ZEKALIA 13
13
1AZÁN nẹ mẹ finẹ wẹ asisanuvo de na yín hùnhùn hlan owhé Davidi tọn podọ hlan tòmẹnu Jelusalẹm tọn lẹ, na ylando podọ na mawé. 2E na so wá jọ to azán nẹ mẹ, OKLUNỌ awhanpa lẹ tọn dọ, wẹ yẹn na sán oyín vodun lẹ tọn lẹ sẹ́ sọn aigba lọ mẹ, podọ yé ma na sọ yín finflin gbède ba: podọ yẹn na sọ hẹn yẹwhegán le po gbigbọ mawé lọ po nado ju yì sọn aigba lọ mẹ ga. 3E na sọ wá jọ do, whenuena mẹde na gbẹ́ sọ dọdọdai, whenẹnu wẹ otọ̀ etọn po onọ etọn he dè ewọ tọn po na dọ hlan ẹn dọ, Hiẹ ma na nọgbẹ́ gba; na hie dọhó olalo lẹ to oyin OKLUNỌ tọn mẹ: podọ otọ́ etọn po onọ etọn he dè ewọ tọn po na sọnu in luntọ́n whenuena ewọ to dọdaidọ. 4E na sọ wa jọ to azán nẹ mẹ, wẹ yè na hẹn yẹwhegan lẹ lọ mọwinyan omẹ dopodopo numimọ etọn tọn, whenuena ewọ to dọdaidọ; mọ yé ma to na do awu ofunnọ nado klọmẹ gba: 5ṣigba é na dọmọ, Yẹn ma yín yẹwhegán gba, pipo tọ aigba tọn de wẹ yẹn; na yè ko hẹn mi yín mẹmẹglọ sọn vúwhenu ṣie. 6Ome de bo na sọ dọ hlan ẹn dọ, Etẹ́ alan helẹ to alo towe lẹ ṣẹnṣẹn yin? Whenẹnu wẹ ẹwo na gblọn dọ, Enẹle he yè yi do doalan mi to owhé wanyinọ ṣie lẹ tọn gbé.
7Ohi È, fọ́n, do lẹngbọhótọ ṣie ji, podọ do omẹ he yín ohatọ ṣie lọ ji, wẹ OKLUNỌ awhànpa lẹ tọn dọ: ho lẹngbọhótọ lo, lẹngbọ lẹ bo na sọ yín vúnvunvúnvún; yẹn bo na sọ diọ alọ ṣie do omẹ finfin lẹ ji. 8E na sọ wá jọ, dọ to aigba lẹpo mẹ, we OKLUNỌ dọ, ada awe to e mẹ na yín sinsan sẹ̀, bo sọ kú; ṣigba atọ̀ntọ na yín jijódai do e mẹ 9Podọ yẹn na sọ hẹn ada atọ̀ntọ lọ gbọn miyọn mẹ wá, bo na kọn ye dile yè nọ kọn fataka do, bo na sọ whle ye pon dile ye nọ whle sika pọ́n do: Ye na nọ ylọ oyín ṣie, yẹn bo na sọ sè yé: Yẹn na dọmọ, Omẹ ṣie lẹ wẹ yé; yewlẹ bo na sọ dọmọ, OKLUNỌ lọ wẹ Jiwheyẹwhe mitọn.
Currently Selected:
ZEKALIA 13: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
