ZEKALIA 5
5
1WHENẸNU wẹ yẹn sọ vó nukun ṣie lẹ zé daga, bo mọ, bo dayi e go, owehiha he zìnzlọn de. 2E sọ dọ hlan mi dọ, Eté wẹ hiẹ mọ? Yẹn sọ gblọn dọ, Yẹn mọ owéhiha he zinzlọn de; awàgbà oko wẹ tèdidì etọn, podọ ogblo etọn awàgbà ao. 3Whenẹnu wẹ ewọ sọ dọ hlan mi dọ, Ehe wẹ dẹ̀hodo he jegbonu yì nukunmẹ aigba pete lọ tọn ta: na omẹ depope he jẹajo na yín kikisa sẹ́ sọn dinvie yì gbọn e dali; podọ omẹ he nọ whle lẹpo na yín kikisa sẹ́ sọn dinvie yì gbọn e dali. 4Yẹn na sọ hẹn ẹn nado jẹgbonu yì, wẹ OKLUNỌ awhànpa lẹ tọn dọ, é bo na sọ biọ ohò ajotọ lọ tọn mẹ, podọ biọ ohò ewọ he nọ yí oklọ do whle gbọn oyín ṣie dali lọ tọn mẹ: é bo na sọ nọnọ̀ gblagbla ohò etọn tọn mẹ, bo na sọ dù i súdo po whlẹlidemẹ etọn po po zannu etọn po.
5Whenẹnu wẹ angẹli he to hódọ hẹ mi lọ jẹgbonu yì, bo sọ dọ hlan mi dọ, Zé nukun towe lẹ daga dinvie, bo pọ́n etẹ́ wẹ núhe jẹgbonu jei he. 6Yẹn sọ dọmọ, Eté é yín? Ewọ sọ dọmọ, Ehe wẹ efa he jẹgbonu yì lọ E sọ dọ humọ dọ, Ehe wẹ nukun yetọn to aigba lọ lẹpo mẹ: 7(bo dayi e go, yè sọ zé agó mimlin osùnmí tọn de daga:) ehe sọ wẹ nawe de he aisinsin to gblagbla efa lọ tọn mẹ. 8E sọ dọmọ, Ehe wẹ Oyinylan lọ; é sọ zé e dlan jẹte biọ gblagbla ẹfa lọ tọn mẹ: podọ ewọ sọ zé ojlẹ osùnmí ton lọ dlan onù etọn ji 9Whenẹnu wẹ yẹn zé nukun ṣie lẹ daga, bo mọ, bo dayi e go, nawe awe de jẹgbonu wá finẹ, ojẹhọn lẹ sọ tin to awà yetọn lẹ mẹ; dinvie yé tindo awà lẹ taidi awà adọwé de tọn: yé bo sọ zé ẹfa lọ daga to aigba lọ po olọn po ṣẹnṣẹn. 10Whenẹnu wẹ yẹn sọ dọ hlan angẹli he to hódọ hẹ mi lọ dọ, Fiedali ehelẹ hẹn ẹfa lọ jei? 11Ewọ Sọdọ hlan mi dọ, Nado dó ewọ ohò de to aigba Sinali tọn mẹ: podọ whenuena yè hẹn ẹn lódo, ewọ na yin zizé do finẹ do ozọ̀n etọn titi ji.
Currently Selected:
ZEKALIA 5: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
