ZEKALIA 3

1EWỌ sọ do Jọsua yẹwhenọ daho lọ hia mi tote to angẹli OKLUNỌ tọn lọ nukọn, podọ Satani tote to alọ etọn adusi mẹ nado yín mẹglatọ etọn. 2OKLUNỌ sọ dọ hlan Satani dọ, OKLUNỌ wọhẹ we, Satani E; mọwẹ, OKLUNỌ he ko dè Jelusalẹm wọhẹ we: bé ehe ma yín miyọntin de dọ̀n tọ́n sọn miyọn mẹ? 3Dinvie yè yí awugbo dihónọ de do ṣinyọ̀navọ̀na Jọsua, bo sọ ṣite to OKLUNỌ nukọn. 4Ewọ sọ gblọn bo dọhó hlan enẹlẹ he ṣite to ewọ nukọn, dọmọ, Mì dè awugbo dihónọ lẹ lọ sẹ́ sọn e go. Podọ hlan ewo wẹ é sọ dọmọ, Dayi e go, Yẹn ko hẹn oylanwà towe nado juyì sọn hiẹ mẹ, yẹn bo na sọ yí avọ akuẹnọ ṣinyọnna we 5Podọ ewọ sọ dọmọ, gbọ yé ni zé ojẹgbakun whànpẹnọ de do ota etọn ji, bo sọ yí awugbo lẹ do nọ̀; angẹli OKLUNỌ tọn lọ sọ site to olá. 6Angẹli OKLUNỌ tọn lọ sakunnu hlan Jọsua, dọmo, 7Le wẹ OKLUNỌ awhànpa lẹ tọn dọ: Eyín hiẹ na nọ zinzọnlin to aliho ṣie lẹ mẹ, podọ eyín hiẹ na yìn asẹ ṣie, whenẹnu wẹ hiẹ ga na nọ dawhèna owhe ṣie, bo na sọ nọ pọ́n akanmahó ṣie lẹ go, yẹn bo na sọ na otẹn lẹ we nado nọ zinzọnlin to ehe ṣite to olá helẹ ṣẹnṣẹn. 8Sè dinvie, hiẹ Jọsua yewhenọ daho È, hiẹ po ohatọ towe he ṣite to hiẹ nukọn lẹ po; na omẹ he yín awujinu de wẹ yé: na, dayi e go, yen na hẹn devi ṣie Àlà lọ jegbonu wá 9Na dayi e go, zannu he yẹn ko zé do Joṣua nukọn; nukun ṣinawe wẹ to zannu dopo ji: dayi e go, Yẹn na pa opipa etọn, wẹ OKLUNỌ awhànpa lẹ tọn dọ, podọ azán dopo mẹ wẹ yẹn na sọ bẹ́ oylanwà aigba ne tọn sẹ́. 10To azán ne me, OKLUNỌ awhànpa le tọn dọ, wẹ mìwlẹ na nọ ylọ omẹ dopodopo kọmẹnu etọn to vẹntin lọ glọ podọ to atin ovò tọn lọ glọ.

Currently Selected:

ZEKALIA 3: BWL23

Highlight

Copy