ, Ehe wẹ ohó OKLUNỌ tọn hlan Zelubabeli, dọmọ, Gbọn awhànfuntọ de dali ma gba, mọ huhlọn dali ma gba, adavo gbọn gbigbọ ṣie dali, wẹ OKLUNỌ awhànpa lẹ tọn dọ. 7Mẹnu wẹ hiẹ, hiẹ osé daho È? to Zelubabẹli nukọn hiẹ na lẹzùn dangbo de: ewọ na sọ hẹn zannu aga tọn jegbonu wá po àbobodido jọmiọn, jomion tọn lẹ po jẹ e kòn. 8Humọ ohó OKLUNỌ tọn sọ wá jẹ dè, dọmọ, 9Alọ Zelubabẹli tọn lẹ ko do dòdonu ohò he tọn ai; alọ etọn lẹ ga wẹ na sọ vọ ẹ; hiẹ bo na sọ yọnẹn dọ OKLUNỌ awhànpa lẹ tọn wẹ ko do mi hlan de we. 10Na mẹnu wẹ ko nọ vlẹ azán onú pẹvi lẹ tọn? na yé na jaya, bo sọ mọ adójlọnú to alọ Zelubabẹli tọn mẹ, yèdọ ṣinawe helẹ, he yín nukun OKLUNỌ tọn lẹ; yé to wezunhòn yìgodo yìnukọn gbọn aigba lọ lẹpo me. 11Whenẹnu wẹ yẹn gblọn, bo dọ hlan ewọ dọ, Eté wẹ atin olivieli awe lẹ to adà adusi zògbántin lọ tọn ji podọ to adà amiọn etọn ji? 12Yẹn sọ gblọn whlawetọ, bo dọ hlan ẹn dọ, Etẹ́ alà awe olivieli tọn helẹ yín, he to sika kọ́ sọn yéde mẹ gbọn onù sikanọ awe lẹ mẹ tọn dali? 13Ewọ sọ gblọnna mi bo dọmọ, Hiẹ ma yọ́n núhe ehelẹ yín? Yẹn sọ dọmọ, Lala, klunọ ṣie. 14Whenẹnu wẹ ewọ dọmọ, Ehelẹ wẹ visunnu amì tọn awe lẹ, he ṣite to OKLUNỌ aigba pete lọ tọn dali.

Currently Selected:

ZEKALIA 4: BWL23

Highlight

Copy